1Paudi kuyi wenza malu mabi,
malu mabi kaena mua kukupinganyina nansha.
2Epuka kansungansunga,
kansungansunga nekakuepuke.
3Paudi umiamina bubi,
neubumone misangu muanda mutekete mu njila yebe.
4Kuena mua kulomba kudi Maweja-Nangila
bumfumu bua kuludika bantu,
nansha kulomba mukalenga nkuasa wa bumfumu.
5Kudileji bu muakane kumpala kua Maweja-Nangila,
nansha bu mutalame kumpala kua mukalenga.
6Kukebi mua kuikala ndumbulula,
paudi kuyi ne bukole bua kujikija kansungansunga.
Bualu, bumue udi mua kuhingisha muntu munene,
wewe kunyanga buakane buebe.
7Kuena mua kutatshisha bana benu,
kuenzela bantu bonsu ba mu tshimenga bibi,
bualu neudipuekeshe milongu ku mesu kua bantu bonsu!
8Kuenji bubi bua momumue misangu ibidi,
bubi bua kumpala abu, mbumane kukuvuija muena tshilumbu.
9Kuambi ne: “Bu mundi mfila milambu yanyi kudi Mvidi Mukulu.
Muena Kulu neanganyishe bua bungi buayi!”
10Kutekeshi mu maboku paudi utendelela. Kulenguludi bua kupa bapele tshia pa luse.
11Kuseki muntu udi ne kanyinganyinga,
bualu Maweja-Nangila udi upuekesha muntu, udi mua kumubandisha kabidi.
12Kuena mua kushima muanenu to,
nansha mulunda webe kashidi.
13Lekela dishima,
kutungunuka ne dishima kakuena kupetesha muntu bualu bua nsongu nansha bumue.
14Diba diudi mu tshipangu tshia bakulu,
kuakudi biakulakula.
Paudi utendelela, lekela kuvudija miaku idi kayiyi ne mushinga.
15Kupetudi mudimu mukole,
nansha mudimu wa budimi,
bualu Mvidi Mukulu Muena Kulu ke udi mutufukileyi.
16Kudisangi kudi bantu babi to.
Uvuluke ne Mvidi Mukulu udi pabuipi, neakunyoke!
17Udipuekeshe bikole.
Bualu tshidi tshindila muntu, mbua bamudie kudi misanda.
Balunda, diku18Kupangidi mulunda webe bua kupeta biuma,
nansha muanenu menemene bua kupeta mpawungi muimpe.
19Ukebe mushinga wa kusela mukaji wa meji ne malu mimpe.
Bualu bienzedi biende, mbipite tshiamu tshia mpawungi kule.
20Kuena mua kukengesha mupika udi ukukuatshila mudimu muende muonsu,
nansha muena mudimu udi munange mudimu wende.
21Paudi ne mupika wa lungenyi,
umunange bu muudi mudinange wewe.
Wanyisha bua kumupatula mu bupika pakumbana tshikondu.
22Paudi ne bimuna, ubikube.
Padibi bikuambuluisha, ubilame bimpe.
23Paudi ne bana, ubakoleshe.
Padibu bana, ubalongeshe tshikadilu tshimpe.
24Udi ne bana ba bakaji anyi?
Ubatabalele bua bikale amu tumama.
Kubafuidi luse nansha.
25Useleshe muanebe wa bakaji,
nenku udi mumane kujikija mudimu webe!
Kadi bamusele kudi muntu wa lungenyi.
26Paudi ne mukaji wa pa muoyi webe kumubengi nansha.
Kadi kuena mua kulamata mukaji uudi kuyi munange to.
27Nemeka tatuebe ne muebe muonsu,
kadi kupu muoyi bua makenga avua mamuebe mukumvuile.
28Vuluka ne: ke bavua bakulele.
Udi mua kubafuta tshinyi bua bionsu bidibu bakuenzela?
Mutudi mua kuenzela batuangaji29Utendelele Maweja-Nangila ne lungenyi luebe luonsu,
unemeke kabidi ne batuangaji bende.
30Nanga Mukufuki ne bukole buebe buonsu.
Kulenguludi bantu badi balombola mudimu wende.
31Tshina Maweja-Nangila, unemeke mutuangaji.
Umupeshe tshiende tshintu tshia mulambu bu mudi Mvidi Mukulu muambe:
bintu bia tshianyi bia mu budimi,
mulambu wa dinua tshibalu,
maboku a nyama mimana kulambula,
bivua bishale ku milambu ya bintu bia tshianyi bia tshijila,
ne bintu bivuabu balambula Mvidi Mukulu.
Mutudi mua kuenzela bakengi32Wikale ne muoyi wa kalolu kudi mukengi,
bualu Maweja-Nangila menemene neakuele lupemba.
33Ambuluishe ne bintu, bantu batshidi ne muoyi,
ujike bimpe badi bafue.
34Udile ne badi badila,
ubungame ne badi babungama.
35Kuelakanyi bua kusamba babeedi.
Ku bia nanku ke kudibu bakunangila.
36Mu bionsu biudi wenza, vuluka ne: neufue,
nenku kuakuenza bibi nansha.
Who We AreWhat We EelieveWhat We Do
2025 by iamachristian.org,Inc All rights reserved.
