APOCALIPSIS 6 - Ilokano Form-Based Bible: Ti Biblia (1973)

Dagiti innem a sello a naluctan.

1Ket nakitac Sal. 5:5, 7.idi linuctan daydi Cordero daydi maysa cadagidi pito a sello; ket nangngegco daydi maysa cadagidi uppat a parsua a sibibiag, a nagcuna iti casla timec ti gurruod, Umayca.

2Ket kimmitaac, ket adtoy, Zac. 6:3. Apoc. 19:11.ti maysa a cabayo a puraw; Sal. 45:4, 5. Zac. 9:13, 14.ket daydi adda a sisasacay kencuana, adda idi maysa a bai ti panana, Zac. 6:11.ket naited kencuana ti maysa a balangat; ket rimmuar a sibabal-ligi, ken tapno agbal-ligi.

3Ket idi a linuctanna daydi maicadua a sello, nangngegco daydi maicadua a parsua a sibibiag a nagcuna, Umayca.

4Ket Zac. 1:3; 6:2.rimmuar ti sabali a cabayo, a nalabaga: ket iti daydi nagsacay itoy, naited kencuana ti Mat. 10:34.panangiccat ditoy daga ti talna, ken tapno agpipinnatayda ket naited kencuana ti maysa a dackel a campilan.

5Ket idi linuctanna daydi maicatlo a sello, nangngegco daydi maicatlo a parsua a sibibiag a nagcuna: Umayca. Ket kimmitaac, ket adtoy, ti Zac. 6:2.maysa a cabayo a nangisit; ket daydi adda a nagsacay kencuana, adda Lev. 19:36.maysa a pagtimbengan iti imana.

6Ket nangngegco ti casla maysa a timec iti tengnga dagidi uppat a parsua a sibibiag, a nagcuna: Maysa a casucat ti trigo mapatgan iti maysa a denario ket tal-lo a casucat ti cebada mapatgan iti maysa a denario; ken: Apoc. 7:3; 9:4.Saanmo a dadaelen ti lana ken ti arac.

7Ket idi linucatanna daydi maicapat a sello, nangngegco ti timec daydi maicapat a parsua a sibibiag, a nagcuna, Umayca.

8Ket kimmitaac, Zac. 6:3.ket adtoy, ti maysa a cabayo a nabessag, ket daydi adda a nagsacay kencuana managan idi ti Patay; ket ti Hades sumursurot kencuana. Ket naited cadagitoy ti panagturay iti apagcapat ti daga, Eze. 14:21.tapno agpapatayda babaen ti campilan, ken ti bisin, ti angel ken cadagiti narungsot nga animal ditoy daga.

9Ket idi linuctanna ti maicalima a sello, nakitac iti siroc Ex. 29:12. Lev. 4:7; 8:15.ti altar dagiti carcararua Apoc. 20:4.dagiti napapatay idi Apoc. 1:9.gapu iti sao ti Dios, ken gapu iti pammanecnec a tinaginayonda:

10Ket agasasugda iti dackel a timec; Casano ti cabayagna, O Apo a santo ken napudno, a Apoc. 11:18; 19:2.dica ocomen ken ibales ti darami cadagiti agnaed iti rabaw ti daga?

11Ket naited Apoc. 3:4.iti tunggal maysa cadacuada ti maysa a pagananay a puraw; ket naibaga cadacuada Apoc. 14:13.nga aginanada pay iti bassit a pannawen agingga iti maturpos ti dalan dagiti caduada met nga adipen, ken dagiti cacabsatda, a mapapataydanto a cas met cadacuada idi.

12Ket nakitac idi linuctanna daydi maicanem a sello Apoc. 11:13; 16:18.ket immay ti maysa a dackel a gingined, ket Joel 2:31. Mat. 24:29. Apoc. 8:12.daydi init ngimmisit a cas la maysa a panes a booc; ket daydi bulan nagbalin amin a cas la dara;

13Ket dagiti bitbituen ti langit Apoc. 8:10; 9:1.nagtinnagda iti daga, a cas iti maysa nga higos nga iregregna dagiti bungbungana, a saanda pay a naluum, no gongonem ti maysa a napigsa nga angin.

14Ket ti langit nailisi a cas la maysa Sal. 102:26. Isa. 34:4.a pagbasaan no malucot; ket isu-amin a Jer. 4:24.bantay ken Apoc. 16:20.puro mayalisda cadagiti dissoda.

15Ket dagiti ar-ari ti daga, ken dagiti annac ti ari, ken dagiti cocoronel ken dagiti babacnang, ken dagiti mannacabalin, ken isu-amin nga adipen ken agwayawaya, Isa. 2:19.naglemmengda cadagiti rucrukib, ken cadagiti batbato cadagiti banbantay;

16Ket kinunada cadagiti banbantay Os. 10:8. Luc. 23:20.ken cadagiti batbato: Agtinnagcayo cadacami, ket ilemmengdacami iti Apoc. 5:13.imatang daydiay agtutugaw iti trono, ken iti pungtot daydiay Cordero.

17Ta dimtengen Jer. 30:7. Joel 2:11. Sof. 1:14. Apoc. 16:14.ti dackel nga aldaw ti pungtotda, Sal. 76:7.ket siasinonto ti macabalin nga agtacder?