1 1 Cron. 16:7. O cantaanyo Aginga bil. 13. 1 Cron. 16:23-33. Sal. 98.ni Jehova iti baro a canta: cantaanyo ni Jehova, dagup ti daga.
2Cantaanyo ni Jehova, benditoenyo ti naganna; iparangarangyo ti panangisalacanna nga inaldawaldaw.
3Ipalawagyo ti dayagna cadagiti nasnacion. Dagiti nacascasdaaw nga ar-aramidna cadagiti amin a tattao.
4Ta naidaclan ni Jehova, ket rebbengna unay ti maidaydayaw: rebbeng a pagbutngan a nangnangrona ngem amin a didiosen.
5Ta amin dagiti didiosen dagiti tattao isuda dagiti sinan-didios; Sal. 115:15.ngem ni Jehova inaramidna dagiti langlangit.
6Dayaw ken dayag addada iti sangoananna: Sal. 78:61.pigsa ken kinasayaat addada iti nasantoan a yanna.
7Ipadayawyo ni Jehova, Sal. 22:27.dacayo a sangsangcacabagian dagiti il-ili, ipadayawyo ni Jehova ti dayag ken kinapigsa.
8Ipadayawyo ni Jehova ti dayag a mainugot iti naganna: Sal. 45:12.mangyegcayo iti Sal. 116:19.daton, ket umaycayo cadagiti paraanganna.
9O agdaydayawcayo ken Jehova iti imnas ti kinasanto: agkintayegcayo iti sangona, amin a daga.
10Cunaenyo cadagiti nasnacion, ni Jehova agari: ti met lubong naipasdec a di-mabalin nga isinen: ocomennanto a sicacanatad dagiti tattao.
11Agrag-o coma dagiti langlangit, ket agragsac coma ti daga; agdaranudur coma ti baybay, ken dagup ti linaonna;
12 Isa. 35:1. Ti tay-ac agrag-o coma, ken amin nga adda kencuana; iti casta amin dagiti caycayo ti bakir agcantadanto gapu iti rag-o.
13Iti sangoanan ni Jehova; ta isu umay, ta isu umay a mangocom iti daga: Sal. 67:4.ocomenanto a sililinteg toy lubong, ken dagiti tattao babaen ti kinapudnona.
Who We AreWhat We EelieveWhat We Do
2025 by iamachristian.org,Inc All rights reserved.
