1 Toe Israel uit Egipte weggetrek het,
die huis van Jakob weg van
die volk met 'n vreemde taal,
2het Juda God se heiligdom geword,
Israel sy magsgebied.
3 Die see het dit gesien en gevlug;
die Jordaan het teruggedeins.
4Die berge het gebokspring
soos ramme,
die heuwels soos lammers.
5Wat gaan met jou aan, see,
dat jy vlug,
Jordaan, dat jy terugdeins,
6berge, dat julle soos ramme
bokspring,
en julle, heuwels, soos lammers?
7Sidder, aarde, voor die Heer,
voor die God van Jakob,
8 wat die rots verander het
in 'n waterryke vleiland,
die vuursteen in 'n waterfontein.
Who We AreWhat We EelieveWhat We Do
2025 by iamachristian.org,Inc All rights reserved.
