Yuda Diumvuija - MUKANDA WA MYIDI MUKULU（TSH96）

Diumvuija— Mukanda wa Yuda ki mmufundila bena ditaba ba muaba kampanda nansha, kadi bena Kristu bonsu basanga. Badi batulongeshamu malu mafuanangane ne a mu mukanda muibidi wa Petro (tangila nangananga 2 Pet 2). Mikanda yonsu ibidi idi iluisha bantu badi balongesha malu a dishima, bikale kabidi bena buendenda.Mufundi mumane kuela bena ditaba muoyi (1-2), udi utuadija diakamue kuluisha bikole balongeshi ba malu a dishima, bavua babuela mu Tshisumbu tshia bena ditaba. Udi ujadika kabidi ne: Mvidi Mukulu neabanyoke bonsu (3-16). Udi ulomba bena Kristu bua bashindame mu ditaba dilelela (17-23). Ku ndekelu udi utumbisha “Mvidi Mukulu umuepele, uvua mutupandishe kudi Yezu Kristu” (24-25).Mukanda ewu udi utumanyisha bukole budi bena dishima nabu, kadi udi utuleja kabidi mutudi mua kushala batekemene luse, lupandu ne diambuluisha kudi Mvidi Mukulu Tatu munda mua Yezu Kristu, ku bukole bua Mueyelu wa Tshijila (20-21).