ISAIAS 40 - Ilokano Form-Based Bible: Ti Biblia (1973)

Dagiti macaliwliwa a cari. Ti saan a maipadpad a kinatan-oc ni Jehova. Ti panagpakired ti Israel.

1Liwliwaenyo, liwliwaenyo ti ilic, cuna ti Diosyo.

2Agsaocayo a sililiwliwa iti Jerusalem; ket ipuccawyo kencuana a ti pannakidangadangna nanungpalen, D. Un. 4:22.ta ti kinadangkesna napacawanen, nga isu inawatna iti ima ni Jehova iti mamindua a maipaay iti amin a basbasolna.

3 Isa. 58:1. Mat. 3:3. Mar. 1:3. Luc. 3:4. Juan 1:23. Ti timec ti maysa nga agpucpuccaw, Mal. 3:1.Isaganayo iti let-ang ti dalan ni Jehova, palanasenyo iti tay-ac ti maysa a dalan a maipaay iti Diostayo.

4 Luc. 3:5. Tunggal tanap maitan-octo, ken amin a bantay ken turod mapababadanto; Isa. 45:2.ken ti lasonglasong mapalanasto, ken dagiti tibbatibbacolan a disso pagbalinem a maysa a napalanas:

5Ken ti dayag ni Jehova maiparangarangto, ken amin a lasag isu ti makitadanto amin; ta ti ngiwat ni Jehova insaona.

6Ti timec ti maysa cuncunana, Ipuccawmo. Ket kinuna ti maysa, Ania ti ipuccawco? Job 15:2. Sal. 102:11; 103:15. Sant. 1:10. 1 Ped. 1:24.Amin a lasag isu root, ken amin a kinasayaatna isu ti cas la sabong iti tay-ac.

7Ti root magango, ti sabong malaylay, agsipud ta Sal. 108:16.ti sang-aw ni Jehovah agpuyopoy kenkuana; pudno a dagiti tattao isuda dagiti root.

8Ti root magango, ti sabong malaylay; Juan 12:34. 1 Ped. 1:25.ngem ti sao ti Diostayo mataginayonto.

9O sica a mangibaga cadagiti naimbag a damdamag iti Sion, sumang-atca iti tapaw ti nangato a bantay; O sica a mangibaga cadagiti naimbag a damdamag iti Jerusalem, ipuccawmo ta timecmo a buyogen ti pigsa: ipigsam, dica abuteng; ibagam cadagiti il-ili ti Juda, Adtoy ti Diosyo!

10Adtoy, ni Apoo Jehova umayto a cas mannacabalin, ken ti tackiagna agturayto a maipaay kencuana: Adtoy, Isa. 62:11.ti panggungunana maicuyog kencuana, ken ti panupapacna adda iti sangona.

11 Eze. 34:23. Zac. 13:7. Juan 10:11. Pagarabennanto ti arbanna a cas la maysa nga agpaspastor, urnongennanto dagiti cordero iti tackiagna, ken awitenna ida iti barucongna, ket idalannanto a nainayad dagiti adda urbonda.

12Asino ti nangsucat iti danum iti Prov. 30:4.lucong ti imana, ken nangrucod iti langit iti danganna, ken ti nangipalaon ti tapoc ti daga iti maysa pagsucatan, ken nangganting cadagiti banbantay cadagiti pagcatian, ket dagiti turturod iti maysa a pagtimbengan?

13Asino ti nangiturong iti Rom. 11:34. 1 Cor. 2:16.Espiritu ni Jehova, wenno idinto ta isu ti mamalacad kencuana isu insurona?

14Asino ti nangbalacad, ken asino ti nangisuro kencuana, Job 21:22.ken ti nangipalawag kencuana iti dalan ti kinajusticia, ken ti nangisuro kencuana iti pannacaammo, ken ti nangiparang kencuana iti dalan ti pannacaawat?

