DAGITI SALMO 92 - Ilokano Form-Based Bible: Ti Biblia (1973)

Panangdaydayaw iti Kinaimbag ni Jehova. Maysa a Salmo. Canta a maipaay iti aldaw a Panaginana.

1Nasayaat ti Sal. 147:1.panangipaay ti panagyaman ken Jehova, ket ti panagcanta cadagiti panangidaydayaw iti naganmo, O Cangatoan;

2Panangiparangarang iti kinamanagayatmo iti bigat, ket ti kinamanagtalimudocmo tunggal rabii,

3 Sal. 33:2. A danggayan ti pagtocaran a sangapulo ti cuerdasna ken ti salterio; agraman nadaeg nga aweng ti arpa.

4Ta sica, Jehova, pinaragsacnac gapu cadagiti ar-aramidmo: agballigiacto cadagiti aramid dagiti im-imam.

5 Sal. 40:5. Anian a nagdadackel dagiti ar-aramidmo, O Jehova! Dagiti panpanunotmo naunegda Rom. 11:3.unay.

6 Sal. 94:8. Ti nadueg a tao dina ammo; ti met maag dina maawatan daytoy:

7Inton tumarubo dagiti nadangkes a cas iti root, ken no lumapsac dagiti amin nga agar-aramid iti kinadakes; isu daytan ti pannacadadaeldanto nga agnanayon.

8Ngem sica, O Jehova, natan-occa iti agnanayon.

9Ta, ni, dagiti Sal. 129:1, 2. Nah. 1:2.cabusormo, O Jehova, ta, ni, dagiti cabusormo mapucawdanto; amin dagiti Sal. 68:1.agar-aramid iti kinadangkes mawarawaradanto.

10Ngem ti sarac 1 Sam. 2:1.intan-ocmo a cas ti sara ti Num. 23:22.atap a vaca: Sal. 23:5.napulotanac iti lana a cassinglag.

11 Sal. 54:7. Ti matac nakitana ti calicagumac a maipaay cadagiti cabcabusorco, dagiti lapayagco nangngegda ti calicagumac a maipaay cadagiti managdacdakes a mangbusor caniac.

12 Sal. 52:8. Isa. 65:22. Os. 14:5-8. Amos 2:9. Ti nalinteg agrangpayanto a cas iti cayo a palma: bumaludbodto a cas iti Oc. 9:15.cedro ti Libano.

13 Sal. 1:3. Addada a naimula idiay balay ni Jehova; agrangpayadanto cadagiti paraangan ti Diostayo.

14Agbungadanto pay laeng iti kinalacayda; situtubbogdanto ken silalangtodanto:

15Tapno iparangarangda a ni Jehova sililinteg; isu ti Deut. 32:4.batoc, Rom. 9:14.ket awan kinakillo kencuana.