1Mbreti Kserks caktoi një tagër për tokën dhe për ishujt e detit.
2Të gjitha bëmat e fuqishme e të guximshme, si edhe rrëfimi i plotë i madhështisë së Mordakait, për të cilat mbreti e bëri të rëndësishëm, janë shkruar në librin e Kronikave të Mbretërve të Medës e të Persisë,
3sesi judeu Mordakai ishte i dyti pas mbretit Kserks, i rëndësishëm për judenjtë e i pëlqyer nga turma e vëllezërve të vet. Ai kërkonte mirëqenien për popullin e vet dhe paqen për pasardhësit e vet.
3a Atëherë Mordakai tha: «Këto vijnë nga Perëndia».
3b Më kujtohet ëndrra që pashë për këto gjëra e asnjë prej tyre nuk u shkapërcye.
3c Burimi i vogël që u bë lumë dhe drita e dielli e uji i shumtë. Lumi është Estera që e mori për grua mbreti dhe e bëri mbretëreshë.
3ç Dy dragonjtë jemi unë e Hamani.
3d Kombet janë ata që u mblodhën për t'ua shuar emrin judenjve.
3dh O kombi im, ky është Izraeli, që i thirri Perëndisë e u shpëtuan. Zoti e shpëtoi popullin e vet. Zoti na çliroi nga të gjitha këto ligësi. Zoti bëri shenja e mrekulli të mëdha që nuk kanë ndodhur ndër kombe.
3e Prandaj caktoi dy shorte: një për popullin e Perëndisë e një për të gjitha kombet.
3ë Këto dy shorte erdhën në çastin, në kohën e në ditën e gjykimit, para Perëndisë e ndër kombe.
3f Perëndia u kujtua për popullin e vet e i dha të drejtë trashëgimisë së vet.
3g Këto ditë të muajit Adar, katërmbëdhjeta dhe pesëmbëdhjeta e këtij muaji, do të kremtohen bashkësi me gëzim e hare para Perëndisë gjithmonë ndër brezni në popullin e tij, Izraelin.
Shënim3gj Në vitin e katërt të Ptolemeut e të Kleopatrës, Dositeu, që thoshte si ishte prift e levit, dhe biri i tij Ptolemeu sollën këtë letër të purimëve. Ata thanë se ishte e mirëfilltë, e përkthyer nga Lisimaku i Ptolemeut, një prej banorëve të Jerusalemit.
Who We AreWhat We EelieveWhat We Do
2025 by iamachristian.org,Inc All rights reserved.
