II CRONICAS 14 - Ilokano Form-Based Bible: Ti Biblia (1973)

Ti naimbag a panagari ni Asa; abakenna iti gubat ni Zera nga Itiope.

1Iti casta ni Abias nakiturog cadagiti ammana, ket isu intabonda iti ili ni David; ket ni 1 Ar. 15:8.Asa nga anacna a lalaki nagari iti saadna. Cadagiti al-aldawna ti daga nagtalna bayat iti sangapulo a tawen.

2Ket ni Asa inaramidna daydi a naimbag ken nalinteg cadagiti mata ni Jehova a Diosna:

3Ta iniccatna dagiti al-altar a gangannaet, ken dagiti nangato a disso, ket 1 Ar. 15:14. 2 Cron. 15:17.binuracna dagiti monmon, Deut. 7:5. 1 Ar. 16:33.ket pinucanna dagiti Ashera,

4Ket imbilinna iti Juda ti panagsapulda ken Jehova, a Dios dagiti ammada, ken ti panagsungpot iti linteg ken iti bilin.

5Casta met nga iniccatna cadagiti amin a il-ili ti Juda dagiti nangato a disso ken dagiti ladawan ti init: ket ti pagarian natalna iti saclangna.

6Ket binangonna dagiti il-ili a 2 Cron. 11:5.nasarikedkedan idiay Juda; ta ti daga natalna, ket awan ti gubatna cadagidi a tawtawen, agsipud ta ni Jehova nangted kencuana iti talna.

7Ta kinunana iti Juda, Bangonentayo coma dagitoy nga il-ili, ket aramidentayo iti aglicmut cadacuada dagiti bacud, ken tortorre, ruruangan, ken balbalunet; ti daga adda pay laeng iti sangotayo, agsipud ta sinapultayo ni Jehova a Diostayo; isu nasapulantayo, ket isu intedna cadatayo ti talna iti amin a sikigan. Iti casta nagbangonda ken rimmang-ayda.

8Ket ni Asa addaan idi iti maysa a buyot a nangawit cadagiti sarapa ken gayang, nagtaud iti Juda 2 Cron. 13:3.tallo a gasut a ribu; ken nagtaud iti Benjamin dagiti nangawit cadagiti calasag ken nangbiat cadagiti ba-i duagasut ket walopulo a ribu: amin dagitoy lallakida a mannacabalin ken mamaingel.

9Ket rimmuar a maibusor cadacuada ni Zera nga Etiope a caduana ti maysa a buyot a sangaribu a ribu ken tallo gasut a luglugan, ket dimteng agingga iti Jos. 15:44.Maresa.

10Idin rimmuar ni Asa a sumabet kencuana, ket inornosda ti gubat idiay lobong ti Oc. 1:17.Sefata idiay Maresa.

11Ket ni Asa immawag ken Jehova a Diosna, ket kinunana, Jehova, Oc. 7:7. 1 Sam. 14:6.awan ti sabali no di laeng sicsica ti macabadang iti nagbaetan ti mannacabalin ken daydiay nga awan pigsana: badangannacami, O Jehova a Diosmi; ta 2 Cron. 13:18.agtaleccami laeng kenca, let 1 Sam. 17:45.iti naganmo immaycami a maibusor itoy a kinaadu. O Jehova, sica ti Diosmi; dica ipalubos a ti tao mangabac a maibusor kenca.

12Iti casta ni Jehova kinabilna dagiti Etiopes iti sango ni Asa, ken iti sango ti Juda; ket dagiti Etiopes nagtarayda.

13Ket ni Asa ken dagiti tattao a naicuyog kencuana kinamatda ida agingga iti Gen. 10:19.Gerar: ket dagiti Etiopes napasagda iti casta unay a nagadu a saanda a nabangonen dagiti bagida met laeng; ta nadadaelda iti sango ni Jehova, ken iti sango ti buyotna; ket innalada ti adu unay a samsam.

14Ket kinabilda dagiti amin nga il-ili iti aglicmut iti Gerar; 2 Cron. 17:10; 20:29.ta ti buteng ken Jehova immapay cadagidiay: ket sinamsamda dagiti amin nga il-ili; ta adu unay idi ti samsam cadagidiay.

15Kinabilda met dagiti sapsapaw dagiti vacvaca, ket innalada dagiti carcanero a naruay, ken camcamello, ket sada nagsubli idiay Jerusalem.