ISAIAS 57 - Ilokano Form-Based Bible: Ti Biblia (1973)

Ti maipapan iti panagrucbab cadagiti didiosen.

1Ti nalinteg mapucaw, ket awan ti tao a mangicascaso; ket dagiti manangaasi a lallaki maiccatda, awan ti mangotob a ti nalinteg maiccat iti sangoanan ti dakes nga umay.

2Isu sumrec iti talna; isuda aginanada, 2 Cron. 16:14.cadagiti iddada, tunggal maysa a magna iti kinalintegna.

3Ngem umasidegcayo ditoy, dacayo annac a lallaki ti managanito, putot ti mannakicamalala ken balangcantis.

4Asino ti rinabrabacyo? siasino ti pangingangaanyo ita ngiwat, ken pangidilatanyo ita dila? saan aya a dacayo dagiti annac ti panaglabsing, maysa a Isa. 1:4.putot ti kinaulbod;

5Dacayo a mangpasged cadagiti bagbagiyo Isa. 1:29.iti tengnga dagiti robles 1 Ar. 14:23. 2 Ar. 16:4.iti siroc ti tunggal Lev. 18:21.narucbos a cayo; a mamapatay cadagiti annac cadagiti loblobong, iti siroc dagiti rengrengngat dagiti batbato?

6Iti baet dagiti nalinis a batbato ti lobong isu ti biangmo: isuda, isuda ti gasatmo; cadacuada met laeng ti nangibucbocam ti daton a mainum, sica nagirucbabca iti daton. Makicappiaacto aya cadagitoy a banbanag?

7Iti rabaw ti nangato Eze. 16:16, 25.ken natayag a bantay insaadmo Eze. 23:17.ti iddam; idiay met simmang-atca a mangidatag ti daton,

8Ket iti licudan dagiti ruruangan ken dagiti adadigi insaadmo ti pacalaglagipan: ta sica imparangmo ti bagim Eze. 16:15.iti sabali a saan a siac, ket simmang-atca; pinadackelmo ti iddam, ket nakitulagca cadacuada: Eze. 16:26; 28; 23:2-20.sica inayatmo dagiti iddada iti sadinoman a nacakitaam.

9Sica napanca iti ari nga incuyogmo ti lana, ket pinawadwadmo dagiti bangbanglom, ken imbaonmo dagiti babaonem iti adayu, ket minulitam ta bagim agingga met laeng ken Tanem.

10Sica nabannoganca iti pagatiddugan ti dalanmo; nupay casta dica kinuna, Jer. 2:25; 18:12.Barengbareng: sica nacasaracca iti mangpakired ita pigsam; gapuna a dica napacsuyan.

11 Isa. 51:12, 13. Ket iti siasino ti nacapabutngam ken iti pagbutngam, tapno Sal. 78:36.sica agulbodca, ket dinac linagip wenno dinac impapuso? Sal. 50:21.diac aya nagtalna iti nabayag a pannawen, ket sica dica nagbuteng caniac?

12Ipalawagconto ti kinalintegmo; ket no maipapan cadagiti ar-aramidmo, isuda saandanto a macagunguna kenca.

13Intono umasugca, dagiti inurnongmo icanawadaca coma; ngem ti angin alaennanto ida, maysa a puyot ipanawnanto ida amin: Isa. 14:32.ngem ti agcamang caniac Sal. 37:9.tagicuaennanto ti daga, ken tawidennanto ti nasantoan a Isa. 11:9; 65:11, 25.bantayco.

14Ket isu cunaennanto, Isa. 62:10.Gaburanyo, gaburanyo, saganaenyo ti dalan, iccatenyo ti pacaitibcolan iti dalan ti ilic.

15Ta castoy ti cuna ti Nangato ken Natan-oc nga agnaed iti agnanayon, Luc. 1:49.a ti naganna Santo; Agnaedac iti nangato ken Zac. 2:13.nasantoan a disso, agraman iti daydiay Sal. 34:18.addaan iti maysa nga espiritu a napagbabawi Isa. 61:1.ken napacumbaba, tapno biagec manen ti espiritu ti napacumbaba ken tapno biagec manen ti puso ti napagbabawi.

16Ta diacto Sal. 103:9.makisusic iti agnanayon, diacto met agpungtot iti agnanayon; ta ti espiritu mapacsuyan coma iti sangoanac, ken dagiti carcararua Num. 16:22.nga inaramidco.

17Maipuon iti kinadangkes ti apalna nagpungtotac; ket isu kinabilco: inlingedco ti rupac ket nagpungtotac; ket isu nagtuloy a nagbawing iti dalan ti pusona.

18Nakitac dagiti daldalanna, ken isu Jer. 3:22.agasacto: isu idalanconto met, ken isublicto dagiti liwliwa kencuana ken Isa. 61:2, 3.cadagiti agdung-aw kencuana.

19Agparsuaac iti Heb. 13:15.bunga dagiti bibig: Efe. 2:17.Talna, talna, iti daydiay nga D. Ara. 2:39.adda iti adayu ken iti daydiay nga adda iti asideg, cuna ni Jehova; ket isu agasacto.

20Ngem dagiti nadangkes Jud. 13.casda la iti mariribuc a taaw; ta dina mabalin ti aglinac ket dagiti danumna mangipurruacda iti pitac ken lued.

21Awan ti talna, Isa. 48:22.cuna ti Diosco, cadagiti nadangkes.