1Kudi malu asatu adi muoyi wanyi ujinga,
adi Maweja-Nangila ne bantu banyishe kabidi:
diumvuangana dia bena muntu,
bena mutumba badi basomba bu balunda,
ne diumvuangana dia mulume ne mukaji.
2Kudi bantu mishindu isatu bandi ndiwula,
bua malu adibu benza, adi amfikisha munda:
ke mupela udi uditambisha,
muena biuma udi musue dishima,
kabidi ne muntu mukulakaje katshiyi lungenyi,
muditue mu tshiendenda.
Buimpe bua bukulumpe3Pawikala kuyi mupete tshintu mu bunsonga buebe,
mmunyi muwatshipeta mu bukulakaje buebe?
4Mudi bantu ba nsuki mitoke bamanya mua kusunguluja malu,
bamanya mua kubela bantu, mbualu bua mushinga mukole!
5Padi bantu bakulakaje ne meji,
ne bantu badi ne muanzu
ne lungenyi, mbualu bua mushinga mukole.
6Nsala wa lumu wa bakulumpe, mpadibu bamonemone mianda,
kadi butumbi buabu bunene, mpadibu batshina Maweja-Nangila.
Disanka dinene dipite makuabu7Kudi malu tshitema andi mmona ansankisha,
kudi kabidi bua dikumi bundi mua kutela.
Ke muntu udi upeta disanka mu bana bende,
ne muntu udi umona kabutu ka baluishi bende patshidiye ne muoyi!
8Muntu udi ne mukaji wa lungenyi udi ne disanka,
muntu udi umvuangana ne mukajende bimpe, udi bu ngombe ne mpunde!
Muntu udi kayi wakula meyi mabi, udi ne disanka,
muntu udi kayi ukuatshila mfumu mushadile kudiye mudimu,
udi ne disanka!
9Muntu udi ne mulunda udi ne lungenyi, udi ne disanka!
Muntu udi uyukila ne bantu bamuteleja ne ntema, udi ne disanka!
10Muntu udi mupite bantu bonsu abu, ngudi ne Meji,
kadi kakuena muntu udi upita muntu udi utshina Maweja-Nangila to.
11Muntu udi utshina Maweja-Nangila mmupite bantu bonsu.
Kakuena muntu wa kumufuanyikija nende.
Bakaji badi njiwu(Sir 9.1-9)13Mputa yonsu mmibi, kadi ya pa dinanga mmibi mipite.
Bubi buonsu budi nankunanku,
kadi bua mukaji mbupite.
14Kakuena lutatu ludi lubi bu lua ku lukinu,
nansha disombola dikukebela kudi muena lukuna.
15Kakuena lulenga ludi lupite bubi, bu lulengu lua nyoka,
nansha tshiji tshidi tshipite bubi bu tshiji tshia mukaji!
16Bidi bimpe kusomba mu nzubu
pamue ne nyama wa ntambue nansha wa tshidika,
pa mutu pa kuikala ne mukaji mubi.
17Bubi bua mukaji budi buandamuna mpala wende, umunyenga,
umueneka bu nyama wa lonji!
18Bayende udi uya kudia ku bena mutumba,
kadi nansha nanku udi amu udiabakena bikole.
19Katuena mua kufuanyikija dikenga nansha dimue,
ku makenga adi mukaji mua kukukebela.
Badi mua kumunyoka mudibu banyoka benji ba bibi!
20Muntu wa ditalala udi usela mukaji wa mutoyi,
udi ukenga bikole,
amu mudi mukuna wa lusenga ukengesha muntu mukulukaje padiye ukeba kuubanda.
21Buimpe bua mukaji kabukukoki nansha,
kualakanyi mukaji to.
22Mulume udibu badiishe kudi mukajende,
nebamuseke, bamupenda,
kabidi nebamufuishe bundu kudi mukaji awu.
23Mukaji mubi udi unyingalaja bayende bikole,
umuendesha ne mpala wa dibungama, umutapa mputa ku muoyi.
Mukaji mubi udi kayi usankisha bayende,
udi umutekesha mu maboku ne mikolu.
24Bubi buakatuadija kudi mukaji.
Amu bua bubi buende tudi tufua bonsu.
25Kulekedi mayi apatukila mu tshiina tshia mayi.
Kuanyishi bua mukaji mubi ayukile mudiye musue.
26Pikalaye kayi witaba mu diyi diebe,
nubengangane nende, umuipate.
Who We AreWhat We EelieveWhat We Do
2025 by iamachristian.org,Inc All rights reserved.
