EZEQUIEL 26 - Ilokano Form-Based Bible: Ti Biblia (1973)

Ti pannacarbec ti Tiro maipadto.

1Ket naaramid idi maicapul-lo ket maysa a tawen, iti umuna nga aldaw ti bulan, a ti sao ni Jehova dimteng caniac, a kinunana,

2Anac ti tao, Isa. 23:1.agsipud ta ti Tiro kinunana a maicaniwas iti Jerusalem, Aha, maburac dayta a ruangan idi dagiti il-ili; isu nagsubli caniac, siac mapnoacto manen, ita ta isu nalangalang:

3Gapuna castoy ti cuna ni Apo Jehova, Adtoy, bumusorac kenca, O Tiro, ket pasang-atecto dagiti Jer. 34:1.adu a nasnacion a maibusor kenca, cas iti baybay pasang-atenna dagiti dal-luyonna.

4Ket isuda rebbaendanto dagiti bacud ti Tiro, ket racrakendanto dagiti torrena: cuscusecto met ti tapucna kencuana, ket isu pagbalinecto a Eze. 24:7.bato a nalucasan.

5 bil. 14. Isunto ti maysa a disso a pagyucradan cadagiti ik-iket Eze. 27:32.iti tengnga ti baybay; ta sinaoc, cuna ni Apo Jehova; ket isu ti agbalinto a samsam cadagiti nasnacion.

6Ket dagiti bil. 8. Eze. 16:27.annacna a babbai nga addada iti away mapapataydanto iti campilan: ket mabigbigdanto a siac ni Jehova.

7Ta castoy ti cuna ni Apo Jehova: Eze. 29:18.Adtoy, yegconto iti Tiro ni Nabucodonosor nga ari ti Babilonia, Esd. 7:12. Dan. 2:31.ari dagiti ar-ari, Jer. 1:14.manipud iti amianan, agraman cabcabayo, ken luglugan, ken lallaki a nagcabayo, ken maysa a bonggoy, ken adu a tattao.

8Isu papatayennanto iti campilan dagiti annacmo a babbai iti away; ket agaramidto cadagiti sarikedked a maibusor kenca, ket aggaburto iti gabsuon a maibusor kenca, ket itayagnanto ti sarapa a maicaniwas kenca.

9Ket icabilnanto dagiti makinana a pangracrac a maibusor cadagiti bacudmo, ket cadagiti wasayna rebbaennanto dagiti torrem.

10Agtaud iti caadu dagiti cabayona ti tapucda abbongandacanto: dagiti bacudmo agkintayegdanto iti daranudor dagiti lallaki a nagcabayo, ken dagiti bagon, ken dagiti lugan, intono isu sumrec cadagiti ruanganmo, cas dagiti tattao sumrecda iti maysa nga ili a nacaaramidan ti maysa a gutbaw.

11Cadagiti cuco dagiti cabayona baddekennanto amin dagiti lansanganmo; isu papatayennanto dagiti umili iti campilan; ket dagiti teddec ti pigsam maipababadanto iti daga.

12Ket agsamsamdanto cadagiti kinabacnangmo, ken agagawdanto cadagiti tagilacom; ket racrakendanto dagiti bacudmo, ket dadaelendanto dagiti macaayayo a balbalaymo, ket icabildanto dagiti batbatom ken ti taricayom ken ti tapucmo iti tengnga dagiti dandanum.

13Ket pasardengecto ti anabaab dagiti cancancionmo; ket ti aweng dagiti ararpam saanto a mangngeganen.

14Ket pagbalinencanto a nalucasan a bato; sicanto ti maysa a disso a pagyucradan cadagiti ik-iket; saancanton a maibangon; ta siac, ni Jehova sinaoc, cuna ni Apo Jehova.

15Castoy ti cuna ni Apo Jehova iti Tiro: Saanto aya nga agkintayeg dagiti purpuro Jer. 49:01. Eze. 27:28; 31:16.iti daranudor ti pannacatuangmo, intono dagiti nasugsugat agsainnecda, no ti panangpapatay maaramid iti tengngam?

16Iti casta dagiti amin a Isa. 23:8.principes ti baybay umulogdanto manipud cadagiti tronoda, ket idissoda dagiti lambonda, ket ucsobenda dagiti nabordaan a pagananayda: agcawesdanto a sipipigerger; agtugawdanto iti daga, ket agkintayegdanto iti tunggal canito, ket masdaawdanto kenca.

17Ket agunnoydanto maipuon kenca, ket cunaenda kenca, Anian ti pannacadadaelmo, a nagtaengan dagiti lallaki ti baybay, ti agdindinamag nga ili, a Isa. 23:4.napigsa idi iti baybay, isu ken dagiti agnaed kencuana a Eze. 32:23.nangpabuteng cadagiti amin a nagnaed idiay!

18Ita dagiti purpuro agkintayegdanto iti aldaw ti pannacatuangmo; wen, dagiti purpuro nga adda iti baybay agcullayawdanto maipanggep iti nagbanagam.

19Ta castoy ti cuna ni Apo Jehova: Intono aramidenca a langalang nga ili, cas cadagiti il-ili nga awan ti agnaed; Eze. 27:34.intono ipasang-atco ti caadalman kenca, ket dagiti dadackel a dandanum abbongandacanto;

20Isunto ti panangipababac kenca a Eze. 31:14; 32:18.maicuyog cadacuada nga umulog iti dariwangwang cadagiti tattao iti umuna a pannawen, ket pagnaedencanto cadagiti nauneg a paspaset ti daga, cadagiti disso a langalang idi unana, a maicuyog cadacuada nga umulog iti dariwangwang, tapno saanca a mapagtaengan; ket icabilconto ti dayag iti daga dagiti sibibiag.

21 Eze. 27:36; 28:19. Pagbalinencanto a pagkigtotan, ket awancanton; nupay no sapulendaca, saandacanto a masaracanen, cuna ni Apo Jehova.