NUMEROS 8 - Ilokano Form-Based Bible: Ti Biblia (1973)

Dagiti pito a silsilaw. Ti pannacadalus dagiti Levitas.

1Ket ni Jehova nakisao ken Moises a kinuna,

2Ibagam ken Aaron ket saoem kencuana, Ex. 25:37.No seggedam dagiti pagsasaingan dagiti pito a pagsaingan silawandanto ti sangoanan ti candelero.

3Ket ni Aaron inaramidna a casta; pinasgedanna dagiti pagsaingan tapno silawanda ti sangoanan ti candelero, cas imbilin ni Jehova ken Moises.

4 Ex. 25:31. Ket daytoy isu idi ti naaramid a candelero, pinitpit a balitoc; iti poonna, ken iti sabsabongna aramid a Num. 10:2. Ex. 25:18.pinitpit: cas mayannurot iti pagwadan a ni Jehova imparangna ken Moises, casta ti inaramidna a candelero.

5Ket ni Jehova nakisao ken Moises, a kinunana,

6Alaem dagiti Levitas cadagiti annac ti Israel, ket dalusam ida.

7Ket castoy ti aramidemto cadacuada, tapno dalusam ida: Num. 19:9, 17.warsiam ida iti danum a paggugoran, ket Num. 3:12, 45.paipagnada ti nabajas iti amin a lasagda, ket labaanda dagiti pagan-anayda, ket dalusanda dagiti bagbagida.

8 Num. 7:13. Lev. 2:1. Sada alaen ti maysa a bumaro a vaca ken ti datonda a macan, a namayecmec a bellaay a nagamayan iti lana; ken sabali a bumaro a vaca ti alaemto a daton gapu iti basol.

9 Ex. 29:4; 40:12. Ket idatagmonto dagiti Levitas iti sango ti tolda ti gimong; ket Num. 12:8. Ex. 33:9, 11.ummongemto amin a gimong dagiti annac ti Israel;

10Ket iparangmonto dagiti Levitas iti sango ni Jehova. Ket dagiti annac ti Israel Lev. 1:4.ipataydanto dagiti im-imada cadagiti Levitas:

11Ket ni Aaron idatonnanto dagiti Levitas iti sango ni Jehova, a maipaay iti daton a mailili, iti biag dagiti annac ti Israel, tapno buddongda ti agaramid iti panagservi ken Jehova.

12 Ex. 29:10. Ket dagiti Levitas ipataydanto dagiti im-imada cadagiti ol-olo dagiti vacvaca a lallaki: ket idatonmo ti maysa a maipaay a daton gapu iti basol, ket ti caduana maiservi a daton a mapuuran ken Jehova tapno maaramid a pacaabbongan dagiti Levitas.

13Ket iparangmonto dagiti Levitas iti sango ni Aaron, ken iti sango dagiti annacna a lallaki, ket idatagmonto ida a mailili ken Jehova.

14Castoy ti panangilasinmonto cadagiti Levitas cadagiti annac ti Israel; ket Num. 3:45; 16:10.cucuacto dagiti Levitas.

15Ket iti calpasan daytoy, dagiti Levitas sumbrecdanto nga agaramid iti panagannong iti tolda ti gimong: ket dalusamto ida, ken idatonmo ida a daton a mailili.

16Ta isuda maitedda nga awan labas caniac nga aggapuda cadagiti annac ti Israel; Lev. 14:8-9.innalac ida a maisuno cadagiti amin a manglucat iti aanacan, a dagiti inauna nga annac met laeng dagiti amin nga annac ti Israel.

17 Ex. 13:2. Ta amin dagiti inaunaan cadagiti annac ti Israel, cucuac ida, tao man ken animal: iti aldaw a pinangcabilco iti isu-amin nga annac nga inauna iti daga nga Egipto, sinantificarco ida a maipaay caniac met laeng.

18Ket innalac dagiti Levitas a suno dagiti amin nga inauna cadagiti annac ti Israel.

19Ket Num. 3:9.intedco dagiti Levitas a cas sagut ken Aaron ken cadagiti annacna a lallaki, a naggapuda cadagiti annac ti Israel, tapno Num. 1:53.aramidenda ti annong dagiti annac ti Israel iti tolda ti gimong, ken mangaramid iti pannacaabbong a maipaay cadagiti annac ti Israel; tapno ti didigra awanto cadagiti annac ti Israel, no dagiti annac ti Israel umadanida iti santuario.

20Castoy ti inaramid da Moises, ken Aaron ken amin a gimong dagiti annac ti Israel, cadagiti Levitas: cas mayannurot iti isu-amin nga imbilin ni Jehova ken Moises maipapan cadagiti Levitas, casta ti inaramid dagiti annac ti Israel cadacuada.

21 Num. 19:12-13, 20. Ket dagiti Levitas ginugoranda dagiti bagbagida manipud iti basol, ket linabaanda dagiti cawcawesda; ket ni bil. 11-12.Aaron indatagna ida a daton a mailili iti sango ni Jehova; ket ni Aaron inaramidna ti pannacaabbong a maipaay cadacuada tapno dalusanna ida.

22Ket iti calpasan dayta, simrec dagiti Levitas a mangakem iti annongda iti tolda ti gimong iti imatang ni Aaron ken imatang dagiti annacna a lallaki: cas ni Jehova imbilinna ken Moises iti maipapan cadagiti Levitas, casta ti inaramidda cadacuada.

23Ket ni Jehova nakisao ken Moises a kinunana,

24Daytoy isu ti casasaad dagiti Levitas: Num. 4:3. 1 Cron. 23:3, 24, 27. 1 Tim. 1:18.manipud agtawen iti duapulo ket lima ken agpangato sumrecdanto nga agannong iti panagservi iti trabajo iti tolda ti gimong:

25Ket manipud agtawen iti limapulo agsardengdanto nga agannong iti trabajo, ket didanto agannongen,

26Ngem agservidanto agraman cacabsatda iti tolda ti gimong, a Num. 1:53.mangsalimetmet iti panagaywan, ket dida agannong. Castoy ti aramidem cadagiti Levitas maipapan iti servicioda.