DEUTERONOMIO 23 - Ilokano Form-Based Bible: Ti Biblia (1973)

Tattao a rebbengda ti malacsid iti gimong. Nadumaduma a linlinteg.

1Ti nadunor iti bukelbukel, wenno ti naputdan ti bagi nga ibainna, dinto sumrec iti gimong ni Jehova.

2Ti Zac. 9:6.sapsing dinto sumrec iti gimong ni Jehova; uray pay agpapan iti maicasangapulo a caputotanna, awanto ti sumrec iti gimong ni Jehova.

3 Neh. 13:1, 2. Ti maysa nga Ammonita, wenno maysa a Moabita saanto a sumrec iti gimong ni Jehova: uray pay iti maicasangapulo a caputotan, awanto cadagiti cadaraanda ti sumrecto iti gimong ni Jehova iti agnanayon.

4 Deut. 2:29. Gapu ta didacayo la insabatan iti tinapay ken danum iti dalan idi naggapucayo sadi Egipto: Num. 22:5-6. 2 Ped. 2:15.ken gapu ta isuda tinangdananda iti maibusor kenca ni Balaam nga anac ni Beor, nanipud Petor ti Mesopotamia, tapno mangilunod kenca.

5Nupay casta ni Jehova a Diosmo dina impangag ni Balaam, no di ket ni Jehova a Diosmo pinagbalinna ti Num. 23:11.lunod a bendicion kenca, ta ni Jehova a Diosmo inayatnaca.

6 Esd. 9:12. Dicanto sapulen ti talnada wenno irarang-ayda iti bayat ti aldawmo iti agnanayon.

7Dicanto cagura ti maysa nga Edomita; Gen. 25:24, 26. Ab. 10, 12.ta isu cabsatmo: dicanto cagura ti maysa a taga Egipto, gapu ta Ex. 22:21; 23:9. Lev. 19:34. Deut. 10:19.nagnaedca iti dagana.

8Dagiti annac ti maicatlo a caputotan a nayanac cadacuada sumrecto iti gimong ni Jehova.

9No inca iti pagbabacalan a makirupac cadagiti cabusormo, aluadamto ngarud ta bagim iti amin a dakes nga aramid.

10 Lev. 15:16. No addanto kenca ti uray asinoman a tao, a saan a nadalus a maipuon iti napasamac kencuana iti rabii, pumanawto ngarud iti pacarso, dinto um-umay iti uneg ti pagpacarsoan:

11Ngem maaramidto a no mumalem Lev. 15:5.digosennanto ti bagina iti danum; ket no lumnec ti init, umayto iti uneg ti pacarso.

12Addanto met maysa a dissom iti ruar ti pacarso a pagiblengamto:

13Ket addanto kenca ti maysa a soplad cadagiti igammo; ket maaramidto a no agtutugawca iti ruar, daydiayto ti pagcalim, ket tallicudamto ken gaburamto ti iblengmo:

14Ta ni Jehova a Diosmo Lev. 26:12.magna iti tengnga ti pacarsom, tapno ispalennaca, ket yawatna dagiti cabusormo iti saclangmo: isu ti gapuna a ti pagpacarsoam nasantoanto, tapno dina coma makita ti di-nadalus kenca, ket tallicudannaca.

15 1 Sam. 30:15. Dicanto yawat ken apona ti maysa nga adipen a nagtalaw ken apona, nga umamang kenca;

16Isu makipagnaedto kenca iti tengngam iti disso a piliennanto iti uneg ti maysa cadagiti ruruanganmo, a pagayatanna a nangnangrona: Ex. 22:21.dicanto parparigaten.

17 Lev. 19:29. Awanto ti agbalangcantis cadagiti annac a babbai ti Israel, wenno awanto ti 2 Ar. 23:7.manangubet cadagiti annac a lallaki ti Israel.

18Dicanto mangyeg ti tangdan ti maysa a balangcantis wenno tangdan ti maysa nga aso iti balay ni Jehova a Diosmo, a maipaay a cari: ta dagitoy a dua isuda ti kinarimon ken Jehova a Diosmo.

19 Ex. 22:25. Luc. 6:34. Dicanto agpautang iti maanacan iti cabsatmo; ti anac ti pirac, ti anac ti taraon ti anac ti uray ania a maipautang a maanacan:

20 Lev. 19:34. Deut. 15:3. Iti gangannaet maipalubos nga agpautangca iti maanacan; ngem iti cabsatmo dicanto agpautang iti Deut. 15:10.maanacan, tapno ni Jehova a Diosmo bendicionannaca iti isu-amin a pangaramatam iti imam iti daga a sercam tapno tagicuaem.

21 Num. 30. No agcarica iti maysa a cari ken Jehova a Diosmo, dicanto gabgabayen a bayadan: ta ni Jehova a Diosmo dinto bumurong a singirenna kenca: ket dayta pacabasolamto.

22Ngem no mateppelam ti agcari, saanmonto a pacabasolan.

23Ti rumuarto cadagita bibigmo tungpalemto, ket Sal. 66:13-14; 76:11.aramidem; cas incarim ken Jehova a Diosmo, a daton ti sibubulos a nakem, nga incarim babaen ti ngiwatmo.

24No sumreccanto iti inuvasan ti padam a tao, mabalinmo laeng ti Mat. 12:1. Mar. 2:23. Luc. 6:1.mangan cadagiti uvas nga agpennecca iti pagayatam; ngem dicanto mangicabil iti cuributmo.

25No sumrecca iti yan ti mulmula ti padam a tao, mabalinmo laeng ti rumurus iti dawa ita imam; ngem dicanto ipacat ti rakem iti mulmula ti padam a tao.