NUMEROS 2 - Ilokano Form-Based Bible: Ti Biblia (1973)

Ti bilang, panagpacarso ken palpalungo dagiti capcaputotan.

1Ket ni Jehova nakisao cada Moises ken ni Aaron, a kinunana,

2Dagiti annac ti Israel agpacarsodanto Num. 1:52.tunggal lalaki iti sibay ti wagaywayna met laeng agraman cadagiti tanda dagiti balbalay dagiti ammada: iti maibatog iti tolda ti gimong agpacarsodanto iti Jos. 3:4.lawlawna.

3Ket dagiti agpacarso iti bangirna iti daya nga agpa-leleggacan ti init isudanto dagiti akinbandera iti pacarso ni Juda, mayannurot cadagiti buybuyotda: ket ti pangolo dagiti annac ni Juda isunto ni Ex. 6:23.Naason nga anac n Aminadab.

4Ket ti buyotna, ken dagidiay a nabilang cadacuada pitopulo ket uppat a ribu ket innem a gasutda.

5Ket dagiti caputotan ni Issacar agpacarsodanto iti sibayna: ket ti pangolo dagiti annac ni Issacar isunto ni Nathanael nga annac a lalaki ni Suar.

6Ket ti buyotna ken dagidiay a nabilang cadacuada limapulo ket uppat a ribu ket uppat a gasutda.

7Ket ti caputotan ni Zabulon: ken ti pangolo dagiti annac ni Zabulon isunto ni Eliab nga anac a lalaki ni Helon.

8Ket ti buyotna ken dagidiay a nabilang cadacuada limapulo ket pito a ribu ket uppat a gasutda.

9Amin dagiti nabilang iti buyot ni Juda sangagasut walopulo ket innem a ribu ket uppat a gasut a mayannurot cadagiti buyotda. Isudanto ti Num. 10:14, 16.agluas nga umuna.

10Iti bangirna iti abagatan agyanto ti wagayway ti pacarso ni Ruben a mayannurot cadagiti buybuyotda: ket ti pangolo dagiti annac ni Ruben isunto ni Elisur nga anac a lalaki ni Sedeur.

11Ket ti buyotna ken dagidiay a nabilang cadacuada uppat a pulo ket innem a ribu ket lima a gasutda.

12Ket dagiti agpacarsonto iti sibayna dagiti caputotan ni Simeon: ket ti pangolo dagiti annac ni Simeon isunto ni Selumiel nga anac a lalaki ni Zurisaddai.

13Ket ti buyotna ken dagidiay a nabilang cadacuada limapulo ket siam a ribu ket tallo a gasutda.

14Ket ti caputotan ni Gad: ken ti pangolo dagiti annac ni Gad isunto ni Eliasaf nga anac a lalaki ni Num. 1:14.Reuel.

15Ket ti buyotna ken dagidiay a nabilang cadacuada uppat a pulo ket lima a ribu, innem a gasut ket limapuloda.

16Ti dagup ti nabilang ti pacarso ni Ruben sangagasut limapulo ket maysa a ribu, ket uppat a gasut ket limapuloda cas mayannurot cadagiti buybuyotda. Ket isudanto ti agluas a maicadua.

17 Num. 10:17, 21. Sa ti tolda ti gimong agrubbuatto nga siaadda ti sangapacarsoan dagiti Levitas iti tengnga dagiti nagpapacarso: cas ti ornosda no agpacarsoda, castanto no magnada, tunggal maysa iti lugarna iti yan ti wagaywayda.

18Iti bangirda iti laud, agyanto ti wagayway ti sangapacarsoan ni Efraim a mayannurot cadagiti buybuyotda: ket ti pangolo dagiti annac ni Efraim isunto ni Elisama nga anac a lalaki ni Ammiud.

19Ket ti buyotna ken dagidiay a nabilang cadacuada uppat a pulo a ribu ket lima a gasutda.

20Ket iti sibayna agyanto ti caputotan ni Manases: ket ti pangolo dagiti annac ni Manases isunto ni Gamaliel nga anac a lalaki ni Pedasur.

21Ket ti buyotna ken dagidiay a nabilang cadacuada tallopulo ket dua a ribu ket duagasutda.

22Ket ti caputotan ni Benjamin: ket ti pangolo dagiti annac ni Benjamin isunto ni Abidan nga anac a lalaki ni Gedeon.

23Ket ti buyotna ken dagidiay a nabilang cadacuada tallopulo ket lima a ribu ket uppat a gasutda.

24Amin dagiti nabilang iti sangapacarsoan ni Efraim sangagasut ket walo a ribu ket sangagasut a mayannurot cadagiti buybuyotda. Ket isudanto ti agluas a Num. 10:22, 24.maicatlo.

25Iti bangirna iti amianan agyanto ti bandera ti sangapacarsoan ni Dan a mayannurot cadagiti buybuyotda: ket ti pangolo dagiti annac ni Dan isunto Ahiezer nga anac a lalaki ni Amisaddai.

26Ket ti buyotna ken dagidiay a nabilang cadacuada innem a pulo ket dua a ribu ket pito a gasutda.

27Ket dagiti agpacarsonto iti sibayna isudanto ti caputotan ni Aser: ket ti pangolo dagiti annac ni Aser isunto ni Pagiel nga anac a lalaki ni Ocran.

28Ket ti buyotna ken dagidiay a nabilang cadacuada uppat a pulo ket maysa a ribu ket lima gasutda.

29Ket ti caputotan ni Neftali: ket ti pangolo dagiti annac ni Neftali isunto ni Ahira nga anac a lalaki ni Enan.

30Ket ti buyotna ken dagidiay a nabilang cadacuada limapulo ket tallo a ribu ket uppat a gasutda.

31Amin dagiti nabilang iti sangapacarsoan ni Dan sangagasut limapulo ket pito a ribu ket innem a gasutda. Isudanto ti agluas a Num. 10:25, 27.maudi iti abay dagiti banbanderada.

32Dagitoy isuda ti nabilang cadagiti annac ti Israel cadagiti balbalay dagiti ammada: Num. 1:46.dagup dagiti nabilang cadagiti pacpacarso a mayannurot cadagiti buybuyotda innem a gasut ket tallo a ribu, lima gasut ket limapuloda.

33 Num. 1:47, 49. Ngem dagiti Levitas saanda a nabilang cadagiti annac ti Israel: cas imbilin ni Jehova ken Moises.

34Castoy ti inaramid dagiti annac ti Israel; iti mayannurot iti dagup ti imbilin ni Jehova ken Moises, Num. 24:2, 5, 6.casta ti panagpacarsoda idi iti abay dagiti wagwagaywayda ket casta ti pinagluasda, tunggal maysa iti finamfamilia cadacuada a mayannurot cadagiti balbalay dagiti ammada.