NEHEMIAS 8 - Ilokano Form-Based Bible: Ti Biblia (1973)

Ibasa ni Esdras ti linteg iti umili. Matungpal ti fiesta dagiti tabernaculo.

1Ket Esd. 3:1.amin a tattao naguornongda a cas maymaysa a tao idiay nalawa a disso nga adda idi iti sango ti Neh. 3:26.ruangan ti danum; ket nagsaoda ken Esdras nga Esd. 7:6.escriba tapno yegna ti libro ti linteg ni Moises, nga imbilin ni Jehova iti Israel.

2Ket ni Esdras a padi inyegna ti linteg iti sango ti gimong, dagiti lallaki man ken babbai agpadpada, ken amin a nacabalin a dumngeg a macaawat, iti umuna nga aldaw ti maicapito a bulan.

3Ket binasana idiay, iti sango ti nalawa a disso nga adda idi iti sango ti ruangan ti danum manipud iti agsapa agingga iti matoon, iti saclang dagiti lallaki ken babbai, ken dagidiay macabalin nga umawat; ket dagiti pagdengngeg dagiti amin a tattao siiimdengda idi iti libro ti linteg.

4Ket nagtacder ni Esdras nga escriba iti rabaw ti maysa a pulpito a cayo, nga inaramidda a maipaay iti gacat; ket iti sikiganna nagtacder da Matitias, Sema, Anias, Urias, Helcias, ken Maasias, iti macanawan; ket iti macatigid, da Padaia, Misael, Malkias, Hasum, Hasbadana, Zacarias, ken Mesullam.

5Ket ni Esdras inucradna ti libro iti imatang dagiti amin a tattao (ta adda idi iti ngatoen, dagiti amin a tattao); ket idi nga isu ti inucradna, nagtacder amin a tattao.

6Ket ni Esdras impadayawna ni Jehova, a dackel a Dios; ket insungbat ti amin a tattao, Neh. 5:13.Sapay coma Sapay coma, a binuyog ti panangingatoda cadagiti im-imada: ket inrucnoyda dagiti ol-oloda, ket nagcararagda ken Jehova a sidudumogda iti daga.

7Casta met da Jesua, Bani, Sarabias, Jamin, Accub, Sebetai, Odias, Maasias, Calita, Azarias, Josabad, Hanan, Pelaia, ken dagiti Levitas, 2 Cron. 35:3.impaawatda ti linteg cadagiti tattao; ket nagtacder dagiti tattao cadagiti dissoda.

8Ket binasada iti libro, iti linteg ti Dios, a silalawag; ket intedda ti cababagasna cas naawatanda iti panagbasa.

9Ket ni Nehemias, a Esd. 2:63; 7:65; 10:1.gobernador idi, ken ni Esdras a padi nga escriba ken dagiti Levitas, bil. 7, 8, 12.a nangisuro cadagiti tattao, kinunada cadagiti amin a tattao, Daytoy nga aldaw isu ti nasantoan ken Jehova a Diosyo; dicay agdung-aw, wenno dicay agsangit. Ta amin a tattao nagsangit, idi a nangngegda dagiti sasao ti linteg.

10Idin kinunana cadacuada, Incay iti dalanyo, mangancayo iti nalucmeg, ken uminumcayo iti nasam-it, ket ibaonyo dagiti apag iti daydiay a di-naisaganaan ti uray aniaman; ta daytoy nga aldaw isu ti nasantoan iti Apotayo: dicay mapaldaang; ta ti rag-o ni Jehova isu ti pigsayo.

11Iti casta pinagulimec dagiti Levitas amin dagiti tattao, a kinunada, Agtalnacayo, ta ti aldaw nasantoan; dicay mapaldaang.

12Ket amin dagiti tattao napanda iti dalanda tapno mangan, ken uminum ken ibaonda dagiti apag, ken agaramidda iti dackel a ragsac, agsipud ta bil. 7-9.naawatanda dagiti sasao a naipalawag cadacuada.

13Ket iti maicadua nga aldaw dagiti pangoloen dagiti balbalay dagiti amma dagiti amin a tattao, dagiti papadi, ken dagiti Levitas, timmaripnongda ken Esdras nga escriba, tapno imdenganda met laeng dagiti sasao ti linteg.

14Ket nasaracanda a naisurat iti linteg, no casano ti imbilin idi ni Jehova iti pannacaaramat ni Moises, nga agnaed coma dagiti annac ti Israel cadagiti sapaw Deut. 16:13. Lev. 23:34, 42.iti fiesta ti maicapito a bulan;

15Ket isu ti ipalawagda ken iwarragawagda coma cadagiti amin nga il-ili, ken, idiay Jerusalem, a cunaenda, Deut. 16:16. Lev. 23:4.Rumuarcayo agingga iti bantay, ket mangyegcayo cadagiti sangsanga ti olivo, ken sangsanga ti olivo nga atap, ken sangsanga ti mirto, ken sangsanga ti palma, ken sangsanga dagiti narucbos a caycayo, tapno agaramidtayo cadagiti sapaw, a cas naisurat.

16Iti casta rimmuar dagiti tattao, ket nagisangpetda, ket isuda met laeng nagaramidda 2 Sam. 11:2.cadagiti sapaw, tunggal maysa iti rabaw ti atep ti balayna, ken cadagiti paraangan da, ken cadagiti paraangan ti balay ti Dios, ken idiay Neh. 3:26.nalawa a disso ti ruangan ti danum, 2 Ar. 14:13. Neh. 12:39.ken idiay nalawa a disso ti ruangan ni Efraim.

17Ket amin a gimong dagidiay a rimmuar manen a naggapu iti pannacacayaw nagaramidda cadagiti sapaw, ket nagnaedda cadagiti sapaw: ta nanipud cadagiti al-aldaw ni Josue nga anac a lalaki ni Nun agingga iti daydi nga aldaw, dagiti annac ti Israel Esd. 3:4.saanda nga inaramid ti casta. Ket adda idi dackel unay a ragsac.

18Casta met iti inaldawaldaw, manipud iti umuna nga aldaw agingga iti maudi nga aldaw, isu nagbasa iti Deut. 31:10-11.libro ti linteg ti Dios. Ket isuda nagfiestada bayat iti pito nga aldaw; ket iti maicawalo nga aldaw isu idi ti maysa a nadaeg a gimong, a mayalubog iti annuruten.