1Ket idi a ni Roboam nacapan sadi Jerusalem, isu tiniponna ti amin a balay ni Juda, ken ti balay ni Benjamin, a sangagasut walopulo a ribu a napili a lallaki, nga isuda dagiti gumugubat, tapno gubatenda ti balay ti Israel, tapno maisublida ti pagarian manen ken Roboam.
2Ngem ti sao ni Jehova immay ken Semeias a lalaki ti Dios, a kinunana,
3Saoem ken Roboam nga anac ni Salomon, nga ari ti Juda, ken iti 1 Ar. 12:23.amin nga Israel iti Juda ken Benjamin, a cunam,
4Castoy ti cuna ni Jehova, Dicayto sumang-at ken dicayo met gubaten dagiti cacabsatyo: agsubli ti tunggal lalaki iti balayna; ta daytoy a banag gapu caniac. Iti casta isuda impangagda dagiti sasao ni Jehova, ket nagsublida manipud iti ipapanda a maibusor ken Jeroboam.
5Ket ni Roboam nagnaed idiay Jerusalem, ket binangonna dagiti il-ili a pagsalacniban idiay Juda.
6Binangonna ti Bet-lehem, Etam, ken Tecoa,
7Ken Bet-sur, Soco, ken Adullam,
8Ken Gat, Maresa, ken Zif,
9Ken Adoraim, ken Lakis, ken Acek,
10Ken Sora, Ajalon, ken Hebron, nga adda idiay Juda ken idiay Benjamin, il-ilida a nasarikedkedan.
11Ket pinalagdana dagiti sarikedked, ket incabilna dagiti capitan cadacuada, ken balbalonda a canen, ken lana, ken arac.
12Ket iti tumunggal ili incabilna dagiti calcalasag ken gaygayang, ket pinatibkerna ida iti napalalo. Ket ti Juda ken Benjamin cucuana idi.
13Ket dagiti papadi ken Levitas nga adda idi iti amin nga Israel immamangda kencuana a naggapu iti amin a beddengda.
14Ta dagiti Levitas pinanawanda dagiti Num. 35:2.cabangibangda ken iti cucuada, ket napanda idiay Juda ken Jerusalem: ta ni Jeroboam ken dagiti annacna a lallaki 2 Cron. 13:9.pinaruarda ida, tapno saanda coma nga agannong iti akem ti padi ken Jehova;
15 1 Ar. 12:31. Ket dinutucanna dagiti papadina a maipaay cadagiti nangato a disdisso, ken maipaay cadagiti Lev. 17:7.sinan-calding a lallaki, ken maipaay cadagiti 1 Ar. 12:28.sinan-urbon a vacvaca, nga inaramidna.
16 2 Cron. 15:9; 30:11, 18. Ket iti calpasan dagidiay dagiti nangipapuso iti panagsapulda ken ni Jehova, a Dios ti Israel, cadagiti amin a caputotan ti Israel napanda idiay Jerusalem a nagidaton ken Jehova, a Dios dagiti ammada.
17 2 Cron. 12:1. Iti casta pinatibkerda ti pagarian ti Juda, ket pinapigsada ni Roboam nga anac a lalaki ni Salomon bayat iti tallo a tawen; ta nagnada iti dalan da David ken Salomon bayat iti tallo a tawen.
18Ket ni Roboam inasawana ni Mahalat nga anac a babai ni Jerimot nga anac a lalaki ni David, ken Abihail nga anac a babai ni 1 Sam. 16:6; 17:13, 28.Eliab nga anac a lalaki ni Jesse;
19Ket ni Mahalat impasngayna kencuana dagiti anac a lallaki: da Jeus, Samaria, ken Zaham.
20Ket calpasanna innalana ni 1 Ar. 15:2.Maaca nga anac a babai ni Absalom: ket impasngayna kencuana da Abias, Atai, Ziza, ken Selomit.
21Ket ni Roboam inayatna ni Maaca a nangnangrona ngem amin nga assawana ken camcamalalana (ta innalana ti sangapulo ket walo nga assawa ken innem a pulo a camalala, ket pinutotna ti duapulo ket walo nga annac a lallaki ken innem a pulo nga annac a babbai.)
22Ket ni Roboam tinudinganna ni Deut. 21:15-17.Abias nga anac ni Maaca, tapno isu coma ti pangolo, ti met laeng pangolo cadagiti cacabsatna; ta pinanggepna nga isu ti aramidenna nga ari.
23Ket nagaramid a sisisirib, ket inwarasna dagiti amin nga anacna a lallaki cadagiti amin a daga ti Juda ken Benjamin, cadagiti tunggal ili a nasarikedkedan: ket intedna cadacuada dagiti tartaraon a nawadwad. Ket insapulanna ida cadagiti adu nga assawa a babbai.
Who We AreWhat We EelieveWhat We Do
2025 by iamachristian.org,Inc All rights reserved.
