JOB 22 - Ilokano Form-Based Bible: Ti Biblia (1973)

Ti maicatlo a bitla ni Elifaz a Temanita. Ballaaganna ni Job a di agkedked iti Mannacabalin, no di ket agsubli kencuana.

1Idin simmungbat ni Elifaz a Temanita, ket kinunana,

2 Job 36:7. Macaipaay aya ti maysa a tao ti panggunguna iti Dios? Pudno a ti masirib magungunaanna iti bagina met laeng.

3Adda aya aniaman a macaay-ayo iti Mannacabalin a sica nalintegca? Wenno gungunana aya ti panangpalongdom cadagita daldalanmo?

4Agpaay aya ti butengmo kencuana a panangtubngarna kenca tapno makiserrec kenca iti panangocom?

5Saan aya a dackel ti kinadangcocmo? Awan met ti patingga dagiti kinadangkesmo.

6Ta Ex. 22:26, 37. Deut. 24:10. Job 24:3, 9. Ex. 18:12.nangalaca cadagiti salsalda iti cabsatmo gapu iti awan, ket linabusam dagiti lamolamo cadagiti pagcawesda.

7Ta dica nangted ti danum iti nabannog tapno uminum, ket Mat. 25:42.inkedkedmo ti tinapay iti mabisin.

8Ngem iti maipapan iti maingel a tao, isu tagicuaenna ti daga; ket ti nadaeg a tao, nagnaed kencuana.

9 Luc. 1:53. Imbaonmo dagiti babbalo a babbai a sioongaong, ket binungtolmo dagiti tactackiag dagiti ul-ulila.

10Gapuna a dagiti Job 18:8, 9, 10.silsilo addada a mailicmut kenca, ket ti pettat a buteng riribukennaca.

11Wenno ti kinasipnget, iti casta a dica macakita, Sal. 69:1, 2.ket ti kinawadwad dagiti dandanum abbongannaca.

12Awan aya ti Dios iti ngato dagiti langlangit? Ket kitaem ti cangato dagiti bitbitwen, anian a nagngatoda!

13Ket cunaem, Sal. 10:11; 59:7; 73:11; 94:7.Ania aya ti ammo ti Dios? Mabalinna aya ti mangocom a sumalput iti nacaro a sipnget?

14Napuscol nga ul-ulep isuda ti maysa a mangabbong kencuana, iti casta a di macakita; ket agpagpagna idiay Isa. 40:22.bobeda ti langit.

15Salimetmetamto aya ti daan a dalan, a nagnaan dagiti nadangcoc a tattao?

16 Job 15:32. A marabsotda iti sacbay ti pannawenda, a ti pamounda naibucbuc a cas maysa nga agus.

17Dagidiay nagcuna iti Dios, Pumanawca cadacami: ket, Ania aya ti mabalin nga aramiden ti Mannacabalin a maipaay cadacami?

18Nupay casta pinunnona dagiti balbalayda cadagiti naimbag a banbanag: Job 21:16.ngem ti patigmaan dagiti nadangcoc adayu cainac.

19Dagiti nalinteg Sal. 58:10.kitaenda, ket agragsacda; ket dagiti awan basolda catawaanna ida a rabngisen.

20 A cunada, Pudno dagiti timmacder a maibusor cadatayo madadaelda, ket ti matda cadacuada rinunaw ti apuy.

21Makigayiemca ita kencuana, ket agtalnaca: iti casta umayto ti imbag kenca.

22Dawatec kenca, awatem, ti linteg nga aggapu iti ngiwatna, ket ipenpenmo ita pusom dagiti sasaona.

23No agsublica iti Mannacabalin, mapatibkercanto, no iccatem ti kinakillo a yadayu cadagita toldam.

24Ket icabilmo ta gamengmo iti tapoc. Ken ti balitoc ti Ofir iti baet dagiti batbato cadagiti waig;

25Ket ti Mannacabalin isunto ti gamengmo, ken napateg a pirac kenca.

26Iti casta Job 27:10. Isa. 58:14.agragsaccanton iti Mannacabalin, ket itangadmonto ta rupam iti Dios.

27 Sal. 50:14, 15. Isa. 58:9. Agcararagcanto kencuana, ket isu ipangagnacanto; ket bayadamto dagita carim.

28Mangikeddengcanto met iti maysa a banag, ket mapasingkedanto kenca; ket ti lawag silnagannanto dagita dalanmo.

29Intono ipababadaca, cunaemto, Adda panangipangato. Ket Prov. 29:23. 1 Ped. 5:5.ti napacumbaba a tao isu isalacannanto.

30Isu ispalennanto uray daydiay nacabasol: wen, maispalto babaen ti kinadalus dagita imam.