1Ket naaramid idi 1 Ar. 22:22, 26. 2 Cron. 36:10.iti panagsucat ti tawen, idi tiempo, a dagiti ar-ari rumuarda iti gubat, a ni 1 Cron. 20:1.David imbaonna ni Joab, ken dagiti ad-adipenna a caduana, ken isu-amin nga Israel; ket dinadaelda dagiti annac ni Ammon, ket linacubda ti Rabba. Ngem ni David nagbati idiay Jerusalem.
2Ket naaramid iti malem, nga idi a ni David bimmangon iti iddana, ket nagnagna iti 1 Sam. 9:25, 26. Mat. 24:17. D. Ara. 10:9.pangatepan ti balay ti ari: ket nanipud iti pangatepan nakitana ti maysa a babai nga agdigdigus; ket ti babai naimnas unay ti langana.
3Ket ni David nagbaon ket nagsaludsod a gapu iti daydi a babai. Ket maysa ti nagcuna, Daytoy saan aya a ni 1 Cron. 3:5.Bat-seba, nga anac a babai ni Eliam, nga asawa ni Uria a Jetteo?
4Ket ni David nangibaon cadagiti babaonen, ket isu innalana; ket di babai simrec iti yanna, Sal. 51.ket ni David nakicaidda kencuana (ta di babai nadalusanen iti kinarugitna); ket isu nagsubli iti balayna.
5Ket ti babai nagsicug; ket nagbaon, ket imbagana ken David, ket kinunana, Siac masicugac.
6Ket ni David nagbaon ken ni Joab, a kinunana, Ibaonmo caniac ni Uria a Jetteo. Ket ni Joab imbaonna ni Uria ken David.
7Ket idi a ni Uria immay kencuana, ni David nagsaludsod kencuana no casano ti inaramid ni Joab, ken no casano ti pannagna dagiti tattao, ken no casano ti irarang-ay ti gubat.
8Ket ni David kinunana ken Uria, Sumalogca iti balaymo, Gen. 19:2.ket buggoam dagita sacsacam. Ket ni Uria rimmuar idiay balay ti ari, ket simmurot kencuana ti sagut a canen a naggapu iti ari.
9Ngem ni Uria naturog iti ruangan ti balay ti ari a caduana dagiti amin nga ad-adipen ni apona, ket saan a simmalog iti balayna.
10Ket idi nga imbagada ken David, a kinunada, Ni Uria saan a simmalog idiay balayna. Ni David kinunana ken Uria, Saanca a naggapu iti maysa a pannagna? apayapay ngarud a dica sumalog iti balaymo?
11Ket ni Uria kinunana ken David, 2 Sam. 7:2, 6.Ti lacasa, ken ti Israel, ken ti Juda, agnaedda cadagiti calcalapaw, 2 Sam. 20:6. 1 Ar. 1:33.ket ni apoc a Joab, ken dagiti ad-adipen ni apoc naipacarsoda iti napanayag nga away; ket siac ngarud sumrecacto iti balayco, tapno manganac ken uminumac, ken tapno makicaiddaac ken asawac? cas 2 Sam. 14:19. 1 Sam. 1:26.sibibiagca, ken cas sibibiag ta cararuam, siac diacto aramiden daytoy a banag.
12Ket ni David kinunana ken Uria, Agtactacca pay ditoy iti daytoy nga aldaw, ket intono bigat palubusancanto a pumanaw. Iti casta ni Uria nagbati idiay Jerusalem iti daydi nga aldaw, ken iti sumaganad nga aldaw.
13Ket idin a ni David naayabanna, isu pinacanna ken pinainumna iti sangona; ket isu binartecna: ket iti malem rimmuar nga agidda iti iddana a caduana dagiti ad-adipen ni apona, ngem saan a simmalog iti balayna.
14Ket naaramid iti bigat, a ni David nangsurat iti maysa a surat ken ni Joab, ket isu ti imbaonna iti ima ni Uria.
15Ket insuratna idi surat, a kinunana, Isaadmo ni Uria iti sango ti nainget a gubat, ket panawanyo tapno isu 2 Sam. 12:9.macabil coma, ket matay.
16Ket naaramid idi, nga idinto a ni Joab pinabantayanna ti ili, nga isu insaadna ni Uria iti disso a pagaammona a yan idi dagidi mamaingel a lallaki.
17Ket dagiti lallaki ti ili rimmuarda, ket nakigubatda ken Joab: ket dagiti dadduma cadagiti tattao napasagda, cadagiti ad-adipen met laeng ni David; ket ni Uria a Jetteo natay met.
18Idin ni Joab nagbaon ket imbagana ken David dagiti isu-amin a banag a maipanggep iti gubat.
19Ket imbilinna idi naibaon, a kinunana, Intono magibusam nga ibaga dagiti amin a banag a maipanggep iti gubatan.
20Isunto a no ti lucsaw ti ari bumara, ket cunaennanto kenca, Apayapay nga immasidegcayo unay iti ili a nakigubat? dicayo ammo aya nga agpanada manipud iti bacud?
21Siasino ti nangcabil ken Oc. 9:53.Abimelec nga anac ni Oc. 6:32.Jerubaal? saan aya a nangitupac di maysa a babai nanipud iti bacud iti maysa nga akinngato a bato ti gilingan, iti casta isu natay idiay Tebes? apayapay a dimmanoncayo iti bacud? ngem cunaemtomet, Ni adipenmo nga Uria a Jetteo natay.
22Iti casta ti naibaon napan, ket immay ket impamatmatna ken David ti isu-amin a nangibaonan ni Joab kencuana.
23Ket ti naibaon kinunana ken David, Dagiti lallaki nangatiwda a maibusor cadacami, ket rimmuarda cadacami iti away, ket dacami inatiwmi ida met laeng agingga iti pagsercan ti ruangan.
24Ket dagiti panaan nagpanada cadagiti adipenmo nanipud iti bacud; ket natay dagiti dadduma cadagiti adipen ti ari, ket natay met ni adipenmo nga Uria a Jetteo.
25Ket ni David kinunana idi naibaon, Castoy ti cunaemto ken Joab, Dica coma palubosan a daytoy a banag paglidayennaca, ta ti campilan mamucaw iti maysa a cas iti sabali; papigsaem ti pananggubatmo a maibusor iti ili, ket isu rebbaem: ket umingelca kencuana.
26Ket idi a ti asawa ni Uria nangngegna a ni Uria nga asawana natay, nagdung-aw a gapu ken asawana.
27 2 Sam. 12:9. Ket idi nalpas ti dung-aw, ni David nagbaon ket isu innalana nga inyeg iti balayna, ket isu nagbalin nga asawana, ket nangipasngay kencuana iti maysa nga anac a lalaki. Ngem ti banag nga inaramid ni David pinagrurodna ni Jehova.
Who We AreWhat We EelieveWhat We Do
2025 by iamachristian.org,Inc All rights reserved.
