JUAN 15 - Ilokano Form-Based Bible: Ti Biblia (1973)

Dagiti camaudianan a bilbilinna cadagiti adalan (canayon): Panagcaycaysa a nauneg da Jesus ken dagiti insalacanna.

1Siac Sal. 80:8.ti pudno a poon ti uvas, ket ni Amac ti agtaltalon.

2Isu-amin a santacco Mat. 15:13.a di agbunga iccatennanto: ket amin dagiti sanga nga agbunga isu ti dalusanna, tapno mangted coma ti adadu a bunga.

3Dacayo Juan 13:10.nadaluscayon gapu iti sao nga isaoc cadacayo.

4 Juan 6:56. Agiancay caniac, ket siac cadacayo. Cas ti santac saanna a mabalin ti agbunga nga isisu, no di maicamang iti uvas, casta met a dicay mabalin, no saancayo nga agtaeng caniac.

5Siac ti uvas, Rom. 6:5. Efe. 4:15, 16; 5:30. Col. 2:19.dacayo dagiti santac: ti agnaed caniac ket siac kencuana, daytoy ti agbunga ti adu: ta no awanac, awan ti mabalinyo nga aramiden.

6No adda saan nga agnaed caniac, maibel-lengto iti ruar a cas ti santac ket magangonto: ket urnungendanto ken Mat. 13:40-42.ibel-leng iti apuy, ket mapuuranto:

7No agnaedcayo caniac, ket dagiti saoc agtaengda cadacayo, bil. 16. Juan 14:13.dawatenyo ti aniaman a cayatyo ket maaramidto cadacayo.

8Daytoy ti pacaidaydayawan ni Amac, nga agbungacayo ti adu, ket agbalincay coma nga adalac.

9Cas iti panagayat ni Ama caniac, casta met ti panagayatco cadacayo: agtaengcay iti ayatco.

10No tungpalenyo dagiti bilbilinco, agtaengcayto iti ayatco; cas la iti panagtungpalco cadagiti bilbilin ni Amac, ket agtaengac iti ayatna.

11Dagitoy sinaoc cadacayo, tapno ti 2 Cor. 2:3.rag-oc agtaeng coma cadacayo, ket ti Juan 16:24; 17:13.rag-oyo agdanunan coma.

12Daytoy ti bilinco: Nga bil. 17. Juan 13:34.agayanayatcayo iti maysa ken maysa, a cas ti panagayatco cadacayo.

13Awan ti addaan dacdackel nga Juan 10:11, 15. Rom. 5:7, 8. Efe. 5:2.ayat ngem daytoy: ti mangted ti biagna gapu cadagiti gagayyemna.

14Dacayo ti gagayemco, no aramidenyo dagiti ibilinco cadacayo.

15Dicay naganenen ti adadipen, ta ti adipen dina ammo ti aramiden ni apona: ngem ninagancayo ti pagpagayam, Juan 17:26.ta isu-amin dagiti nangngegco ken Amac, impacaammoc cadacayo.

16Dacayo didac pinili, ngem siac Juan 6:70.pinilicayo; ken incabilcayo tapno incayo ket agbungacayo coma: ket ti bungayo manayon coma: tapno ti bil. 7. Juan 14:13.amin a dawatenyonto ken Ama iti naganco, itdenna coma cadacayo.

17Dagitoy ibilinco cadacayo; Tapno agayan-ayatcayo coma iti maysa ken maysa.

18No ti lubong guraennacayo, 1 Juan 3:13.ammoyo a ginuranac nga immun-una ngem dacayo.

19No taga lubongcay coma, ti lubong 1 Juan 4:5.ayatenna coma ti cucuana; ngem Juan 17:14.gapu ta saancay a taga lubong, no di ket pinilicayo iti lubong, gapuna guraennacay ti lubong.

20Laglagipenyo ti sao nga imbagac cadacayo: Juan 13:16.Saan a dacdackel ti adipen ngem ti apona. No inrurumendac, irurumendacayto met: no sinalimetmetanda ti saoc, salimetmetandanto met ti saoyo,

21Ngem amin dagitoy aramidendanto cadacayo 1 Ped. 4:14, 16.gapu iti naganco, Juan 16:8.ta dida ammo ti nangibaon caniac.

22No saanac coma nga immay Juan 9:41.ken diac coma kinasao ida, awan coma ti basolda; ngem ita awan ti pagpambarda iti basolda.

23Ti gumura caniac, guraenna met ni Amac.

24No diac coma nagaramid cadacuada Juan 3:2; 7:31; 9:32; 10:37.cadagiti ar-aramid nga awan sabali a nacaaramid, awan coma ti basolda; ngem ita nakitada ket ginurada, saan laeng a siac, no di ket ni Amac pay.

25Ngem maaramid daytoy tapno matungpal ti sao nga adda a naisurat iti Juan 10:34.lintegda: Sal. 35:19; 69:4.Ginuradac nga awan ti gapuna.

26Ngem inton umay Juan 14:16, 26.ti Manangliuliwa, nga ibaonconto cadacayo manipud ken Ama, ti Espiritu ti kinapudno, nga aggapu ken Ama, panecnecannanto ti maipapan caniac:

27Ket mangpanecneccayto met gapu ta addacayo a naicuyog caniac Luc. 1:2. D. Ara. 1:21.nanipud idi damo.