DEUTERONOMIO 5 - Ilokano Form-Based Bible: Ti Biblia (1973)

Ti nacapucpucan ti linteg. Dagiti sangapulo a bilbilin. Ti buteng dagiti tattao sadiay Sinai.

1Ket ni Moises inayabanna amin nga Israel, ket kinunana cadacuada, Denggenyo, O Israel, dagiti al-alagaden ken bilbilin a saoec ita nga aldaw cadagita lapayagyo, tapno adalenyo ida, ket tungpalenyo nga aramiden ida.

2 Ex. 19:5. Deut. 4:23. Ni Jehova a Diostayo inaramidna ti maysa a tulag cadatayo idiay Horeb.

3 Mat. 13:17. Heb. 8:9. Deut. 11:2. Ni Jehova saanna nga inaramid daytoy a tulag cadagidi ammatayo, no di ket cadatayo, cadatayo met laeng nga addatayo amin ditoy a sibibiag ita nga aldaw.

4 Deut. 34:10. Ni Jehova nakisao cadacayo iti sangonsango iti bantay manipud idi tengnga ti apuy.

5(Ex. 20:21. Gal. 3:19.Addaac idi iti baet ni Jehova ken dacayo iti daydi nga aldaw, tapno ibatadco cadacayo ti sao ni Jehova: Ex. 19:16; 20:18; 24:2.ta agbutengcayo met idi gapu idi apuy, ket dicay simmang-at idi bantay:) a kinunana,

6 Aginga bil. 21. Ex. 20:2-17. Siac ni Jehova a Diosmo, a nangaon kenca iti daga nga Egipto, iti balay ti nacaadipnan.

7Awan ti sabali a didiosmo ti sangoc.

8Dica mangaramid iti maipaay kenca a ladawan a kinitikitan, uray ania a catulad ti adda idiay ngato sadi langit, wenno iti baba ditoy daga, wenno ti adda iti danum iti uneg ti daga:

9Dica irucnoy ti bagim cadacuada, uray pagservian ida; ta siac ni Jehova a Diosmo manangimonac a Dios, a mangipasarungcar iti kinadakes dagiti amma cadagiti annac, cadagiti maicatlo ken maicapat a caputotan dagiti gumura caniac;

10Ken Jer. 32:18. Dan. 9:4.mangipaay iti imbag a naayat cadagiti rinibribu nga agayat caniac, ken mangsalimetmet cadagiti bilbilinco.

11Dica aramaten nga ipabpabareng ti nagan ni Jehova a Diosmo; ta ni Jehova saannanto a di pabasolen ti mangaramat iti naganna iti barengbareng.

12Laglagipem ti aldaw a panaginana, tapno salimetmetam a nasantoan, cas ni Jehova a Diosmo imbilinna kenca.

13Innem nga aldaw agtrabajoca, ket aramidem amin nga aramidmo;

14Ngem ti maicapito nga aldaw isu ti maysa a Ex. 16:29, 30. Heb. 4:4.panaginana ken Jehova a Diosmo: iti dayta nga aldaw, dica agtrabajo iti uray ania, sica, wenno ti anacmo a lalaki, wenno ti anacmo a babai, wenno ti adipenmo a lalaki wenno ti adipenmo a babai, wenno ti vacam, wenno asnom, wenno uray ania nga animalmo, wenno ti gangannaetmo nga adda iti uneg dagiti ruruanganmo; tapno dagiti adipenmo a lalaki, ken adipenmo a babai aginanada a cas met kenca.

15 Deut. 15:15; 16:12; 24:19, 22. Ket laglagipemto a maysaca met idi nga adipen iti daga nga Egipto, ket ni Jehova a Diosmo inaonnaca sadiay iti Deut. 4:34, 37.ima a mannacabalin ken tackiag a sitatag-ay: gapuna a ni Jehova a Diosmo imbilinna kenca a salimetmetam ti aldaw a panaginana.

