EZEQUIEL 22 - Ilokano Form-Based Bible: Ti Biblia (1973)

Ti basol ti Jerusalem maipalawag, ket madusanto.

1Castamet ti sao ni Jehova dimteng caniac, a kinunana,

2Ket sica, anac ti tao, Eze. 20:4.ocomemto aya, ocomemto ti sidadara nga ili? ipacaammom ngarud kencuana amin dagiti kinarimonna.

3Ket cunamto, Castoy ti cuna ni Apo Jehova: Maysa nga ili nga agibuyat iti dara iti tengngana, Eze. 21:25, 29.tapno ti pannawenna dumteng coma, ket agaramid cadagiti didiosen a maibusor kencuana met laeng a mangtulaw kencuana!

4Sica nacabasolca iti daram nga 2 Ar. 21:16.imbuyatmo, ket matulawanca cadagiti didiosen nga inaramidmo; ket pinaasidegmo dagiti aldawmo, ket dimtengcan agingga met laeng cadagiti tawenmo; gapuna nga inaramidca a Eze. 5:14.pacaibabainan cadagiti nasnacion, ken pacarabrabacan cadagiti amin a dagdaga.

5Dagidiay nga asideg, ken dagidiay nga adayu, kenca rabrabakendacanto, sica nga awanan ti dayaw ken napno ti riribuc.

6Adtoy, bil. 27.dagiti piprincipe ti Israel, tunggal maysa cas iti pannacabalinna, addada idi kenca tapno mangibuyat iti dara.

7Kenca dida impatpateg ti ama ken Deut. 27:16.ina; iti nagtengngaam nagaramidda iti panangidadanes Eze. 22:21, 22.cadagiti agnaed; kenca rinanggasanda ti ulila ken ti balo.

8Inuyawmo dagiti nasantoan a banbanagco, ket tinabbaawam dagiti al-aldawco a panaginana.

9Dagiti mamadpadakes a tattao addada idi kenca tapno mangibuyat ti dara; ket kenca nanganda iti Eze. 18:6.rabaw dagiti banbantay: iti nagtengngaam nagaramidda iti kinaderrep.

10Kenca linucaisanda ti Lev. 18:7, 8.kinalamolamo dagiti ammada; kenca pinarucmada Lev. 18:19. ti babai a saan pay a nadalusan iti panagcadawyanna.

11Ket adda nagaramid ti macarimon iti asawa ti padana a tao; ket ti sabali tinulawanna a sidederrep ti manugangna a babai; ket ti sabali kenca pinarucmana ti cabsatna a babai, ti anac a babai ni amana.

12Kenca nangalada cadagiti panucsuc tapno agibuyatda iti dara; nangalaca iti paanac a nalabes, ket Eze. 18:8.nagpatuboca a siagum cadagiti caarrubam gapu iti pammarparigat, ket sica linipatannac, cuna ni Apo Jehova.

13Adtoy, ngarud, Eze. 21:17.pinagsinnipatco ti imac iti dakes a panagpatubom nga inaramidmo, ken iti daram nga imbuyatmo iti nagtengngaam.

14 Eze. 21:7. Mabalin aya dayta pusom ti agitured, wenno mabalin dagita im-imam ti agpigsa, cadagiti al-aldaw a panangsingirco kenca? Siac, ni Jehova, sinaoc, ket aramidecto.

15Ket Deut. 4:27.iwarascanto cadagiti nasnacion ken iwaracanto cadagiti dagdaga; ket Eze. 24:11.pucawecto ti kinarugitmo kenca.

16Ket sica matulawancanto kenca met laeng, iti imatang dagiti nasnacion; ket Eze. 6:7.mabigbigmonto a siac ni Jehova.

17Ket ti sao ni Jehova dimteng caniac, a kinunana,

18Anac ti tao, ti balay ti Israel nagbalin a Sal. 119:119. Isa. 1:22, 25.lati caniac; isuda amin suerda ken lata ken landoc ken buli, iti tengnga ti horno; isuda ti Jer. 6:30. Mal. 3:3.lati ti pirac.

19Gapuna castoy ti cuna ni Apo Jehova: Agsipud ta nagbalincayo amin a lati, adtoy, ngarud, urnongencayto iti tengnga ti Jerusalem.

20Cas ti panagurnongda iti pirac ken suer ken landoc ken buli ken lata iti uneg ti horno, a puyotenda ti apuy iti rabawna, tapno tunawenda; casta ti panangurnongco cadacayo iti pungtotco ken iti rungsotco, ket icabilcayto idiay, ket tunawencayto.

21Wen, urnongencayto, ket puyotancayto, iti apuy ti pungtotco, ket dacayo matunawcayto iti tengngana.

22Cas ti pirac matunaw iti tengnga ti horno, castanto ti pannacatunawyo iti tengngana; ket mabigbigyonto a siac, ni Jehova, imbuyatco ti pungtotco cadacayo.

23Ket ti sao ni Jehova dimteng caniac, a kinunana,

24Anac ti tao, cunaem kencuana, Sica maysaca a daga a saan a nadalusan, Sal. 68:9. Eze. 34:26.ket saan met a natudoan iti aldaw ti panagpungtot.

25Adda panangisicat dagiti mammadtona iti tengngana, a cas ti uga ti leon nga aglamut iti natucmaan: isuda naglamutda cadagiti carcararua; agalada iti gameng ken Jer. 20:5.napateg a banbanag, pinaaduda dagiti balbaloda a babbai iti nagtengngaanna.

26 Mal. 2:8. Dagiti papadina naglabsingda iti lintegco ket tinabbaawanda dagiti nasantoan a banbanagco: saanda a pinaggidiat ti nasantoan ken ti sapasap, ket dida met pinailasin cadagiti tattao ti narugit ken nadalus, ket Jer. 17:22, 24, 27. Eze. 44:24.inlemmengda dagiti matada cadagiti al-aldawco a panaginana, ket natabbaawanac iti nagtengngaanda.

27Dagiti Mik. 3:1-3, 9-11.piprincipena iti tengngana casda la lobo nga aglamut iti natucmaan, nga agibuyat iti dara, ken agdadael iti cararua, tapno macagun-odda iti dakes a gunguna.

28Ket dagiti mammadtona nagpalitadada nga inaramatda ti Eze. 13:10.saan a natemplaan a masa a maipaay cadacuada, iti Eze. 13:6.panagkitada cadagiti ulbod a sirmata, ken nagbuyonda cadagiti tiri cadacuada, a kinunada, Castoy ti cuna ni Apo Jehova, idinto a saan a sinao ni Jehova.

29Dagiti tattao ti daga inaramatda ti pammarparigat ken nagtactacawda; wen, pinaglidayda ti napanglaw ken addaan pannacasapul, ket pinarigatda ti gangannaet iti saan a nalinteg.

30Ket nagsapulac iti maysa a tao iti Jer. 5:1.nagtengngaanda, a mangibangon coma iti Eze. 13:5.bacud, ken agtacder iti gutbaw iti sangoanac a mangisakit iti daga, tapno isu diac coma dadaelen; ngem awan ti nasaracac.

31Gapuna nga imbuyatco ti pungtotco cadacuada; pinucawco ida iti apuy ti pungtotco: ti dalanda met laeng Eze. 7:4.inyegco iti rabaw dagiti ol-oloda, cuna ni Apo Jehova.