1Kutekemenyi biudi nabi,
kuambi ne: meme nkayanyi ndi muasakaje bionsu.
2Kukebi bionsu bidi muoyi webe ujinga,
bualu nebikusake mua kulonda majinga a tshianana a mu muoyi webe.
3Lekela kuamba ne: “Muntu nansha umue kena mua kuntumina diyi”,
bualu Maweja-Nangila neakunyoke.
4Kuambi ne: “Mvua muenze bibi, bualu nansha bumue ki mbungenzekele!”
Kuena mua kupua muoyi ne: Maweja-Nangila mmulengulule.
5Paudi utungunuka amu ne kuenza bibi, kuedi meji ne:
“Maweja-Nangila neamfuile luse!”
6Kuambi ne: “Luse lua Maweja-Nangila ndupite bunene,
neamfuile luse nansha bilema bianyi biobi bungi munyi!”
Bushuwa, Maweja-Nangila udi ne luse, kadi udi kabidi ne tshiji,
neakengeshe benji ba bubi ne tshiji tshiende.
7Pingana kudi Maweja-Nangila, kuindidi to.
Lekela kuladikija.
Bualu tshiji tshia Maweja-Nangila tshidi mua kumueneka diakamue.
Ke bualu kayi wewe udi mua kubutuka dituku dia dinyoka adi.
8Kutekemenyi biuma bipeta mu bubi.
Kabiena mua kukuambuluisha dituku dia dikenga.
Akula ne bumfumu9Lekela kutua eku ne eku.
Kubuelakanyi mu tujila tuonsu,
amu bantu babi ke badi benza nanku.
10Ushindame mu malu audi muitabe.
Wikale muena diyi dimue.
11Umvua lukasa.
Utukije bangabanga ne kuandamuna.
12Andamuna muntu bualu buudi mumanye.
Paudi mubupange, upuwe.
13Muntu udi wakula udi mua kupeta lumu nansha kufua bundu.
Meyi adi muntu wakula adi mua kumubutula.
14Kuena mua kuangata lumu lua muntu bua kumusendeka.
Biudi wakula bikale pa biobi!
Bu mudibu bapisha muivi bundu,
ke mudibu banyoka muena dishima bikole.
15Epela bilema binene nansha bikese.
Who We AreWhat We EelieveWhat We Do
2025 by iamachristian.org,Inc All rights reserved.
