1Ket ni Jehova nakisao ken Moises, a kinunana,
2Maysa pay, ibagamto cadagiti annac ti Israel, Lev. 18:21.Siasinoman a lalaki cadagiti annac ti Israel, wenno cadagiti gangannaet a makipagtaeng iti Israel a mangted cadagiti putotna ken Moloch: di bumurong a mapapatayto; dagiti tattao ti daga uburendanto cadagiti batbato.
3 Lev. 17:10. Eze. 5:11. Iparangconto met ti rupac a sibubusor iti dayta a tao, ket ipusayconto cadagiti cailianna; ta isu nangted iti putotna ken Moloch, a pinangmulitna iti santuarioc, Lev. 18:21.ken pinangipabpabarengna iti nasantoan a naganco.
4Ket no dagiti tattao ti daga ilemmengda a talipupusen dagiti matada iti dayta a tao no mangted cadagiti putotna ken Moloch, Deut. 17:2, 3, 5.ket dida papatayen:
5Siac ngarud iparangarangconto ti rupac a bumusor iti dayta a tao, ken bumusor cadagiti cacabagianna, ket ipusayconto, agraman amin a sumurot kencuana nga agbalangcantis, tapno makibalangcantis ken Moloch, ipusayconto ida cadagiti cailianda.
6 Lev. 19:31. Ket ti tao a sumurot cadagiti mangcuculam, ken cadagiti agsalsalamangca nga agbalangcantis cadacuada, Lev. 17:10.pudno nga iparangconto ti rupac a bumusor iti dayta a tao, ket ipusayconto cadagiti cailianna.
7 Lev. 11:44; 19:2. Pasantoenyo ngarud dagiti bagbagiyo, ket agsantocayo; ta siac ni Jehova a Diosyo.
8Ket sungpotenyonto dagiti ipaalagadco, ket aramidenyonto ida; siac ni Jehova a mamagsanto cadacayo.
9 Ex. 21:17. Ta amin a lalaki a mangilunod ken amana, wenno ken inana, dinto bumurong a mapapatay: isu inlunodna ni amana, wenno ni inana; 2 Sam. 1:16.ti darana maipaawitto kencuana.
10 Lev. 18:20. Deut. 22:22. Juan 8:4, 5. Ket ti lalaki a makicamalala iti asawa ti sabali a lalaki, uray ti makicamalala iti asawa ti carrubana a lalaki, ti lalaki ken ti babai nga agcamalala dinto bumurong a mapapatayda.
11 Lev. 18:8. Ket ti lalaki a makicaidda iti asawa ni amana linucaisanna ti bagi nga ibain ni amana: isuda a dua dinto bumurong a mapapatayda; ti darada maipaawitto cadacuada.
12 Lev. 18:15. Ket no ti maysa a lalaki makicaidda iti manugangna a babai, isuda a dua dinto bumurong a mapapatayda: Lev. 18:23.inaramidda ti gampor; ti darada maipaawitto cadacuada.
13 Lev. 18:22. Deut. 23:17. Ket no ti lalaki makicaidda iti padana a lalaki nga ibilangna a cas babai, isuda a dua nacarimrimon ti aramidda: dinto bumurong a mapapatayda, ti darada maipaawitto cadacuada.
14 Lev. 18:17. Deut. 27:23. Ket no ti maysa a lalaki mangasawa iti agina, daytoy isu ti kinadakes: isuda mapuurandanto iti apuy, isu ken isuda met: tapno awan kinadakes cadacayo.
15 Lev. 18:23. Deut. 27:21. Ket no ti maysa a lalaki makicaidda iti maysa nga animal, dinto bumurong a mapapatay: ket dacayo patayenyonto ti animal.
16Ket no maysa a babai umasideg iti uray ania nga animal ket caiddana, sica papatayemto ti babai, ken ti animal, dinto bumurong a mapapatayda; ti darada maipaawitto cadacuada.
17 Lev. 18:9. Deut. 27:22. Ket no ti maysa a lalaki alaenna ni cabsatna a babai, nga anac ni amana, wenno anac ni inana, ket makitana ti bagi nga ibain ni cabsatna, ket daytoy a babai makitana met ti bagi nga ibain ni cabsatna a lalaki; daytoy isu ti aramid a nacababain unay; ket isuda maipusaydanto iti imatang dagiti annac ti ilida: isu linucaisanna ti bagi nga ibain ni cabsatna a babai; isu lacamennanto ti kinadakesna.
18 Lev. 18:19. Ket no ti maysa a lalaki makicaidda iti maysa a babai nga agsangaili a madama, ket lucaisanna ti bagi nga ibainna; isu linucaisanna ti pagtubboganna, ket ti babai linucaisanna ti pagtubbogan ti darana: ket isuda a dua maipusaydanto cadagiti cailianda.
19 Lev. 18:12, 13. Ket sica dicanto lucaisan ti bagi nga ibain ni cabsat a babai ni inam, wenno cabswat a babai ni amam; gapu ta linucaisanna ti bagi nga ibain ni cabagianna nga asideg: isuda awitendanto ti kinadakesda.
20 Lev. 18:14. Ket no ti maysa a lalaki makicaidda iti asawa ni ulitegna, isu linucaisanna ti bagi nga ibain ni ulitegna: isuda awitendanto ti basolda; mataydanto nga awan anacda.
21 Lev. 18:16. Ket no ti maysa a lalaki alaenna ti asawa ni cabsatna, daytoy nga aramid kinarugit: isu linucaisanna ti bagi nga ibain ni cabsatna: awanto ti anacda.
22Iti casta tungpalenyonto amin dagiti ipaalagadco, ken amin dagiti bilbilinco, ket salimetmetanyonto ida; Lev. 18:25, 28.tapno ti daga a pangyegac cadacayo a pagnaedanyo, dinacayto isarua.
23 Lev. 18:3. Ket dacayo dicayto pagdalanan dagiti awid dagiti tattao a papanawec iti sangoananyo: gapu ta isuda inaramidda amin dagitoy, Lev. 18:27.ket iti casta kinagurac ida.
24 Ex. 3:17; 6:8. Ngem kinunac cadacayo, tawidenyonto ti dagada, ket itedconto cadacayo a cucuayo, Ex. 3:8.maysa a daga nga agay-ayus ti gatas ken diro: siac ni Jehova a Diosyo, a bil. 26. Ex. 19:5; 33:16. 1 Ar. 8:53.nangilasin cadacayo cadagiti tattao.
25 Lev. 11:2-47. Deut. 14:2-20. Iti casta rebbengyo a paggigidiaten ti animal a nadalus ken narugit, ken ti narugit a tumatayab ken nadalus: Lev. 11:43.ket dicayto pagbalinen a nacarimrimon dagiti cararuayo gapu iti animal, wenno gapu iti tumatayab, wenno gapu ti uray ania nga agay-ayam iti daga, isuda nga inlasinco a narugit cadacayo.
26Ket dacayo agsantocayto caniac: Lev. 11:44.ta siac a Jehova santoac, ken inlasincayo cadagiti tattao, tapno dacayo ti cucuac.
27 Lev. 19:31. Casta met ti maysa a lalaki wenno babai a mangcuculam wenno managsalamangca, dinto bumurong a mapapatay: uburendanto ida cadagiti batbato, bil. 2, 9.ti darada maipaawitto cadacuada.
Who We AreWhat We EelieveWhat We Do
2025 by iamachristian.org,Inc All rights reserved.
