Psalms 123 - Die Bybel 2020-vertaling

1'n •Pelgrimslied.

Na U kyk ek op,

U wat in die hemel woon.

2Kyk, soos die oë van slawe gerig is

op die hand van hulle eienaar,

soos die oë van 'n slavin gerig is

op die hand van haar eienares,

so is ons oë gerig op die Here ons God

totdat Hy ons genadig is.

3Wees ons genadig, Here,

wees ons genadig;

want ons het meer as genoeg gehad

van minagting;

4tot in ons diepste wese het ons

meer as genoeg gehad van die spotlag

van selfvoldane mense,

van die minagting deur hooghartiges.