EZEQUIEL 33 - Ilokano Form-Based Bible: Ti Biblia (1973)

Ti rebbengen ti agbanbantay. Ti Apo mangocom a sililinteg. Ti gapuna a ti Jerusalem nadusa. Dagiti agdengngeg iti mammadto nagsukirda.

1Ket ti sao ni Jehova dimteng caniac, a kinunana,

2Anac ti tao, agsaoca Eze. 3:11. Os. 4:4.cadagiti annac ti ilim, ket cunam cadacuada, Eze. 14:17.Intono yegco ti campilan iti daga, ket dagiti tattao ti daga mangalada iti maysa a lalaki iti nagtengngaanda, ket isu isaadda nga agbantay cadacuada.

3No isu intono makitana ti campilan nga umay iti daga, puyotenna ti tangguyob, ket pacaammoanna ti ili;

4Iti casta uray siasino Isa. 58:1. Jer. 6:17. Amos 3:6.a macangngeg iti uni ti tangguyob ket saan a mangipangag no ti campilan umay, Eze. 18:13.ket isu pucawenna, ti darana addanto iti olona met laeng.

5Nangngegna ti uni ti tangguyob, ket saan a nangipangag, ti darana addanto kencuana; ngem no nangipangag coma, naispalna coma ti cararuana.

6Ngem no ti agbantay makitana ti campilan nga umay, ket saanna a puyoten ti tangguyob, ket ti umili saan a mapacaammoan, ket ti campilan umay ket pucawenna ti siasinoman a tao iti nagtengngaanda; isu maipanaw iti kinadakesna, Eze. 3:18.ngem ti darana sapulecto iti ima ti agbantay.

7Gapuna a sica, anac ti tao, Jer. 1:18.insaadca nga agbantay iti balay ti Israel; denggem ngarud ti sao iti ngiwatco, ket ipacaammom cadacuada ti naggapu caniac.

8No cunac iti nadangkes, O nadangkes a tao, mataycanto a di-bumurong ket sica saanca nga agsao tapno pacdaaram ti nadankes iti dalanna; dayta a nadangkes a tao matayto iti kinadakesna, ngem ti darana sapulecto iti imam.

9 Eze. 3:19. Nupay casta no pacdaraam ti nadangkes iti dalanna tapno agbawing kencuana, ket saan nga agbawing iti dalanna; isu matayto iti kinadakesna, ngem sica naispalmo ti cararuam.

10Ket sica, anac ti tao, cunam iti balay ti Israel: Castoy ti panagsaoyo, a cunayo, Dagiti salungasingmi ken dagiti basbasolmi addada iti rabawmi, ket mapacapsutcami cadacuada; casano ngarud ti panagbiagmi?

11Cunam cadacuada, Cas sibibiagac, cuna ni Apo Jehova, 2 Sam. 14:14.Awan ti ragsacco iti ipapatay ti nadangkes; no di ket ti nadangkes agbawing coma iti dalanna ket agbiag; agbawingcayo, agbawingcayo cadagiti dakes a daldalanyo; Eze. 18:31.ta apay a mataycayo, O balay ti Israel?

12Ket sica, anac ti tao, cunaem cadagiti annac ti ilim, Eze. 18:24.Ti kinalinteg ti nalinteg dinto mangispal kencuana iti aldaw ti panagsalungasingna; ket no maipapan iti kinadakes ti nadangkes, saanto a matuang gapu iti dayta iti aldaw a panagbabawina iti kinadangkesna; ket uray ti nalinteg dina mabalin ti agbiag gapu iti daydiay iti aldaw a panagbasolna.

13No cunac iti nalinteg, nga isu agbiagto a di-bumurong; no isu agtalec iti kinalintegna, ket agaramid ti kinadakes, awanto cadagiti nalinteg a gapuananna ti malagip; no di ket iti kinadakesna nga inaramidna, iti daydiay matayto.

14Manen, Eze. 3:18; 18:27.no cunac iti nadangkes, Mataycanto a di-bumurong; no agbabawi iti basolna, ket aramidenna daydiay mayalubog iti linteg ken umisu;

15No ti nadangkes Eze. 18:7.ipulangna ti salda, Ex. 22:1, 4, 7. Lev. 6:2, 4, 5.isublina daydiay innalana a tinacaw, magna cadagiti Lev. 18:5.linlinteg ti biag, a saan nga agaramid iti kinadakes, isu agbiagto a di-bumurong, saanto a matay.

16 Eze. 18:22. Awanto cadagiti basbasolna nga inaramidna ti malagip a maibusor kencuana; isu inaramidna daydiay mayalubog iti linteg ken umisu; isu agbiagto a di-bumurong.

