II TAGA CORINTO 2 - Ilokano Form-Based Bible: Ti Biblia (1973)

Ti nasayaat nga iruruar daydi immun-una a surat.

1Ngem daytoy inkeddengco a siac, a 2 Cor. 1:23.diacto umay manen cadacayo a silaladingit.

2 2 Cor. 7:8. Ta no siac pagladingitencayto, siasino ngarud ti mangragragsac caniac, no di daydiay mapagladingit gapu caniac?

3Ket nagsuratac cadacayo ti maipapan itoy met laeng a banag, tapno inton dumtengac, 2 Cor. 12:21.awan coma ti paglidayac iti biang dagidiay a rebbengco coma a pagragsacan, a manginanamaac a ti rag-oc isu ti rag-oyo amin.

4Ta iti tengnga ti adu a ladingit ken sainnec ti puso, nagsuratac a silulua cadacayo; 2 Cor. 7:8, 9, 12.saan a tapno mapaladingitcayo, no di ket tapno maammoanyo ti ayatco a naglaplapusanan cadacayo.

5Ngem 1 Cor. 5:1, 2.no adda namaldaang, saan a siac ti pinagleddaangna, no di ket dagiti dadduma tapno dicay mapabasol amin.

6Umanayen iti casta a tao dayta a dusa nga impatay kencuana 1 Cor. 5:4, 5.dagiti ad-adu cadacayo;

7Iti casta Gal. 6:1.rebbengyo ket di nga pacawanen ken liwliwaen, di la ket ta dayta a tao malmes iti aglablabes a liday.

8Gapuna, dawatec cadacayo a panecnecanyo ti ayatyo kencuana.

9Ta gapu met itoy nagsuratac, tapno mapadasco ti cababalinyo, no 2 Cor. 7:15; 10:6.natulnogcayo cadagiti isu-amin.

10Ngem iti 1 Cor. 5:4.pamacawananyo iti aniaman, pacawanec met: ta castaac met no adda pinacawanco, pinacawanco, gapu cadacayo iti biang ni Cristo.

11Tapno ni 1 Cor. 5:5.Satanas 1 Ped. 5:8.saannatayo a gundawayan; ta ammotayo dagiti kinasicapna.

12Ngem idi D. Ara. 16:8.dimtengac idiay Troas, gapu iti evangelio ni Cristo, ken idi a nawayaanen ti D. Ara. 14:27.dalanco iti Apo,

13Saan a 2 Cor. 7:6, 13, 14; 12:18. Tit. 1:4.nagtalna ti nakemco gapu ta diac nasaracan ni Tito a cabsatco: ngem idi nacapacadaac cadacuada, D. Ara. 16:12. 2 Cor. 7:5.napanac idiay Macedonia.

14Ngem yaman pay iti Dios, isu nga agnanayon a Rom. 8:37.mamagballigi cadacami ken Cristo, ket gapu iti pannacaaramatmi iparangarangna Efe. 5:2.ti sayamusom ti pannacaammo kencuana met laeng iti isu-amin a disso.

15Ta iti Dios dacami ti maysa a macaay-ayo a banglo ni Cristo, 1 Cor. 1:18.cadagiti maisalacan ken 2 Tes. 2:10.cadagiti mapucaw.

16Cadagiti dadduma, dacami ti angot ni patay a 1 Ped. 2:7, 8.maipaay iti patay; ket cadagiti sabsabali, dacami ti banglo ti biag a maipaay iti biag: Ket 2 Cor. 3:5, 6.cadagitoy a banbanag siasino ti macaanay?

17Ta saancami a cas cadagiti adu a mangilaclaco iti sao ti Dios; no di ket 1 Cor. 5:8.agsaocami iti biang ni Cristo a cas buyugen ti kinapudno a cas nagtaud iti Dios, ken cas iti imatang ti Dios.