JOB 24 - Ilokano Form-Based Bible: Ti Biblia (1973)

Saoen ni Job a mapucaw dagiti managbasol, ngem cas laeng cadagiti sabsabali a tattao.

1Apay dagiti pannawen dida aya makedngan babaen ti Mannacabalin? Ken apay a dagiti macaammo kencuana dida kitaen dagiti al-aldawna?

2Adda dagiti agyalis cadagiti duldulon; agagawda cadagiti carcarnero, ket taraonda ida.

3Ipanawda dagiti asno dagiti ul-ul-ulila; Deut. 19:19.alaenda ti vaca ti balo a babai a maipaay a salda.

4 Amos 2:7; 5:12. Isiasida ti macasapul iti dalan: Prov. 28:28.amin dagiti napanglaw ti daga aglemmengda.

5Adtoy, cas cadagiti asno nga atap idiay let-ang, rumuarda a mapan iti aramidda, nga agsapulda a sireregta iti taraon; ti let-ang itdenna cadacuada ti tinapay a maipaay cadagiti annacda.

6Paraspasenda idiay away ti saganada a taraon dagiti animalda; ket binurasda ti tidda iti cauvasan ti nadangcoc.

7Agpatpatnagda nga agidda a silalamolamo nga awanan pagpagan-anay. Ket awananda iti pagabbong iti nalam-ec.

8Mabasada cadagiti arbis dagiti banbantay, ket D. Un. 4:5.aracupenda ti bato a gapu iti pannacasapul iti pagsalinongan.

9Adda dagiti mangrabsut cadagiti ul-ulila iti barucong, ken mangala iti maysa a salda ti napanglaw;

10 Iti casta a magnada a silalamolamo nga awan ti pagpagan-anayda, ket idinto ta mabisinda awitenda dagiti binetbettec.

11Agaramidda iti lana iti uneg dagiti bacud dagitoy a tattao; payatenda dagiti pagpespesanda iti uvas, ket agwawda.

12Manipud iti nacatatao nga ili agungor dagiti tattao, ken ti cararua ti nasugat agickis: nupay casta ti Dios dina incancano ti kinamaag.

13Dagitoy isuda dagiti Juan 3:19, 20.sumukir iti lawag; dida ammo dagiti daldalanna, dida agtaeng cadagiti dandanana.

14Ti agpatay agtacder ti lawag; papatayenna iti napanglaw ken macasapul; ket iti rabii isu ti cas maysa a mannanacaw.

15Ti mata met ti mannakicamalala urayenna ti Prov. 7:9.apagsipnget, a cunana: Awanto ti mata a macakita caniac, ket manglimlimo ti rupana.

16Iti nasipnget cubcubanda dagiti balbalay: iserraanda dagiti bagbagida iti aldaw; dida ammo ti lawag.

17Ta ti Amos 5:8.bigat isu ti cas nacaro a sipnget cadacuada amin; ta ammoda dagiti nacakigkigtot iti nacaro a sipnget.

18 Job 9:26. Nasiglat unay ti panaglasatda iti Os. 10:7.rabaw dagiti dandanum; ti bingayda mailunod iti daga: dida tumurong a mapan iti dalan cadagiti cauv-uvasan.

19Ti ticag ken pudot runawenda dagiti Job 9:30.dandanum ti nieve: casta ti aramiden ni Tanem cadagidiay a nagbasol.

20Isu lipatento ti tian; ti igges manganto a sisasam-it kencuana. Dinto malagipen uray caano; ket ti kinakillo mabungtolto a cas maysa a cayo.

21Alun-unenna ti lupes a di-aganac, ket saan nga agaramid ti imbag iti balo a babai.

22Nupay casta ti Dios igagana ti maingel gapu iti pannacabalinna: bumangon ti awanan kinatalged ti biagna.

23 Ti Dios ipaayna cadacuada tapno agyanda iti kinatalged, ket aginanada iti dayta; ngem dagiti matana addada iti rabaw dagiti daldalanda.

24Isuda maitan-ocda; Sal. 37:10.nupay casta iti apagbiit, maawandan; wen, maipababada, maiccatda iti dalan a cas cadagiti amin a sabsabali, ket makeltayda a cas cadagiti murdong dagiti dawa ti trigo.

25No saan a casta ita, asino ti mangpanecnec a siac managulbodac, ken mangaw-awan iti bitlac?