15Adtoy, dagiti nasnacion casda la sangcatedted ti maysa a timba, ken naibilangda a cas nalapat a tapoc ti timbengan: adtoy, isu iccatenna dagiti purpuro a cas maysa a bassit a banag.

16Ket ti Libano di-umanay a puuran, ket di met umanay dagiti animalna a mapuuran a daton.

17Amin dagiti nasnacion casda la Sal. 62:9. Dan. 4:35.awan capapayanda iti sangoananna; ibilangna ida a basbassit ngem iti awan, ken kinaubbaw.

18Asino ngarud iti D. Ara. 17:29.pangipadisanyo iti Dios? wenno ania a caasping ti yaspingyo kencuana?

19Ti ladawan, maysa nga agtartrabajo ti nangsucog kencuana, ket ti mammanday iti balitoc isu Isa. 41:7; 44:12, 13; 46:6. Jer. 10:3, 4.ti nangcalupcup kencuana iti balitoc ket sana yaramidan cadagiti cawar a pirac.

20Ti capanglawan unay a mangirucbab iti casta a daton pilienna ti cayo a saan a bacabaken: isapulanna iti maysa a nalaing nga agtrabajo a Isa. 41:7. Jer. 10:4.mangbangon iti maysa ladawan a kinitikitan, a saanto a mayalis.

21Dicayo naammoan aya? dicayo nangngeg aya? Sal. 19:1. D. Ara. 14:17. Rom. 1:19, 20.saan a naibaga aya cadacayo nanipud idi damo? dicayo aya naawatan nanipud idi pannacaibangon ti daga?

22Daydiay nga agtugtugaw iti ngatoen ti nagtimbukel a daga, ket dagiti agtaeng kencuana casda la dudon; a Gen. 1:6, 8. Job 1:8. Sal. 104:2.mangibistrad cadagiti langlangit a cas maysa a bengbeng, ken mangyaplag cadacuada a cas maysa a tolda a pagyanan;

23A Job 12:21. Sal. 107:40.mangpucaw cadagiti pangpanguloen; isu a mangaramid cadagiti oc-ocom ti daga a cas kinaubbaw.

24Wen, isuda saanda a naimula; wen, saanda a naibunobon; wen, ti puonda saan a nagramut iti daga: nupay casta isu puyotanna ti rabawda ket magangoda, ket ti alipugpug yadayuna ida a cas la punget.

25Siasino ngarud iti bil. 18. Deut. 4:15, 16.pangipadisanyo caniac, tapno maipadaac coma kencuana? cuna ti Santo.

26Itangadyo dagiti matayo idiay ngato, ket kitaenyo no asino ti namarsua cadagitoy, nga babaen iti panangbilang isu iruarna dagiti buybuyotda; Sal. 147:4.isu inagananna ida amin; gapu iti kinadackel unay ti kinamaingelna, ken agsipud ta napigsa iti pannacabalin, awan ti agcurang uray no maysa.

27Apay a cunaem, O Jacob, ken saoem, O Israel, Ti dalanco nailinged ken ni Jehova, ken ti kinajusticia a maiparebbeng caniac limmabas nanipud Isa. 49:4.iti Diosco?

28Dica aya naammoan? dica aya nangngeg? Ti agnanayon a Dios, ni Jehova, ti Namarsua cadagiti pungto ti daga, saan a cumapuy, ket di met mabannog; awan ti macasukimat iti Sal. 147:5. Rom. 11:33.pannacaawatna.

29Isu ti mangpapigsa iti nacapuy: ken iti daydiay awan ti cabaelanna isu pawadwadenna iti pigsa.

30Uray pay dagiti ubbing cumapuydanto ken mabannogdanto, ken dagiti agtutubo matuangdanto a matalipupus:

31Ngem dagiti agpannuray ken ni Jehova Sal. 103:5.pabaroendanto ti pigsada; agpangatodanto a sipapayac a cas la aguila; agtaraydanto, ket dida mabannog; magnadanto, ket dida agcapuy.