16Dayawem ni amam ken ni inam, cas ni Jehova a Diosmo imbilinna kenca; tapno Deut. 4:40.manayon dagiti aldawmo, ken tapno agbalincanto a naimbag iti daga nga ited kenca ni Jehova a Diosmo.

17Dica mamapatay.

18 Luc. 18:20. Sant. 2:11. Dica met makiabig iti dica asawa.

19Dica met agtacaw.

20Dica met agsacsi iti ulbod a maibusor iti padam a tao.

21Dica met aguman ti asawa ti padam a tao; dica met aguman ti balay ti padam a tao, ti talonna, wenno ti adipenna a lalaki, wenno adipenna a babai, ti vacana, wenno ti asnona, wenno ti uray ania a cucua ti padam a tao.

22Dagitoy dagiti sasao a ni Jehova binalicasna iti natbag a timec iti dagup ti gimong idiay bantay nanipud iti tengnga ti apuy, ti ulep, ken ti napuscol a sipnget: ket awanen ti innayonna. Ex. 24:12.Ket insuratna ida iti rabaw ti dua a taptapi a bato, sana inted idi caniac.

23Ket naaramid, idi a Deut. 4:11.nangngegyo ti timec nanipud iti tengnga ti sipnget, idi a sumsumged di bantay iti apuy, immasidegcayo caniac, uray amin dagiti pangpangolo ti capcaputotanyo, ken lallacayyo;

24Ket dacayo kinunayo, Adtoy, ni Jehova a Diosmi imparangarangna cadacami ti dayagna ken ti kinadackelna, ket nangngegmi ti Ex. 19:19.timecna nanipud iti tengnga ti apuy: nakitami itoy nga aldaw a ti Dios makisao iti tao. Ket isu agbiag.

25Ita ngarud, apayapay a mataycamto? Ta daytoy dackel nga apuy ibusennacamto: Deut. 18:16.no mangegmi pay manen ti timec ni Jehova, mataycamto ngarud.

26Ta Deut. 4:33.asino ti adda iti isu-amin a lasag a nacangeg iti timec ti sibibiag a Dios a nagsao nanipud ti tengnga ti apuy cas cadacami, ket nagbiag,

27Umadanica ket denggem amin a saoen ni Jehova a Diostayo: ket Ex. 29:19.ibagam cadacami dagup ti saoento kenca ni Jehova a Diostayo; ket denggenminto, ket aramidenminto.

28Ket ni Jehova nangngegna ti timec dagiti sasaoyo, idi nga casasaodac; ket ni Jehova kinunana caniac, Nangngegco ti timec dagiti sasao daytoy nga ili, isuda a nakisao kenca: Deut. 18:17.isuda nasayaat ti panagcunada iti dagup ti sinaoda.

29 Sal. 81:13. Isa. 48:18. Mat. 23:37. Luc. 19:42. O anian coma no adda cadacuada dayta a puso, tapno agbutengda coma caniac, ken Deut. 4:40.salimetmetanda dagiti amin a bilbilinco iti agnanayon, tapno agbalinda a naimbag ken cadagiti annacda iti agnanayon!

30Inca, cunam cadacuada, Agsublicayo cadagiti toltoldayo.

31Ngem no sica, agyanca ditoy caniac, ket Gal. 3:19.saoecto kenca ti dagup dagiti linlinteg, ken al-alagaden, ken bilbilin, nga isuromto cadacuada, tapno aramidendanto ida iti daga nga itedco cadacuada a tagicuaen.

32Dacayo tungpalenyonto nga aramiden ngarud ti cas imbilin cadacayo ni Jehova a Diosyo, dicayto sumiasi uray iti macanawan wenno iti macatigid.

33 Deut. 10:12. Magnacayto laeng iti amin a dana nga ni Jehova a Diosyo imbilinna cadacayo Deut. 4:20.tapno agbiagcayo ken agbalincayo a naimbag ken tapno manayon dagiti al-aldawyo iti daga a tagicuaenyonto.