Nehemya Diumvuija - MUKANDA WA MYIDI MUKULU（TSH96）
Diumvuija— Mukanda wa Nehemya udi utungunuka ne malu a mu mukanda wa Ezra. Ku kale mikanda yonsu ibidi ivua yenza mukanda umue. Nehemya mmubueje mu mukanda wende ewu mikanda yende yeye mikuabu, ivuaye mufunde munkatshi mua bidimu bua kuvuluka malu avua enzeka.Nehemya uvua lukongu lumue ne mutuangaji Ezra. Kadi yeye kavua mutuangaji to. Uvua ne muanzu munene mu lupangu lua Artashasta, mukalenga wa bena Persa. Mfumuende uvua muanyishe bua aye kulongolola malu onsu mu Yerushalayime: bulongolodi bua ditunga, bubanji buadi, ne diabanyangana dia bintu kudi bena ditunga bonsu kamuyi kansungansunga (1.1—2.10). Nansha muvua bamue bantu bamubenga, kadi bena ditunga bavule bavua batua ku tshiende. Kumuambuluishabu bua kuibakulula bimana bia tshimenga (2.11—7.72). Pashishe uvua muimane ku luseke lua Ezra, diba dia pa buadi divuabu batendelela Mvidi Mukulu. Ezra kubadila bantu mikenji ya Maweja-Nangila. Bena Levi kuyumvuija. Bumue bavua bayandamuine bavua kabayi bumvue kabidi muakulu wa Ebrewu. Ke bantu kulayulula malaya avuabu balaye Mvidi Mukulu (8.1—10.40). Pine apu Nehemya ukavua mumane kulongolola malu makuabu a mu ditunga (11.1—12.26). Uvua muludike mudimu wa kujidila bimana bia tshimenga bivuabu bibakulula (12.27-43). Pashishe uvua mulongolole kabidi amue malu avua atangila ditendelela dia Mvidi Mukulu (12.44—13.31). Mukanda wa Nehemya udi utuleja muntu muenji wa mudimu, udi mumanye mua kulongolola malu, wa muoyi muimpe, ne wa bukitu, udi unemenena mu ditendelela mu bionsu bidiye wenza.
