NUMEROS 22 - Ilokano Form-Based Bible: Ti Biblia (1973)

Ni Balac paayabanna ni Balaam. Ni Balaam ken ti asnana masabetda ti Angel ni Jehova.

1 Num. 33:48, 50. Ket dagiti annac ti Israel nagnada, ket nagtoldada iti tantanap ti Moab a ballasiw ti Jordan sadi Jerico.

2Ket ni Balac nga anac a lalaki ni Zippor nakitana dagiti amin nga inaramid ti Israel cadagiti Amorreo.

3Ket ti Ex. 15:15.Moab napalalo ti butengna cadagiti tattao, gapu ta aduda idi: ket ti Moab nagliday a gapu cadagiti annac ti Israel.

4Ket ti Moab kinunana cadagiti Num. 25:18; 31:8. Jos. 13:21.lallacay ti Madian, Ita daytoy a sangabuyotan amilenna amin nga adda iti lawlawtayo, cas ti vaca nga amilenna ti root ti talon. Ket ni Balac nga anac ni Zippor isu ti ari ti Moab iti daydi a tiempo.

5Ket Deut. 33:4. Jos. 13:22. Oc. 11:25.nagbaon cadagiti babaonen ken Balaam nga anac a lalaki ni Beor, idiay Num. 23:7. Deut. 23:4.Petor nga adda iti abay ti Carayan, iti daga dagiti annac ti ili-na tapno ayabanna, a kinunana, Adtoy, adda maysa nga ili nga aggapu sadi Egipto; adtoy, kinumotanda ti rabaw ti daga ket agnaedda iti sangoc.

6Gapuna nga umayca coma ita dawatec kenca, ilunodmo caniac daytoy nga ili; ta isuda mannacabalinda unay caniac: nalabit agsagudayacto, tapno macabilmi ida, ken mapatalawco ida iti daga: ta ammoc a ti bendicionam isu ti bendito, ket ti ilunodmo isu ti mailunod.

7Ket dagiti lallacay ti Moab ken dagiti lallacay ti Madian, napanda a siiiggem cadagiti 1 Sam. 9:7-8.gongongona ti panamadto; ket dimmanonda ken Balaam, ket imbagada kencuana dagiti sasao ni Balac.

8Ket isu kinunana cadacuada, Umyancayo ditoy ita a rabii, ket yegconto cadacayo manen ti sao a mayannurot iti panagsaonto caniac ni Jehova: ket dagiti pangoloen ti Moab nakipagnaedda ken Balaam.

9 Gen. 20:3. Ket ti Dios immay ken Balaam, ket kinunana,

10Ania a tao dagitoy adda kenca? Ket ni Balaam kinunana iti Dios, Ni Balac nga anac ni Zippor, nga ari ti Moab, nagbaon caniac, a kinunana,

11Adtoy dagiti tattao a naggapu sadi Egipto kinumotanda ti rabaw ti daga: ita umayca coma ta ilunodmo ida caniac; nalabit mabalinconto ti makibacal cadacuada, ket mapagtalawconto ida.

12Ket ti Dios kinunana ken Balaam. Sica dicanto mapan cumuyog cadacuada, sica dicanto ilunod ti ili; ta isuda Num. 23:20.benditoda.

13Ket ni Balaam bimmangon iti bigat, ket kinunana cadagiti pangoloen ni Balac, Incayo iti dagayo: ta ni Jehova impawilna ti ipapanawco a maicuyogac cadacayo.

14Ket dagiti pangoloen ti Moab timmacderda, ket napanda ken Balac, ket kinunada, Ni Balaam madi a cumuyog cadacami.

15Ket ni Balac binaonna manen dagiti adadu a pangoloen ken nadaydayawda pay ngem dagidiay.

16Ket isuda napanda ken Balaam, ket kinunada kencuana, Castoy ti saoen ni Balac nga anac ni Zippor, Dawatec kenca dica coma ipalubos ti uray ania a mangipawil kenca iti iyaaymo caniac:

17Ta ibuangayconto kenca ti dackel unay a pacaidayawam, ket uray ania a saoem caniac aramidecto: umayca coma ngarud, dawatec kenca, ilunodmo caniac daytoy ili.

18Ket ni Balaam simmungbat, ket kinunana cadagiti adipen ni Balac, Num. 24:13.No ni Balac itedna coma caniac ti balayna a napno iti pirac ken balitoc, siac 1 Ar. 22:14. 2 Cron. 18:13.diac mabalin a labsingen ti sao ni Jehova a Diosco, tapno aramidec ti nacurang wenno nalabes.

19Isu ti gapuna ita a dawatec cadacayo, bil. 8.Agsardencay met coma ditoy ita a rabii, tapno mabalinco nga ammoen ti saoen pay ni Jehova caniac.

