I CRONICAS 18 - Ilokano Form-Based Bible: Ti Biblia (1973)

Dagiti panagballigi ni David iti Filistia, Moab, Soba, Siria, ken Edom. Dagiti pagturayen ni David.

1Ket iti calpasan dagitoy naaramid Aginga bil. 17. 2 Sam. 8:1-18.a ni David kinabilna dagiti Filisteos, ket pinarucmana ida, ket innalana ti 1 Sam. 17:4.Gat ken dagiti il-ilina iti ima dagiti Filisteos.

2Ket kinabilna ti Moab; ket dagiti Moabitas nagbalinda nga ad-adipen ni David, ket nangyegda iti buis.

3Ket ni David kinabilna ni 2 Sam. 8:3.Adarezer nga ari ti Soba agingga iti Hamat, idi isu napanna pasingkedan ti pagturayanna iti denna ti carayan Eufrates.

4Ket ni David nangala idi kencuana iti sangaribu a luglugan ken pito a ribu a nagcacabayo, ken duapulo a ribu a tattao a sacasaca; 2 Sam. 8:4.ket ni David pinasatanna amin dagiti cabcabayo nga agguyod ti lugan, ngem nangitidda cadagidiay ti maipaay cadagiti sangagasut a lugan.

5Ket idi a dagiti Sirios ti Damasco immayda a mangtulong ken Adarezer nga ari ti Soba, nangcabil ni David cadagiti Sirios, iti duapulo ket dua a ribu a lallaki.

6Sa ni David nangicabil iti buyot nga agbantay idiay Siria ti Damasco; ket dagiti Sirios nagbalinda idi nga ad-adipen ni David, ket nangyegda iti buis. Ket ni Jehova intedna ti panagballigi ken David iti uray sadinoman a napananna.

7Ket ni David innalana dagiti calasag a balitoc nga adda idi cadagiti ad-adipen ni Adarezer, ket inyegna ida idiay Jerusalem.

8Ket sadi Tibat, ken sadi Cun, a il-ili ni Adarezer, ni David nangala iti adu unay a gambang, isu nga inaramid ni 1 Ar. 7:15, 23. 2 Cron. 4:12, 15, 16.Salomon iti baybay a ginambangan, ken cadagiti monmon, ken dagiti al-alicamen a gambang.

9Ket idi a ni 2 Sam. 8:9.Tou nga ari ti Hamat nangngegna a ni David kinamat nangngegna a ni David kinabilna amin ti buyot ni Adarezer nga ari ti Soba,

10Isu imbaonna ni 2 Sam. 8:10.Adoram nga anacna a lalaki ken ari David, a mangcablaaw kencuana, ken mangbendicion kencuana, agsipud ta nakigubat idi a maibusor ken Adarezer ket isu ti kinabilna (ta ni Adarezer naggubatda idi ken ni Tou); ket isu nangicuyog iti amin a kita ti al-alicamen a balitoc ken pirac ken gambang.

11Dagitoy met ni ari David indatonna ken Jehova, agraman cadagiti pirac ken balitoc nga innalana cadagiti amin a nacion; naggapu iti Edom, ken iti Moab, ken cadagiti annac ti Ammon, ken cadagiti Filisteos, ken iti Amalec.

12Casta met a ni 1 Cron. 19:11. 1 Sam. 26:6.Abisai nga anac a lalaki ni Sarvia nangcabil cadagiti Edomitas idiay Lobong ti Asin iti sangapulo ket walo a ribu.

13Ket isu nangicabil iti buyot nga agbantay idiay Edom; ket amin dagiti Edomitas nagbalinda nga ad-adipen ni David. Ket ni Jehova intedna ti panagballigi ken David iti uray sadinoman a napananna.

14Ket ni David nagari iti amin nga Israel; ket tinungpalna ti kinajusticia ken kinalinteg iti amin a cailianna.

15Ket ni Joab nga anac a lalaki ni Sarvia isu idi ti pangolo ti buyot; ket ni Josafat nga anac a lalaki ni Ahilud isu idi ti registrador;

16Ket ni Sadoc nga anac a lalaki ni Ahitob, ken ni 2 Sam. 8:17.Abimelec nga anac a lalaki ni Abiatar, isuda idi dagiti papadi; ket ni Sausa isu idi ti escriba;

17Ket ni Benaias nga anac a lalaki ni Joiada isu idi ti pangolo dagiti Cereteos ken Feleteos; ket dagiti annac a lallaki ni David isuda idi dagiti pangoloen iti sibay ti ari.