1 Kulondolola 1 - MUKANDA WA MYIDI MUKULU（TSH96）

MUDI BANKAMBUA BALONDANGANAKutuadija ku Adame too ne ku ndelanganyi ya Esawu

1Adame uvua tatuende wa Shete. Shete uvua tatuende wa Enoshe.

2Enoshe uvua tatuende wa Kenaane. Kenaane uvua tatuende wa Malaleyele. Malaleyele kulela Yerede.

3Yerede uvua tatuende wa Enoke. Enoke uvua tatuende wa Metushela. Metushela uvua tatuende wa Lemeke.

4Lemeke uvua tatuende wa Nowa. Nowa uvua mulele bana ba balume basatu: Sheme, Kame ne Yefete.

5Bana ba balume ba Yefete badi nenku: Ngomere, Magoge, Madayi, Yavane, Tubale, Mesheke ne Tirase.

6Bana ba balume ba Ngomere badi nenku: Ashekenaze, Difate ne Togarma.

7Bana ba balume ba Yavane badi nenku: Elisha, Tarshishe, Kitime ne Rodanime.

8Bana ba balume ba Kame badi nenku: Kushe, Misrayime, Pute ne Kenaane.

9Bana ba balume ba Kushe badi: Seba, Avila, Sabta, Ragma ne Sabteka. Bana ba balume ba Ragma badi: Saba ne Dedane.

10Nemrode, muana mukuabu wa Kushe, ke uvua tshilobu tshia kumpala pa buloba.

11Misrayime uvua nkambua wa bena Lude, bena Aneme, bena Lekabe, bena Naftu,

12bena Patrose, bena Kaslu kabidi ne bena Kaftore, ke kudi bisamba bia bena Peleshete bifumine.

13Muanabute wa Kenaane uvua Sidone, balonda kudi Ete.

14Kenaane uvua nkambua wa bena Yebusa, bena Amore, bena Ngirgashi,

15bena Ivi, bena Arki, bena Sini,

16bena Arvadi, bena Semari ne bena Amati.

17Bana ba balume ba Sheme badi: Elame, Ashure, Arpaksade, Lude, Arame, Use, Ule, Ngetere ne Mesheke.

18Arpaksade uvua tatuende wa Shela. Shela uvua tatuende wa Ebere.

19Ebere uvua ne bana ba balume babidi: wa kumpala uvua Pelege, mmomumue ne: “Ditapuluka,” bualu tshikondu tshivua Pelege ne muoyi, bantu bavua batapuluka pa buloba. Dina dia muakunyende divua Yoktane.

20Yoktane uvua tatuende wa Almodade, Shelefe, Asharmavete, Yera,

21Adorame, Uzale, Dikla,

22Ebale, Abimayele, Saba,

23Ofire, Avila ne Yobabe. Bonsu aba bavua bana ba balume ba Yoktane.

24Sheme uvua tatuende wa Arpaksade. Arpaksade uvua tatuende wa Shela.

25Shela uvua tatuende wa Ebere. Ebere uvua tatuende wa Pelege. Pelege uvua tatuende wa Reyu.

26Reyu uvua tatuende wa Seruge. Seruge uvua tatuende wa Nakore. Nakore uvua tatuende wa Tera.

27Tera uvua tatuende wa Abrame. Pashishe Abrame kupeta dina dia Abrahame.

28Bana ba balume ba Abrahame badi: Izake ne Ishemayele.

29Ndelanganyi yabu ivua nenku: bana ba balume ba Ishemayele badi: muanabuteuvua Nebayote, bamulonda kudi Kedare, Abdeyele ne Mibsame,

30Mishema, Duma, Masha, Adade, Tema,

31Yeture, Nafishe ne Kedma.

32Abrahame uvua ne mukaji mukuabu, dina diende divua Ketura. Ketura kulela Zimrane, Yoksane, Medane, Madiyane, Ishebake ne Shuwa. Bana ba balume ba Yoksane: ke Saba ne Dedane.

33Bana ba balume ba Madiyane badi: Efa, Efere, Anoke, Abida ne Elda. Bonsu aba ndelanganyi ya Ketura.

34Abrahame uvua tatuende wa Izake. Izake kulela bana ba balume babidi: Esawu ne Izrayele.

35Bana ba balume ba Esawu badi nenku: Elifaze, Reyuwele, Yewushe, Yalame ne Kora.

36Bana ba balume ba Elifaze badi: Temane, Omare, Sefi, Ngatame, Kenaze, Timna ne Amaleke.

37Bana ba balume ba Reyuwele badi: Nakate, Zera, Shama ne Miza.

38Bana ba balume ba Seyire badi: Lotane, Shobale, Sibeyone (Sibeyone uvua tatuende wa Ana, kabidi kakuende wa Dishone), Eshere ne Dishane.

39Bana ba balume ba Lotane badi: Ori ne Omame, (Lotane uvua ne muanabu wa bakaji, diende dina divua Timna).

40Bana ba balume ba Shobale badi: Aliyane, Manakate, Ebale, Shefi ne Oname. Bana ba balume ba Sibeyone badi nenku: Aya ne Ana.

41Ana uvua ne muana wa balume umue, dina diende divua Dishone. Bana ba balume ba Dishone badi: Amrame, Eshebane, Itrane ne Kerane.

42Eshere kulela Bilekane, Zavane ne Yakane. Dishane uvua tatuende wa Use ne Arane.

Bakalenga ne bamfumu ba meku a bena Edome(Tshib 36.31-43)

43-50Pavua bena Izrayele kabayi banji kupeta mukalenga, bena Edome bakavua ne bakalenga balondangane mu bukalenga mushindu ewu: Bela, muana wa Beyore, uvua mu tshimenga tshia Dinaba. Yeye mumane kufua, kupinganabu mu bukalenga kudi Yobabe, muana wa Zera, wa mu tshimenga tshia Bosra. Pashishe kupinganabu mu bukalenga kudi Ushame wa mu buloba bua Temane. Kumupinganabu kudi Adade, muana wa Bedade, wa mu tshimenga tshia Avite. (Adade ke uvua mutshimune bena Madiyane mu ditunga dia Mowabe). Kupinganabu kudi Samla wa mu tshimenga tshia Masreka, Shawule wa mu Rekobote-ku-muelelu-wa-Musulu, Baale-Anane muana wa Akbore, ne Adade wa mu tshimenga tshia Payi. Adade uvua musele Metabeyele, muana wa bakaji wa Matrede, kabidi ne muikulu wa Mezakabe.

51Mukalenga Adade mumane kufua, bamfumu ba meku kushala balombola bena Edome. Mena abu mmalondangane nenku: Timna, Alva, Yetete,

52Okolibama, Ela, Pinone,

53Kenaze, Temane, Mibsare,

54Magdiyele ne Irame. Bonsu aba bavua bamfumu ba meku a bena Edome.