17Nupay casta Eze. 18:25, 29.dagiti annac ti ilim cunada, Ti dalan ti Apo saan a padapada: ngem no maipapan cadacuada, ti dalanda saan a padapada.

18No ti nalinteg Eze. 18:26, 27.agbawing iti kinalintegna, ket agaramid iti kinadakes, isu matayto met laeng kencuana.

19Ket no ti nadangkes agbawing iti kinadakesna, ket aramidenna daydiay mayalubug iti linteg ken umisu, isu agbiagto gapu iti daydiay.

20Nupay casta cunaenyo, Ti dalan ti Apo saan a padapada. O balay ti Israel, Eze. 18:30.ocomencayto tunggal maysa cas mayalubog cadagiti dalanna.

21Ket naaramid idi maicapul-lo ket dua a tawen Eze. 1:2.ti pannacacayawtayo, iti maicapul-lo a bulan, iti maicalima nga aldaw ti bulan, a maysa a nagtalaw idiay Jerusalem immay caniac a kinunana, 2 Ar. 25:2-11. Jer. 39:2; 52:5, 6. Eze. 26:2.Ti ili nacabil.

22 Eze. 1:3. Ngem ti ima ni Jehova adda idi caniac iti rabii, casacbayan ti yaay daydi nagtalaw; ket linuctanna ti ngiwatco agingga iti daydi immay caniac iti bigat; ket ti Eze. 24:27.ngiwatco naluctan ket saanacon idi nga umel.

23Ket ti sao ni Jehova dimteng caniac, a kinunana,

24Anac ti tao, dagidiay agnaed cadagidiay Eze. 36:4.naracrac a disdisso iti daga ti Israel agsaoda, a cunada, Ni Abraham maymaysa idi, ket tinawidna ti daga: ngem dacami aducami; ti daga naited cadacami a tawid.

25Gapuna cunam cadacuada, Castoy ti cuna ni Apo Jehova: Gen. 9:4. Lev. 3:17. Eze. 44:7.Mangancayo iti dara, ket itangadyo dagita matayo cadagiti didiosenyo, ket mangiparucpuccayo iti dara: ket tagicuaenyonto aya ti daga?

26Agtaleccayo iti campilanyo, agaramidcayo iti macarimon, ket tulawanyo tunggal maysa ti asawa a babai ti caarrubana; ket tagicuaenyonto aya ti daga?

27Castoy ti cunamto cadacuada, Castoy ti cuna ni Apo Jehova: Cas sibibiagac, di bumurong a dagidiay adda cadagiti naracrac a disdisso mapasagdanto iti campilan; ket daydiay adda iti nalawa nga away itedconto cadagiti an-animal tapno lamutenda; ket dagidiay adda cadagiti sarikedked ken cadagiti rukib mataydanto iti angol.

28Ket pagbalinecto ti daga a langalang ken pagsidsiddaawan; ket ti kinatangsit ti bilegna mapucawto; ket dagiti banbantay ti Israel langalangdanto, iti casta awanto ti lumabas.

29Ngarud mabigbigdanto a siac ni Jehova, intono pagbalinec ti daga a langalang ken maysa a pagsidsiddaawan, a gapu cadagiti amin a kinarimon nga inaramidda.

30Ket no maipapan kenca, anac ti tao, dagiti annac ti ilim agsaodanto a maipapan kenca iti arpad dagiti bacud ken cadagiti ruangan dagiti balbalay, Isa. 29:13.ket agsisinnaoda, tunggal maysa iti cabsatna a lalaki, a cunada, Dawatec kenca umayca ket denggenta no ania ti sao a rumuar nga aggapu ken ni Jehova.

31Ket umayda kenca, a cas ti yaay ti umili, ket agtugawda iti sangoanam a cas ti ilic, ket denggenda dagiti saom, ngem saanda ida a tungpalen; Sal. 78:36, 37. Isa. 29:13.ta cadagiti ngiwatda iparangda ti adu nga ayat, ngem ti Mat. 13:22.pusoda mapan a sumurot iti gongunada.

32Ket, adtoy, maipaay cadacuada sica ti cas naimnas a cancion ti maysa nga addaan macaay-ayo a timecna, ken macatocar a naimbag iti pagtocaran; ta mangngegda dagiti saom, ngem saanda ida a tungpalen.

33Ket intono daytoy mapasamac (sadtoy umay), 1 Sam. 3:20.mabigbigdanto nga adda idi mammadto iti nagtengngaanda.