3 Yowanane Diumvuija - MUKANDA WA MYIDI MUKULU（TSH96）

Diumvuija— Bavua bafunda mukanda ewu kabidi kudi “Mukulu” (kan. 1; tangila 2 Yow 1), udi uutumina Ngayuse, muntu utudi katuyi bamanye. Mukanda mene udi wamba amu ne: uvua muntu uvua ulonda njila wa bulelela. Uvua muenze malu mimpe, adi Diyotrefeze, muntu uvua ne muanzu mu Tshisumbu tshia bena ditaba, kayi wenza. Bualu Diyotrefeze udi ujana “Mukulu,” ubenga kuakidila bimpe benyi badi batantshila bena ditaba nabu.Mufundi udi wela Ngayuse kalumbandi, bualu udi muntu wa muoyi umue, udi wambuluisha bena ditaba (1-8). Pashishe udi uleja dibungama didiye nadi bua malu adi Diyotrefeze wenza (9-10). Udi utela kabidi muena Kristu mukuabu wa lumu luimpe, Demetriyose (11-12); umanyisha Ngayuse muoyi udiye nawu wa kumukumbula, umuela kabidi muoyi mu dina dia balunda bende (13-15).Mukanda ewu udi ulongesha ne: kuakidila bimpe bena ditaba netu, ke kuleja dinanga, ke kuenda mu njila wa bulelela.