II CRONICAS 13 - Ilokano Form-Based Bible: Ti Biblia (1973)

Ti panagari ni Abias; ti gubatna ken Jeroboam. Ti Israel maabac.

1Iti maicasangapulo ket walo a tawen ni ari Jeroboam, nangrugi ni Abias a nagari iti Juda.

2Tallo a tawen ti panagarina sadi Jerusalem: ket ti nagan ni inana 2 Cron. 11:20.Micaia nga anac a babai ni Uriel a taga Gabaa. 1 Ar. 15:7.Ket adda idi gubat da Abias ken ni Jeroboam.

3Ket ni Abias kimmuyog iti gubat iti maysa a buyot dagiti natured a lallaki ti gubat, uppat a gasut a ribu met laeng dagiti napili a lallaki, ket ni Jeroboam inornosna ti gubat a maibusor kencuana iti walo gasut a ribu dagiti napili a lallaki a lallakida idi a mannacabalin ken mamaingel.

4Ket ni Abias nagtacder idiay bantay Jos. 18:22.Semaraim, nga adda idiay Jos. 24:33.caturodan ti Efraim, ket kinunana, Denggennac, O Jeroboam ken amin nga Israel:

5Saanyo aya nga ammo a ni Jehova 2 Sam. 7:12, 13, 16.intedna ti pagarian ti Israel ken David iti agnanayon, kencuana met laeng ken cadagiti annacna a lallaki iti pannacaaramat Num. 18:19.ti maysa a tulag ti asin?

6Nupay casta ni Jeroboam nga anac a lalaki ni Nabat nga adipen ni Salomon nga anac a lalaki ni David timmacder, ket immalsa a maibusor ken apona.

7Ket adda idi a naurnong kencuana dagiti awan cais-iscanna a lallaki, dakes a tattao, a pinapigsada dagiti bagbagida met laeng a maibusor ken Roboam nga anac a lalaki ni Salomon, idi ni Roboam 2 Cron. 12:13.agtutubo pay laeng ken nalucneng ti pusona, ket saanna a mabalin ti sumcad cadacuada.

8Ket ita panunutenyo a sumcad ti 1 Cron. 29:23.pagarian ni Jehova iti ima dagiti annac a lallaki ni David; ket dacayo umariwecweccayo, ket adda cadacayo dagiti sinan-urbon a 1 Ar. 12:28.vacvaca a balitoc nga inaramid ni Jeroboam a maipaay a didiosyo.

9 2 Cron. 11:14. Saanyo aya a pinagtalaw dagiti papadi ni Jehova, nga annac a lalaki ni Aaron, ken dagiti Levitas, ket 1 Ar. 12:31.nagaramidcayo cadagiti papadiyo a mayalubog iti cadawyan dagiti tattao cadagiti sabsabali a dagdaga? tapno ti uray siasino nga umay mangconsagrar ti bagina met laeng iti maysa nga Ex. 29:1.urbon a vaca a lalaki ken pito a carnero a lallaki, mabalin nga isu met laeng ti padi cadagidiay a saan a dios.

10Ngem no maipapan cadacami, ni Jehova ti Diosmi, ket isu saanmi a binaybay-an; ket adda cadacami dagiti papadi nga agannong ken Jehova, dagiti annac a lalaki ni Aaron, ken dagiti Levitas iti akemda:

11 2 Cron. 2:4. Ket puuranda ken Jehova iti binigat ken minalem dagiti datdaton a mapuuran ken nabanglo nga incienso: ti tinapay ti pamarang ornosenda met iti rabaw ti nadalus a lamesaan; ket ti candelero a balitoc agraman cadagiti pagsilawanna tapno Ex. 27:20, 21. Lev. 24:2-4.sigagangat iti tunggal rabii: ta aywananmi ti incumit ni Jehova a Diosmi; ngem dacayo isu binaybay-anyo.

12Ket, adtoy, ti Dios adda cadacami iti pangolomi, ken dagiti papadina a Num. 10:9.siiiggem cadagiti tortororot a pangpatignay a pagunien iti nacadadanag a maibusor cadacayo. O annac ti Israel, dicayo gubaten ni Jehova, a Dios dagiti ammayo; ta dicayto mangabac.

13Ngem ni Jeroboam imbaonna dagiti agsaneb a mapan iti licudanda: iti casta addada idi iti sango ti Juda, ket dagiti agsaneb addada iti licudda.

14Ket idi a ti Juda timmallaw, adtoy, ti gubat adda iti sangoda ken iti licudanda; ket immawagda ken Jehova, ken dagiti papadi nagpagunida cadagiti tortororot.

15Idin dagiti lallaki ti Juda nagriawda: ket idi dagiti lallaki ti Juda nagriawda naaramid a ni Jehova 2 Cron. 14:12.kinabilna ni Jeroboam ken amin nga Israel iti sango ni Abias ken ti Juda.

16Ket dagiti annac ti Israel intarayanda iti sango ti Juda; ket ti Dios inyawatna ida iti imada.

17Ket ni Abias ken dagiti tattaona pinatayda ida iti dackel a pannacapapatay: iti casta napasagda a napapatay iti Israel dagiti lima gasut a ribu cadagiti napili a lallaki.

18Iti casta dagiti annac ti Israel napacumbabada iti daydi a tiempo, ket dagiti annac ni Juda nangabacda, 1 Cron. 5:20.agsipud ta nagtalecda ken Jehova, a Dios dagiti ammada.

19Ket ni Abias kinamatna ni Jeroboam, ket innalana dagiti il-ili kencuana, ti 1 Ar. 12:29. 2 Cron. 15:8; 17:2.Bet-el agraman il-ilina, ken Jesana agraman il-ilina, ken Efron agraman il-ilina.

20Ket ni Jeroboam saanna a napasubli ti kinabilegna cadagiti al-aldaw ni Abias: 1 Sam. 25:38.ket ni Jehova kinabilna, 1 Ar. 14:20.ket isu natay.

21Ngem ni Abias nagbalin a mannacabalin, ket nangasawa ti sangapulo ket uppat nga assawa a babbai, ket pinutotna ti duapulo ket dua nga annac a lallaki, ken sangapulo ket innem nga annac a babbai.

22Ket ti matda cadagiti ar-aramid ni Abias, ken dagiti cababalinna, ken dagiti insasaona, naisuratda iti panglawlawag ni mammadto nga 2 Cron. 9:29.Iddo.