1 D. Un. 1:1. Anian ti panangabbong ti Apo iti anac a babai ti Sion iti maysa nga ulep iti pungtotna! Isa. 14:15.Intappuacna manipud langit agingga iti daga 2 Sam. 1:19.ti kinaimnas ti Israel, ket saanna a nalagip ti 1 Cron. 28:2.pangibatayanna iti sacana iti aldaw ti pungtotna.
2Ti Apo inalimonna amin dagiti pagtaengan ni Jacob, ket dina kinaasian: rineb-bana babaen ti pungtotna dagiti sarikedked ti anac a babai ti Juda; impababana ida iti daga; Sal. 74:7; 89:39.tinulawanna ti pagarian ken dagiti piprincipena.
3Pinutedna babaen ti nacaro a pungtot amin a bil. 17.sara ti Israel; Sal. 74:11.inawidna ti macanawan nga imana manipud iti sangoanan ti cabusor: ket pinuuranna ni Jacob cas maysa a gumilgilayab nga apuy, a mangalunun iti aglicmut.
4Biniatna ti ba-ina cas maysa a cabusor, Isa. 63:10. Jer. 30:14.nagtacder ket ti macanawan nga imana cas maysa a cumaniwas, ket pinatayna amin dagidiay macaay-ayo iti mata; iti tolda ti anac a babai ti Sion imbucbucna ti pungtotna a casla apuy.
5Ti Apo nagbalin a cas cabusor, isu inalun-unna ti Israel; inalun-unna amin dagiti palaciona, rineb-bana dagiti sarikedkedna; ket pinaaduna ti dung-aw ken un-unnoy iti anac a babai ti Juda.
6Ket Sal. 80:12; 89:40. Isa. 5:5.rinabsutna ti tabernaculona a casla sapaw iti minuyongan; dinadaelna Sal. 74:4, 8.ti disso a paggimonganna; ni Jehova pinalipatanna idiay Sion ti gimong a nangayed ken ti aldaw a Isa. 1:13.panaginana, ket Deut. 32:19.inuyawna ti ari ken ti padi iti pannacaunget ti pungtotna.
7Ni Jehova imbellengna ti altarna, ginurana ti santuariona; Inyawatna iti ima ti cabusor ti bacud dagiti palaciona; Sal. 71:4.nagariwawada iti balay ni Jehova, cas iti aldaw ti gimong a nangayed.
8Ni Jehova pinanggepna a dadaelen ti bacud ti anac a babai ti Sion; 2 Ar. 21:13.binennatna ti singdan, saanna nga inaccal ti imana iti panangdadael: ket pinagladingitna ti sarikedked ken bacud; isuda Jer. 14:2.nagcapuyda nga agpada.
9Dagiti ruanganna limmedda iti daga; dinadaelna ken binungtolna dagiti balunetna: Deut. 28:36.ti arina ken dagiti piprincipena addada cadagiti nasnacion idiay 2 Cron. 15:3.awanen ti linteg; wen, Sal. 74:9.dagiti mammadtona awan ti masaracanda a sirmata nga aggapu ken Jehova.
10Dagiti panglacayen ti anac a babai ti Sion agtugawda iti daga, Isa. 3:26.agulimecda; Jos. 7:6.nangicabilda iti tapuc iti rabaw dagiti ol-oloda; nagbarikesda iti lupot a nakersang; dagiti babbalasang ti Jerusalem itamedda dagiti ol-oloda iti daga.
11Dagiti matac agcapuyda gapu cadagiti lulua, ti pusoc mariribuc; ti dalemco maibelleng iti daga, D. Un. 3:48.gapu iti pannacadadael ti anac a babai ti ilic, ta dagiti ububbing a babassit ken dagiti agsuso matalimudawda cadagiti lansangan ti ili.
