1Eithr mi a benderfynnais hyn i mi fy hun, na ddeuwn drachefn mewn tristwch attoch.
2Oblegyd os myfi a'ch tristâf chwi, pwy yw yr hwn ynte a'm llonna i, ond yr hwn a dristâwyd gennyf fi?
3Ac ysgrifennais hyn yma, rhag, pan ddelwn, y cawn dristwch oddiwrth y rhai y dylwn gael llawenydd; gan hyderu ynoch oll fod fy llawenydd i yn llawenydd yr oll o honoch.
4Canys o orthrymder lawer ac o gyfyngder lawer, nid fel y tristêid chwi, eithr fel y gwybyddech y cariad sydd gennyf yn helaethach tuag attoch chwi.
5Ond os oes neb wedi peri tristwch, nid i myfi y mae wedi peri tristwch, ond mewn rhan (fel na phwyswyf yn ormodol) i chwi oll.
6Digon i'r cyfryw un yw y gosp y dylech yn hytrach faddeu iddo a'i ddyddanu, rhag rhywfodd i'r cyfryw gael ei lyngcu gan ormod tristwch.
8Gan hynny yr wyf yn attolwg i chwi gadarnhau eich cariad tuag atto.
9Canys er mwyn hyn hefyd yr ysgrifennais, fel y gwybyddwn y prawf o honoch, a ydych yn ufudd ym mhob peth.
10Ac i'r hwn yr ydych yn maddeu dim, yr wyf finnau hefyd: canys yr hyn hefyd yr wyf wedi ei faddeu, os maddeuais ddim, er eich mwyn chwi y maddeuais ef ym mherson Crist,
11fel nad enniller mantais arnom gan Satan, canys nid ydym heb wybod ei ddyfeision ef.
Dyfodiad Titus.12Ac wedi dyfod i Troas er efengyl Crist, a drws wedi ei agoryd i mi yn yr Arglwydd,
13ni chefais esmwythâd i'm hyspryd, gan na chefais Titus fy mrawd; eithr wedi canu yn iach iddynt, mi a aethum allan i Macedonia.
14Ond i Dduw y byddo y diolch, yr hwn sydd yn ein harwain mewn buddugoliaeth yng Nghrist, ac yn amlygu arogledd y wybodaeth o hono trwom ni ym mhob lle;
15canys perarogl Crist ydym ni i Dduw, yn y rhai cadwedig ac yn y rhai colledig:
16i'r naill yn arogl marwolaeth i farwolaeth, ac i'r lleill yn arogl bywyd i fywyd. Ac i'r pethau hyn, pwy sydd ddigonol?
17Canys nid ydym ni fel y llawer yn llygru gair Duw; eithr megys o burdeb, megys o Dduw, wyneb yn wyneb â Duw, yng Nghrist yr ydym yn llefaru.
Who We AreWhat We EelieveWhat We Do
2025 by iamachristian.org,Inc All rights reserved.
