GENESIS 49 - Ilokano Form-Based Bible: Ti Biblia (1973)

Ti Padto ni Jacob maipapan cadagiti annacna a lallaki. Ti Ipapatayna.

1Ket ni Jacob inayabanna dagiti annacna a lallaki, ket kinunana: Agtitiponcayo, Deut. 33:6-25.tapno saritaec cadacayo ti mapasamac Num. 24:14. Deut. 4:30. Isa. 2:2. Jer. 23:20. Dan. 2:28.cadacayo cadagiti maud-udi nga al-aldaw.

2Agtitiponcayo, ket denggenyo, dacayo nga annac a lallaki ni Jacob;

Ket imdenganyo ni Israel nga amayo.

3 Gen. 29:32. Ruben, sica ti inauna nga anacco, ti pigsac, ken ti Deut. 21:17. Sal. 78:51; 105:36.damo ti kiredco;

Cangronaan ti caicarian, ken cangronaan ti pannacabalin.

4 Gen. 35:22. 1 Cron. 5:1. Sibuburec nga aglippias a cas danum, maawan coma kenca ti kinapangpangronam;

Ta inulim ti pagiddaan ni amam;

Idin: tinulawam: inulina ti pagiddaac.

5 Gen. 29:33-34. Da Simeon ken Levi agcabsatda;

Ig-igam ti kinaranggas dagiti campilanda.

6O cararuac, dica sumrec iti palimedda;

Iti gimongda, O gloriac, dica makitimpuyog;

Ta iti pungtotda pinapatayda ti maysa a lalaki.

Ken iti kinasungitda pinasatanda ti vaca.

7Mailunod coma ti pungtotda, gapu ta nacaro idi;

Ken ti ungetda, gapu ta naulpit idi:

Siac isinacto ida iti Jacob,

Ket iwarasconto ida iti Israel.

82 Sam. 22:41.Gen. 29:35. Deut. 33:7.Juda, sica daydayawendacantao dagiti cacabsatmo:

2 Sam. 22:41. Ti imam addanto iti lengnges dagiti cabusormo;

1 Cron. 5:2. Dagiti annac a lallaki ni amam agrucbabdanto kenca.

9 Deut. 33:22. Ni Juda isu urbon ti maysa a leon;

Naggapu iti sinamsam immulica, anacco:

Num. 23:24; 24:9. Apoc. 5:5. Nagrucob, nagidda cas maysa a leon,

Ken cas maysa a leon a babai; asino ti macariing kencuana?

10 Num. 24:17. Zac. 10:11. Dinto umadayo ti cetro ken Juda,

Sal. 60:7; 108:8. Uray ti sarucod ti agturay di umadayo iti baet dagiti sacsacana,

Eze. 21:27. Agingga iti di umay ni Mamagcacappia; Isa. 2:2; 11:10; 49:6; 55:4-5.ket isu ti tulnoganto dagiti il-ili.

11Igalgalutan iti puon ti uvas ti urbonna,

Ket ti urbon ti asnona iti napili a lanut ti uvas;

Linabaanna iti arac dagiti cawcawesna, ken iti dara dagiti uvas ti pagananayna:

12 Prov. 23:29. Dagiti matana palabbagaento ti arac,

Ket dagiti ngipenna papurawento ti gatas.

13 Deut. 33:18-19. Jos. 19:10-11. Ni Zabulon agnaedto cadagiti pagsangladan ti baybay.

Ket isu ti pagsangbayanto dagiti sasacayan;

Ket sadiay Sidon ti pagpatenggaanto ti beddengna.

14Ni Isaacar isu ti asno a napigsa, agidda cadagiti apon dagiti carcarnero:

15Ket nakitana ti maysa a paginanaan a naimbag idi,

Ket ti daga a nacaay-ayo idi:

Ket imbabana ti abagana tapno awitenna,

Ket nagbalin nga adipen iti panagbannog.

16Ni Dan Gen. 30:6.ocomennanto dagiti cacailianna,

A cas maysa cadagiti tribu ti Israel.