12Cunaenda cadagiti innada, sadino ti yan ti bagas ken arac? Indinto a matalimudawda cas cadagiti nasugat cadagiti lansangan ti ili, idinto a ti cararuada maibuyat iti saclot dagiti innada.
13Ania ti pangpanecnecconto kenca? Isa. 46:5.ania ti pangipadpadacto kenca, O anac a babai ti Jerusalem? Ania ti pangidiligacto kenca, tapno mabalinca a liwliwaen, O anac a balasang ti Sion? Ta ti gutbawmo 2 Sam. 5:20. Eze. 26:3.dackel cas iti baybay: asino ti macaagas kenca?
14Dagiti mammadtom Jer. 2:8; 28:16.nacakitada iti maipaay kenca cadagiti ulbod ken maag a sirmata; ket saanda a Isa. 58:6.linucasan ti kinadakesmo, tapno agbawing ti Jer. 30:3.pannacacayawmo, ngem nacakitada iti maipaay kenca cadagiti Jer. 23:33.ulbod a padpadto ken dagiti nacaigapuan ti pannacaibelleng.
15Amin dagiti lumabas Job 27:23.pagsipatenda dagiti imimada kenca; agsanamticda ken iwingiwingda dagiti ol-oloda iti anac a babai ti Jerusalem, a cunada, isu daytoy aya ti ili a ninagan Sal. 48:2.dagiti tattao, Ti awan pagcuranganna a pintas, Ti ragsac ti sangalubongan?
16 D. Un. 3:46-51; 4:16-17. Amin dagiti cabusormo inngangada unay ti ngiwatda a maibusor kenca; agsanamticda ken pagngaretngetenda dagiti ngipenda; cunada, isu inalimonmi; pudno unay daytoy ti aldaw a binirbirucmi; nasaracanmin, Sal. 35:21.nakitamin.
17Ni Jehova inaramidna Lev. 26:16. Deut. 28:15.daydiay pinanggepna; tinungpalna ti saona nga imbilinna D. Un. 1:7.idi ugma; intappuacna, ket saanna a kinaasian: ket pinaragsacna ti cabusor gapu kenca; intan-ocna ti bil. 3.sara dagiti cumaniwas kenca.
18Ti pusoda nagpuccawda iti Apo: Jer. 22:29.O bacud ti anac a babai ti Sion, pagayusem coma dagiti lulua a cas carayan iti aldaw ken rabii; Sal. 17:8.dica agsardeng; dica ipalubos ti tao-tao ti matam a sumardeng.
19Tumacderca, agickisca iti rabii, iti pangrugianan Ex. 14:24.dagiti panagpuyat; 1 Sam. 7:6.ibucbucmo ta pusom a cas danum iti sangoanan ti Apo: itag-aymo dagiti imam kencuana gapu iti biag bil. 11.dagiti annacmo nga ububbing nga agtalimudaw iti bisin iti oloanan ti tunggal lansangan.
20Kitaem, O Jehova, ket adtoy, asino ti nangaramidam iti castoy! Dagiti babbai Jer. 19:9. D. Un. 4:10.sidaendanto aya ti bungada, dagiti ububbing a maipallayog cadagiti imima? Ti padi ken ti mammadto mapapataydanto aya iti santuario ti Apo?
21Ti ubing ken ti lacay agpasagda 2 Cron. 36:7, 10.iti daga cadagiti lanlansangan; dagiti babbalasangco ken babbaroc mapasagda babaen ti campilan: D. Un. 3:43.pinataymo ida idi aldaw ti pungtotmo; rinucrucmo, ket dica kinaasian.
22Inayabam, cas iti aldaw ti gimong a nangayed, dagiti pagbutbutngac iti isu-amin nga aglicmut; ket awan ti nacatalaw wenno nabati iti aldaw ti pungtot ni Jehova: dagidi impallayogco ken pinadackelco inibus ti cabusorco.
Who We AreWhat We EelieveWhat We Do
2025 by iamachristian.org,Inc All rights reserved.
