DAGITI ARAMID 3 - Ilokano Form-Based Bible: Ti Biblia (1973)

Pannacaagas ti maysa a pilay.— Cascasaba ni Pedro iti templo.

1Ket da Pedro ken Juan sumangsang-atda maicasiam nga isu horas ti panagcararag.

2Ket inyegda ti maysa a tao, a pilay nanipud pannacayanacna isu nga icabcabilda nga inaldaw iti ruangan ti templo, a managan ti Napintas Juan 9:8.tapno dumawat ti limos cadagiti sumrec iti templo;

3Daytoy, idi nakitana da Pedro ken Juan a sumsumrecda iti templo, dinawatna nga limosanda.

4Ket ni Pedro, isu minatmatanna, cas ken ni Juan, ket kinunana: Kitaennacami.

5Ket minatmatanna ida, nga ururayenna nga umawat ti bassit cadacuada.

6Ket ni Pedro kinunana: Awan caniac ti pirac uray balitoc; ngem ti adda caniac, isu ti itdec kenca: bil. 15. D. Ara. 4:10.iti nagan ni Jesu-Cristo a taga Nazaret, magnaca.

7Ket isu iniggamanna iti imana a macanawan, ket pinatacderna: ket naigiddato a timmibker dagiti sacsaca ken lansalansana.

8Ket idi a Isa. 35:6.limmagto, nagtacder ket rinugianna ti nagna, ket simrec iti templo a nakicuyog cadacuada a magmagna, ken lumaglagto ken daydayawenna ti Dios.

9Ket dagiti amin nga umili nakitada a magmagna ken agdaydayaw iti Dios:

10Ket nabigbigda nga isu daydi agtugtugaw a makilimlimos iti Ruangan a Napintas ti templo: ket napnoanda ti siddaaw ken kigtot gapu iti naaramid kencuana.

11Ket idi a nakiapongol daydi pilay cada Pedro ken Juan, amin dagiti umili nagtarayda a napan a sisisiddaaw unay cadacuada iti ruangan Juan 10:23. D. Ara. 5:12.a managan ruangan ni Salomon.

12Ket idi nakita ni Pedro daytoy, nagsao cadagidi umili: O lallaki nga Israelitas, apayapay a pagsiddaawanyo daytoy? wenno apayapay matmatandacami a cas la ket gapu iti talugading wenno ti kinasingpetmi pinapagnami daytoy?

13Ti Dios da Abraham, ken Isaac, ken Jacob, Juan 16:14; 17:1.ti Dios dagidi ammatayo iniccanna ti D. Ara. 5:30; 22:14.dayag ni Adipenna a Jesus, isu nga inyawatyo ken tinallicudanyo iti sangoanan ni Pilato, idi pinanggepna nga ibbatan.

14Ngem tinal-licudanyo Mat. 27:20. Mar. 15:11. Luc. 23:18, 20, 21. Juan 18:40; 19:15.daydi Santo ken Nalinteg ket Luc. 23:17-19, 25.dinawatyo a maited cadacayo ti maysa a nacapatay.

15Ket pinapatayyo ti Principe iti biag, isu a pinagungar ti D. Ara. 2:24.Dios cadagiti natay, isu a Luc. 24:48.masacsianmi.

16Ket gapu iti pammati bil. 6.iti nagan ni Jesus napatibker daytoy tao a makitayo ken amammoyo: wen, Mat. 9:2.ti pammati iti nagan na isu ti nangted naananay a pannacaagas daytoy a tao iti sangoananyo amin.

17Ket ita cacabsat, ammoc nga agsipud Juan 16:3. D. Ara. 13:27.iti dicay pannacaammo inaramidyo daytoy, a cas iti inaramid met dagiti mangituray cadacayo.

18Ngem cas ti impacaammo Luc. 24:27.ti Dios idi damo iti ngiwat dagiti amin a mammadto, a ti Cristona agsagabanto tinungpalna.

19Agbabawicayo ngarud, D. Ara. 2:38.ket agsublicayo tapno mapunas dagiti basbasolyo: iti casta umayto dagiti aldaw ti bang-ar aggapu iti sangoanan ti Apo;

20Ken ibaonna coma daydi Cristo, a naituding idi damo a maipaay bil. 18.cadacayo nga isu ni Jesus:

21Isu a D. Ara. 1:11.masapul a ti langit awatenna agingga cadagiti aldaw ti pannacaisubli dagiti amin a banag, nga insao ti Dios iti ngiwat dagiti sasanto a mammadtona idi ginasgasut a tawtawen.

22Ta ni Moises kinunana: Deut. 18:15, 19. D. Ara. 7:37.Ti Apo a Diosyo ibangonannacayto manipud cadagiti cacabsatyo ti maysa a mammadto a cas caniac: isu denggenyonto cadagiti aniaman nga isaona cadacayo.

23Ket maaramidto, nga amin a cararua a dinto dumngeg iti dayta a mammadto, mapucawto cadagiti umili.

24Ket amin met dagiti mammadto manipud ken 1 Sam. 3:20.Samuel, ken dagiti simmaruno kencuana, amin a nagsao, impacaammoda met dagitoy nga aldaw.

25Dacayo dagiti annac dagiti mammadto ken ti tulag nga inaramid ti Dios cadagiti ammayo, a cuncunana ken Abraham: Gen. 22:18.Ket iti caputotam mabendicionanto dagiti amin nga caputotan ditoy daga.

26Ti Dios iti calpasan ti panamagungarna ken Adipenna a Jesus D. Ara. 13:46.imbaonna nga umuna cadacayo, tapno bendicionannacayo, Mat. 1:21.iti yaadayuyo tunggal maysa cadagiti kinadakesyo.