Tobite Diumvuija - MUKANDA WA MYIDI MUKULU（TSH96）

Diumvuija— Bualu bua Tobite ne muanende Tobiyase budi bumueneka bu lusumuinu luimpe lua kutua nalu bena ditaba ba nsongu makumbu. Bena diku dia Tobite badi bena Izrayele ba tshitembu bayua bena Ashure baye nabu ku Ninive mu bupika, kabayi banji kubutula tshimenga tshia Samariya (722 bgbg ne Y.K.). Nansha makenga abakuata, Tobite ne muanende badi amu basue kukumbaja bimpe mikenji yonsu mifundila bena Yuda. Bua kubambuluisha, mutumibue wa Mvidi Mukulu, diende Rafayele, udi wangata mpala wa umue wa ku bena ditaba nabu, ubenzela kabidi malu a dikema.Mukanda wa Tobite udi musue kukolesha mu maboku ne kulongesha bena Yuda badi basomba kasumbu kakese kua bende. Udi ubavuluija mikenji idi bena Izrayele bonsu badi bitaba Mvidi Mukulu ne bua kukumbaja: kunemeka baledi, kupeshangana bia pa luse, kutendelela Mvidi Mukulu, kujika bafue, kuambuluisha bena mutumba, kuselangana mudi Mvidi Mukulu musue. Padibu bakumbaja mikenji eyi, nebashale bantu ba Mvidi Mukulu munkatshi mua bantu ba bisamba bikuabu, badi kabayi ne ditaba. Mvidi Mukulu pende kakubenga kuambuluisha bantu ba nanku to.