Misambu 126 - MUKANDA WA MYIDI MUKULU（TSH96）

Miadi kuandamuka disanka

1Musambu wa bena ngendu.

Pavua Maweja-Nangila mutupingajile

disanka mu Siyone,

tuvua bu bantu badi balota.

2Tuetu kuseka,

kuela mbila ya disanka.

Mu bisamba bikuabu, bantu bavua bamba ne:

“Maweja-Nangila mmubenzele malu a bungi.”

3Bushuwa, Maweja-Nangila mmutuenzele malu a bungi,

tuvua ne disanka.

4Maweja-Nangila,

tupingajila disanka tshiakabidi,

bu muudi ufululula misulu miume.

5Muntu udi umiamina maminu, wenda udila,

neele mbila ya disanka padiye unowa.

6Muntu udi uya kukuna ntete, wenda udila,

neapingane, wenda wela mbila ya disanka,

muambule bisumbu biende bia ntete.