1Ket naaramid idi Aginga bil. 18. 1 Ar. 9:10-28.paggibusan ti duapulo a tawen, a nabangonen ni Salomon iti balay ni Jehova ken ti balayna met laeng,
2A dagiti il-ili nga inted idi ni Huram ken Salomon, 1 Ar. 9:12, 13.ni Salomon binangonna ida, ket pinagnaedna sadiay dagiti annac ti Israel.
3Ket ni Salomon napan idiay Amath-soba, ket pinarucmana.
4Ket binangonna ti Tadmor idiay let-ang, ken amin dagiti il-ili a pagidulinan a binangonna idiay Hamat.
5Casta met a binangonna ti Bet-oron nga akinngato, Jos. 16:3, 5.ken Bet-oron nga akinbaba, dagiti il-ili a nasarikedkedan agraman bacbacud, ruruangan ken balbalunet;
6Ken Baalat, ken amin nga il-ili a pagidulinan nga adda idi ken Salomon, ken amin nga il-ili a maipaay cadagiti lugluganna, ken dagiti il-ili a maipaay cadagiti lallakina nga agcabayo, ken amin a tinarigagayan ni Salomon a bangonen a maipaay iti ragsacna idiay Jerusalem, ken idiay Libano, ken iti amin a daga ti pagarianna.
7Ket no maipapan cadagiti amin a tattao a nabaybay-an cadagiti Heteos, Amorreos, ken Ferezeos, ken Heveos, ken Jebuseos, a saanda idi a taga Israel;
8Cadagiti annacda a natda idi calpasanda iti daga; isuda a saan nga inibus idi dagiti annac ti Israel, cadacuada ti namangonan ni Salomon iti maysa a pannacapulong cadagiti bagbag-en inggana itoy nga aldaw.
9Ngem ni Salomon saanna a pinagbalin dagiti annac ti Israel a bagbag-en a maipaay iti trabajona; no di ket isuda dagiti lallakina ti gubat, ken pangpangoloen dagiti capcapitanna, ken agturturay cadagiti lugluganna, ken cadagiti lallakina nga agcabayo.
10Ket dagitoy idi dagiti cangronaan nga agturturay nga adda idi ken ari Salomon, 1 Ar. 9:23.duagasut met laeng ket limapulo, a mangituray cadagiti tattao.
11Ket ni Salomon insang-atna ti anac a babai ni Faraon a naggapu iti ili ni David agingga iti balay a binangonna a maipaay kencuana; ta kinunana, Ti asawac a babai saan coma nga agnaed iti balay ni David nga ari ti Israel, agsipud ta dagiti disdisso a nacadanonan ti lacasa ni Jehova nasantoanda.
12Idin ni Salomon indatagna dagiti datdaton a mapuuran ken Jehova, iti altar ni Jehova 2 Cron. 4:1; 15:8.isu a binangonna iti sango ti balcon.
13A cas masapul met laeng ti rebbeng iti tunggal aldaw, Ex. 29:38.nga idatonna a mayalubog iti imbilin ni Moises, cadagiti 2 Cron. 2:4.aldaw a panaginana, ken cadagiti lutuad, ken cadagiti nakedngan a fiesta, iti Ex. 23:14. Deut. 16:16.namitlo a daras iti macatawen, nga iti met laeng fiesta ti awan levadurana a tinapay, ken iti fiesta dagiti lawlawasna, ken iti fiesta dagiti abongabong.
14Ket tinudinganna, a mayalubog iti impaannurot ni David nga amana, 1 Cron. 24:1.dagiti pannacadasdasig dagiti papadi iti panagservicioda, ken dagiti 1 Cron. 25:1.Levitas cadagiti akemda, nga agdayaw, ken agannong iti sango dagiti papadi, a cas masapul ti rebbeng iti tunggal aldaw; 1 Cron. 9:17; 26:1.dagiti agaywan ti ruangan met cadagiti pannacadasdasigda iti tunggal ruangan: ta casta ti imbilin ni David a lalaki ti Dios.
15Ket saanda a simmina iti imbilin ti ari cadagiti papadi ken Levitas iti maipapan iti aniaman a panggep, wenno iti maipapan cadagiti gamgameng.
16Ket, amin nga aramid ni Salomon naisagana agingga iti aldaw ti pannacaisaad ti balay ni Jehova, ken agingga iti pannacalpasna. Iti casta ti balay ni Jehova naileppas.
17Idin ni Salomon napan idiay Esion-geber, ken idiay Deut. 2:8.Elot, ken iti igid ti baybay idiay daga ti Edom.
18Ket ni Huram imbaonna babaen ti panangidalan dagiti ad-adipenna dagiti sasacayan, ken ad-adipen a mannacaammo iti taaw; ket agraman cadagiti ad-adipen ni Salomon napanda sadi Ofir, ket nangalada sadiay iti balitoc nga 1 Ar. 9:28.uppat a gasut ket limapulo a talento ket isu ti impanda ken ari Salomon.
Who We AreWhat We EelieveWhat We Do
2025 by iamachristian.org,Inc All rights reserved.