Estere ngreke Diumvuija - MUKANDA WA MYIDI MUKULU（TSH96）

Diumvuija— Tukadi bumvuije mukanda wa Estere wa mu buena ebrewu. Mu mukanda wa Mvidi Mukulu wa bena Ngreke, udibu babikila wa Bantu makumi muanda mutekete, mbasakidile malu makuabu, nangananga bitupa bisambombu bitudi tuleja ne mateta: A (kumpala kua tshitupa 1), B (pankatshi pa 3.13 ne 3.14), C ne D (pankatshi pa bitupa 4 ne 5, kadi D muikale diumvuija dia 5.1-2), E (munkatshi mua 8.13) ne F (kunyima kua 10.3).Mukanda wa Estere wa mu buena ebrewu kawena utela patoke mudimu udi Mvidi Mukulu wenza, pa kumusha kakese kanungu kamue (4.14). Ke bidi bishilanganne mu mukanda wa mu buena ngreke: badi batela dina dia Mvidi Mukulu misangu ne misangu, kabidi tshit. C tshidi ne ditendelela dia Mordekayi, pashishe dia Estere, didibu batendelela nadi Maweja-Nangila kumpala kua dimonangana, dikuatshisha bowa, dia Estere ne mukalenga wa ditunga. Mishindu ibidi eyi ya kutumanyisha malu a momumue, idi ituleja mutudi mua kutangila bionsu bidi bienzeka ne mesu a ditaba mishindu ibidi mishilangane, luseke lumue, tudi mua kutangila midimu ivua bantu bakuata, luseke lukuabu tudi mua kutangila mushindu udi Mvidi Mukulu uludika mianda ya bantu nansha padibu bakenga.