Muadi Diumvuija - MUKANDA WA MYIDI MUKULU（TSH96）

Diumvuija— Mu kakanda aka mudi tusala tutanu tudi tuvuluija bualu amu bumue: kabutu ka Yerushalayime ka mu tshidimu tshia 587 bgbg ne Y.K., tshidimu tshivua bena Babilone bakuate tshimenga, banyange bukalenga ne budikadidi bua bena Yuda. Batu bamba ne: Yirmeya ngudi mubifunde. Mvidi Mukulu uvua mulaye Davide ne: “Misangu yonsu muntu wa ku ndelanganyi yebe neakupingane mu bukalenga, bualu bukalenga nebushale mu diku diebe kashidi” (2 Sam 7.16.) Kadi kabutu ka Yerushalayime kadi katuleja ne: dilaya dia Mvidi Mukulu adi ndia dishima anyi? Nansha kakese!Bantu bavua bashale ne muoyi mu tshikondu atshi bavua bavuluka matuku onsu makenga avuabu nawu, badiebeja ne: udi mutupatuile bipupu ebi nnganyi? Maweja-Nangila ki mmuleje mudiye muluishi wa bantu bende anyi? Kadi bantu bavua bena Babilone batshimune bavua batonda ne: tudi bena tshibawu! Ke muvua makenga matukuate bua tudilengeje. Nanku bavua amu bitabe ne: “Mvidi Mukulu utshidi utunanga,” bualu “udi muena diyi dimue” (Muad 3.22-23.) Ke mudibu bashale batekemena kudiye, nansha kabutu kamane kubakuata bushiwa.