DAGITI SALMO 12 - Ilokano Form-Based Bible: Ti Biblia (1973)

Ti Dios isu ti Tulong a maibusor cadagiti Nagulib. Ken Pangolo a Musico; mayabuloy iti Sheminith. Salmo ni David.

1Bumadangca cadi, Jehova; ta ti nadiosan a tao Isa. 57:1. Mik. 7:2.mapucawen; ta dagiti matalec mapucawda iti tengnga dagiti annac dagiti tao.

2 Jer. 9:8. Rom. 16:18. Agiinnulbodda tunggal maysa iti caarrubana: iti naaliog a bibig, ken iti nagsiping a puso, agsaoda.

3Ni Jehova putdennanto amin a bibbibig a naaliog, ti dila nga agsao cadagiti nasursuroc;

4A kinunada, Iti dilami mangparucmacamto; dagiti bibigmi cucuami a bucod: siasino ti mangituray cadacami?

5 Isa. 33:10. Gapu iti pannacailuplupit ti napanglaw, gapu iti sasainnec ti macasapul, ita bumangonacto, cuna ni Jehova; isu isaadconto iti kinatalged a tontontonenna a sigagagar.

6 Sal. 18:30; 19:8; 119:140. Prov. 30:5. Dagiti sao ni Jehova nadalusda a sao; cas pirac a nalunag iti pagtunawan iti daga, naminpito a nadalusan.

7Salimetmetamto ida, O Jehova, salacnibamto ida manipud iti daytoy a caputotan nga agnanayon.

8Dagiti nadangkes magnada iti tunggal sikig, no ti kinacas-ang maitanoc iti tengnga dagiti annac a lallaki dagiti tao.