II CRONICAS 21 - Ilokano Form-Based Bible: Ti Biblia (1973)

Panagari ni Joram. Yaalsa ti Idum. Surat ni Elias. Ipapatay ni Joram.

1Ket ni Josafat nakiturog cadagiti ammana, ket isu naitabon a naidinna cadagiti ammana iti ili ni David nga amana, ket ni Joram nga anacna nagari iti saadna.

2Ket isu adda idi cacabsatna, dagiti annac a lallaki ni Josafat: da Azarias, Jehiel, ken Zacarias, ken Azarias, Micael, ken ni Sefatias; amin dagitoy annac ni Josafat nga ari ti Israel.

3Ket ni amada intedna cadacuada dagiti dadackel a sagsagut, iti pirac, ken balitoc, ken cucua a napateg, agraman 2 Cron. 11:5.il-ili a nasarikedkedan idiay Juda: ngem ti pagarian intedna ken Joram, gapu ta isu ti inauna a nayanac.

4Idin ni Joram naipangato iti pagarian ni amana, ket pinapigsana ti bagina met laeng, pinatayna amin a cacabsatna iti campilan, ken dadduma pay cadagiti pangpangoloen ti Israel.

5 Aginga bil. 10. 2 Ar. 8:17-22. Ket ni Joram agtawen iti tallopuloket dua idi nangrugi a nagari; ket nagari bayat ti walo a tawen idiay Jerusalem.

6Ket nagna iti dalan dagiti ar-ari ti Israel, a cas iti inaramid idi ti balay ni Acab:2 Cron. 18:1.ta maysa nga anac ni Acab isu idi ti asawana; ket inaramidna daydi a dakes iti imatang ni Jehova.

7Nupay casta ni Jehova saanna a kinayat a dinadael ti balay ni David, a gapu iti tulag nga inaramidna idi ken David, ken cas incarina kencuana ti panangtedna kencuana ken cadagiti annacna iti maysa a silaw iti agnanayon.

8Cadagiti al-aldawna ti Edom immalsa nanipud iti babaen ti panangituray ti Juda, ket nangisaad iti ari cadacuada met laeng.

9Idin ni Joram nagna 2 Ar. 8:21.agraman cadagiti capcapitanna ken isu-amin dagiti lugluganna: ket timmacder iti rabii, ket kinabilna dagiti Edomitas, a nanglacub iti aglicmut kencuana, ken dagiti capcapitan dagiti luglugan.

10Casta ti yaalsa ti Edom nanipud iti babaen ti panangituray ti Juda inggana iti daytoy nga aldaw: idin ti Libna immalsa idi met laeng a tiempo, manipud iti babaen ti panangiturayna, agsipud ta binay-anna ni Jehova, a Dios dagiti ammana.

11Maysa pay inaramidna dagiti nangato a disdisso cadagiti banbantay ti Juda, ket pinagbalangcantisna dagiti agnaed idiay Jerusalem, ket inyawawanna ti Juda.

12Ket immay kencuana ti maysa a surat a naggapu ken Elias a mammadto, a kinunana, Castoy ti cuna ni Jehova, a Dios ni David nga amam, 2 Cron. 17:3.Agsipud ta saanca a nagna cadagiti daldalan ni Josafat nga amam, wenno cadagiti 2 Cron. 14:2-5.daldalan ni Asa nga ari ti Juda.

13No di ket nagnaca iti bil. 6.dalan dagiti ar-ari ti Israel, ket pinagbalangcantismo ti Juda ken dagiti agnaed idiay Jerusalem, a 1 Ar. 16:31, 33.mayannurot iti inaramid ti balay ni Acab, ken casta met a pinataymo dagiti bil. 4.cacabsatmo a lallaki dita balay ni amam, isuda a naimimbagda ngem sica:

14Adtoy, ni Jehova cabilennanto iti dackel a didigra dagiti tattaom, dagiti annacmo, ken dagiti assawam, ken ti amin a cucuam;

15Ket addanto dackel a sakitmo a gapu iti panagsakit dagiti lalaemmo, inggana iti di matnag iti ruar dagiti lalaemmo, iti inaldawaldaw a gapu iti sakitmo.

16Ket ni Jehova riniingna a maibusor ken Joram ti nakem dagiti 2 Cron. 17:11; 22:1; 26:7.Filisteos, ken dagiti Arabes nga adda iti sibay dagiti 2 Ar. 19:9.Etiopes:

17Ket simmang-atda a maibusor iti Juda, ket dinuclosda, ket innalada ti amin a cucua a nabirucanda iti balay ti ari, ken castamet dagiti annacna ken dagiti assawana; tapno iti casta awan a pulos ti matda kencuana nga anac a lalaki no di laeng ni 2 Cron. 22:1, 9; 25:23.Joacaz, a caubingan cadagiti annacna a lallaki.

18Ket calpasan amin daytoy ni Jehova kinabilna dagiti lalaemna iti maysa a sakit a saan maagasan.

19Ket naaramid idi naglabas ti tiempo iti calpasan ti dua a tawen a dagiti lalaemna natnagda iti ruar a gapu iti sakit, ket isu natay a gapu cadagiti nacaro a sakitna. Ket ti ilina 1 Sam. 12:12. 2 Cron. 16:14.saanna nga inaramid ti pannacapuur a maipaay kencuana a cas ti pannacapuur dagiti ammana.

20 bil. 5. 2 Ar. 8:17, 24. Agtawen idi iti tallopulo ket dua idi nangrugi a nagari, ket nagari idiay Jerusalem bayat iti walo a tawen: ket simmina a saanda nga impatpateg; ket intabonda iti ili ni David, 2 Cron. 24:25; 28:27.ngem saan a cadagiti tanem dagiti ar-ari.