20 bil. 9. Ket ti Dios immay ken Balaam iti rabii, ket kinunana kencuana, No dagiti tattao immaydaca inayaban, tumacderca a mapan cadacuada, bil. 25. Num. 23:12, 26; 24:13.ngem ti laeng sao nga ibagacto kenca ti aramidem.

21Ket ni Balaam bimmangon iti bigat ket sinillaanna ti Oc. 5:10.asnana, ket napan kimmuyog cadagiti pangoloen ti Moab.

22Ket bimmara ti pungtot ni Jehova, gapu ta isu napan; ket ti Ex. 4:24.angel ni Jehova nagyan iti dalan a cas cumabusor kencuana. Idi sinacayanna ti asnana, ket dagiti dua nga adipenna naicuyogda kencuana.

23Ket ti asna nakitana di angel ni Jehova nga agtatacder iti dalan a siiiggem iti siaasut a campilan: ket di asna simmiasi idi dalan ket napan iti cataltalonan: ket ni Balaam binaotna di asna, tapno maiturongna iti dalan.

24Ti angel ni Jehova ngarud nagyan iti maysa a dana a nailet iti nagbabaetan dagiti cauvasan, maysa a bacud iti daytoy a bangir ken maysa a bacud iti daydiay a bangir.

25Ket ti asna nakitana di angel ni Jehova, ket immampir iti bacud ket inladditna ti saca ni Balaam idi bacud: ket isu binaotna manen di asna.

26Ket ti angel ni Jehova napan manen iti sango ket nagtacder iti maysa a lugar nga akikid iti awan pangliclican iti macanawan wenno iti macatigid.

27Ket di asna nakitana di angel ni Jehova ket nagpasag iti baben ni Balaam: ket ti unget ni Balaam simged, ket kinabilna di asna iti sarucodna.

28Ket ni Jehova 2 Ped. 2:16.linuctanna ti ngiwat di asna, ket daytoy kinunana ken Balaam, Ania aya ti inaramidco kenca tapno kinabilnac cadagitoy namitlo daras?

29Ket ni Balaam kinunana idi asna, Gapu ta rinabngisnac: addaanac man coma iti campilan iti imac, ta napataycan coma ita.

30Ket di asna kinunana ken Balaam, Saan aya nga siac ti asnam a nagsacsacayam iti bayat ti panagbiagmo agingga itoy nga aldaw? cadawyac aya ti agcasta kenca? Ket isu kinunana, Saan.

31Ni Jehova ngarud Gen. 21:19. 2 Ar. 6:17.linuctanna dagiti mata ni Balaam, ket isu nakitana ti angel ni Jehova a nagyan iti dalan agraman campilan a siaasut iti imana; ket isu Ex. 34:8.intamedna ti olona ket nagpacleb.

32Ket ti angel ni Jehova kinunana kencuana, Ania ti gapuna a kinabilmo ti asnam cadagitoy namitlo daras? Adtoy immayac a bumusor, gapu ta ti dalanmo dakes iti sangoc:

33Ket ti asna nakitanac ket naglisi iti sangoc cadagitoy namitlo daras: no di la naglisi coma caniac, pudno nga ita napataycan, ket isu ti biniagco coma.

34Ket ni Balaam kinunana idi angel ni Jehova, 1 Sam. 15:24, 30; 26:21. 2 Sam. 12:13. Job 34:32.Siac nacabasolac; ta diac ammo idi nga nagyanca iti dalan a bumusor caniac: no ngarud no napaguraca ita, cayatco nga agsubliac manen.

35Ket ti angel ni Jehova kinunana ken Balaam, Inca makicuyog cadagiti lallaki: bil. 20.ngem ti la sao nga ibagacto kenca dayta ti saoemto, Iti casta nakicuyog ni Balaam cadagiti pangpangoloen ni Balac.

36Ket idi a ni Balac nangngegna a dimteng ni Balaam, rimmuar a simmabat kencuana agingga iti Ili ti Moab iti Num. 21:13.igid ti Arnon nga isu ti nagbebeddengan.

37Ket ni Balac kinunana ken Balaam, Diac aya sigaganaetget a nagpaayab kenca? ania ti gapuna a dica immay caniac? bil. 17. Num. 24:11.Diac aya cabaelan a pudno ti mamadayaw kenca?

38Ket ni Balaam kinunana ken Balac, Adtoy, siac immayac kenca: adda aya aniaman a bilegco ita nga agsao iti uray ania? ti sao nga icabil ti Dios iti ngiwatco dayta ti saoecto.

39Ket ni Balaam napan a naicuyog ken ni Balac, ket isuda dimtengda iti ili a Husoth.

40Ket ni Balac insacrificarna ti vacvaca ken carcarnero, ket imbaonna ken Balaam, ken cadagiti pangpangoloen a kinaduana idi.

41Ket naaramid iti bigat a ni Balac innalana ni Balaam, ket inyulina cadagiti Deut. 12:2.nangato a disdisso ni Baal; ket manipud idiay nakitana ti makinpungto a bangir ti ili.