1Maweja-Nangila udi ne muoyi kashidi,
wakafuka bintu bionsu.
2Yeye nkayende ke muena buakane.
4Maweja-Nangila kena mupeshe muntu nansha umue bumfumu,
bua kumanyisha bidiye mua kulua kuenza.
Udi mua kutandula malu a dikema adiye muenze, udiku anyi?
5Kudi nansha muntu udi mua kupima bukole budiye nabu anyi?
Kudi kabidi muntu udi mua kuambilangana
bionsu bia dikema bidiye muenze anyi?
6Kabena mua kumbusha nansha kusakidila
kantu ku malu a dikema adi Maweja-Nangila muenze.
Kabena mua kujingulula malu a dikema masokome a Maweja-Nangila!
7Padi muntu mumane kuitaba ne:
malu aa mamane kujika, adi amu atuadija.
Padiye wimana, udi upanga ne lungenyi.
Muntu ntshinyi?8Muntu ntshinyi? Udi wambuluisha ku tshinyi?
Bimpe nansha bibi bidiye wenza bidi ne mushinga kaayi?
9Yeye mulale bidimu bia bungi pa buloba, ndukama!
10Bidimu ebi, kubifuanyikija ne matuku a muoyi wa kashidi,
bidi amu bu dimata dia mayi dipona mu mayi manene, nansha bu ditete dia lusenga mu mushiki wa lusenga.
11Ke padi Mvidi Mukulu muikale ne lutulu kudi bantu,
ubafuila luse lua bungi.
12Maweja-Nangila udi umona bantu,
udi mumanye ne: nebafue lufu lua dikenga,
ke padiye ubafuila luse lua bungi,
13Muntu udi ufuila mukuende udi nende pamue luse,
kadi Mvidi Mukulu udi ufuila bantu bonsu luse.
Udi ubela bantu, ubalengeja, ubalongesha.
Udi ubapingaja kudiye
bu mudi mulami wa mikoku upingaja mukoku mujimine kudiye.
14Udi ne luse kudi buonsu badi balonda diyi diende,
badi bananukila bua kukumbaja tshidi Mvidi Mukulu musue.
Mutudi mua kuambuluishangana15Muananyi, paudi wenzela muntu bimpe, kumutompuedi to.
Paudi upesha muntu tshintu bua kumusankisha,
kuena mua kumupeshatshi ne nsenda to.
16Bu mudi lumuma lutalaja luya,
ke mudi diyi dimpe dia mukana dipite kupa.
17Bushuwa, diyi dimpe ndipite bintu bia kusankisha nabi muntu.
Kadi tshipapayi udi ne diyi dimpe, kabidi udi upa.
18Muntu mutshimbakane utandisha muntu, upendangana.
Dipa dia muena lukinu didi ditondeshangana.
Budimu bua bena meji19Bangabanga ne kuakula, umanye tshiudi usua kuamba.
Uvuluke mubidi webe, kuyi muanji kusama.
20Udikonke nkayebe, Mvidi Mukulu kayi muanji kukulumbuluisha.
Nanku, diba diakulumbuluishaye, neakufuile luse.
21Kuena mua kuindila disama,
bua umone mua kutonda bubi buebe.
Kadi paudi muenze bubi, udilengeje.
22Paudi ulaya Maweja-Nangila,
ukumbaje malaya ebe diba didiwu akumbana.
Kuindidi amu paudi ufua bua wewe kuakumbaja.
23Udilongolole bangabanga ne wewe kulaya.
Kuenji bu muntu udi uteta Maweja-Nangila.
24Uvuluke ne dia nshikidilu Maweja-Nangila udi mua kukufikila munda,
ku lufu luebe udi mua kukunyoka, kukubenga.
25Paudi ne bintu bivule bia kudia,
vuluka matuku adi tshiyole mua kufika.
Paudi ne bubanji, vuluka ne
udi mua kushala mupele kuyi ne kantu.
26Kutuadija ku dinda ne ku dilolu, diba didi dienda dishintuluka.
Maweja-Nangila udi mumanye mua kuenza nanku lukasa!
27Muntu wa meji udi ne budimu mu malu onsu.
Padi bualu bumueneka bubi, yeye udi wepuka.
28Muntu yonsu wa lungenyi udi ne meji.
Udi unemeka kabidi muntu yonsu udi nawu.
29Bantu badi bumvua miaku ya badi ne lungenyi
badi bashala pabu ne meji,
bakula ne nsumuinu mimpe ya bungi.
Kudikadila nkayebe30Lekela kuya kudi majinga ebe mabi akutuma, udikandike.
31Wewe muanyishe tshionsu tshidi majinga ebe akeba,
neudisekeshishe kudi baluishi bebe.
32Kukebi mua kusanka amu ne bintu bia mushinga mukole.
Kudibueji mu dikenga dia badi benza nanku.
33Lekelayi kuenza tshibilu tshia disanka ne makuta masombe,
paudi kuyi ne ebe a mu tshiebe tshibombi,
bua kudivuiji mupele.
Who We AreWhat We EelieveWhat We Do
2025 by iamachristian.org,Inc All rights reserved.