17Ni Dan maysanto nga uleg iti dalan,

Maysanto a carasaen iti lipit,

A cumagat cadagiti mucmucod ti cabayo,

Iti casta ti agsacay kencuana tinnagenna iti licud.

18 Sal. 25:5. Isa. 25:9. Inur-urayco idi ti panangispalmo, O Jehova.

19Ni Gad, duclosento ti maysa a sangcabuyot;

Ngem isu dumoclosto cadagiti mucmucodda.

20Ti tinapay ni Aser aglablabonanto,

Ket isu itednanto dagiti nanam a naarian.

21Ni Nephtali ugsa a babai a nabaybayaan:

Mangted cadagiti nasayaat a balbalicas.

22Ni Jose maysa a sanga a sibubunga,

Sanga a sibubunga iti abay ti maysa nga ubbog;

Dagiti sarsaringitna cumalatcatda iti bacud.

23 Gen. 37:24, 28; 39:20. Dagiti pumapana pinarparigatda,

Ket pinampanada, ket kinamatcamatda:

24 Job 29:20. Ngem ti ba-ina nagtuloy iti pigsa,

Ket dagiti ig-igam dagiti im-imana napapigsada,

Gapu cadagiti im-ima ti Sal. 132:2, 5. Isa. 1:24.Mannacabalin ni Jacob.

(Isu a naggapuan ti Sal. 80:1.pastor, ti Isa. 28:16.bato ni Israel),

25 Gen. 35:3; 50:17. Aggapu iti Dios ni amam met laeng, ti tumulongto kenca,

Ket aggapu iti Mannacabalin amin ti mamendicionto kenca,

Cadagiti benbendicion ti langit a nangato,

Benbendicion ti yuyeng nga agiyan iti baba,

Benbendicion dagiti sussuso, ken ti aanacan.

26Dagiti benbendicion ni amam Dacdackelda idi ngem dagiti benbendicion dagiti capuonac

Deut. 33:15-16. Heb. 3:6. Inggana dagiti pungto a caadaywan dagiti turturod nga agnanayon:

Dagitoy addadanto iti olo ni Jose.

Ken iti cuppocuppo ti naisina cadagiti cacabsatna a lallaki.

27 Eze. 22:27. Ni Benjamin isu ti lobo nga agagagaw:

Iti bigat canennanto ti sinamsam,

Zac. 14:1, 7. Ket iti rumabii, binglayennanto ti inagaw.

28Amin dagitoy isuda dagiti sangapulo ket dua a caputotan ni Israel: ket daytoy ti sinao ni amada cadacuada, ket binendicionanna ida; tummunggal maysa mayannatup iti pammendicionna, binendicionanna ida.

29Ket imbilinna cadacuada, ket kinunana cadacuada, Gen. 25:8.siac maitiponacto cadagiti cacabagiac: Gen. 47:30. 2 Sam. 19:37.iponpondacto a maitipon cadagiti dadackelco Gen. 50:13.idiay rukib nga adda iti talon ni Ephron a Hetheo,

30Idiay rukib nga adda iti talon idiay Macpela, iti sango ti Mamre, sadiay daga a Canaan, Gen. 23:16, 19.isu a ginatang ni Abraham agraman ti talon ken Ephron a Hetheo, tapno tagicuaenna a pagtamtamnan:

31 Gen. 25:9. Sadiay ti nangiponponanda cada Abraham ken Sara, nga asawana; idiay ti nangiponponanda cada Isaac ken Rebecca, nga asawana; ket Gen. 35:29.sadiay ti nangiponponanda ken Lea:

32Ti talon ken ti rukib nga adda idiay, isu a nagatang cadagiti annac ni Heth.

33Ket idi nalpasen ni Jacob ti panangbilbilinna cadagiti annacna, incucotna dagiti sacsacana idi iddana, bil. 29.ket inyawatna ti cararuana, ket naitipon cadagiti cabcabagianna.