1Bantu badi basue kudisombuela, nebabasombuele kudi Maweja-Nangila.
Maweja-Nangila neavuluke bubi buabu buonsu.
2Fuila mukuenu luse bua bubi buvuaye mukuenzele, nenku pawalomba
Maweja-Nangila neakufuile luse bua bubi buebe.
3Pawikala ulamina muanenu tshiji,
muudi mua kulomba Maweja-Nangila bua akufuile luse mbishi?
4Paudi kuyi ufuila mukuebe luse,
muudi mua kulomba Maweja-Nangila bua mibi yebe mbishi?
5Paudi ulama njiya, wewe udi kuyi unenga panu,
kadi udi mua kumusha mibi yebe nnganyi?
6Lekela malu mabi, vuluka ne: neufue, neubole,
nenku lama meyi a Mvidi Mukulu.
7Vuluka meyi a Mvidi Mukulu,
kulaminyi mukuenu njiya.
Vuluka ndondu unudi batue ne Muena Kulu,
nanku ufuile mukuenu luse bua bibi bidiye mukuenzele.
Matandu8Epuka matandu, nenku kuakuenza bibi to.
Bualu muntu udi ne tshiji udi ulundula matandu.
9Muntu mubi udi ujula matandu munkatshi mua balunda,
udi ushipa diumvuangana pankatshi pa bantu badi basombe bimpe.
10Kapia kadi kalunduka padibu bakasonsola.
Matandu adi akola padibu baalundula.
Muntu udi ufika munda, padiye utangila bukole budiye nabu,
udi ulundula tshiji, padiye utangila biuma bidiye nabi.
11Matandu a tshimpitshimpi adi alundula tshiji,
matandu a tshimpalatanta adi ashipesha bantu.
12Paudi wela mupuya mu makala a kapia, kadi kalakuka;
kadi paudi ukela mate, kadi kajima.
Bionsu bibidi ebi bidi bifumina amu mukana muebe.
Buakulavi13Muntu udi usongakajangana, kabidi ne muntu udi ushima, mbena diakabi!
Bualu mbajimije bantu ba bungi bavua basombe bimpe.
14Biambamba biakatekesha bantu bavule mu maboku,
mbitangalaje bantu, baya mu bisamba ne bisamba;
mbibutule bimenga bivua biasa ne bimana bikolesha,
mbishimbule meku a bamfumu mene.
15Biambamba mbipatshishe bakaji ba nsongu ku mabaka.
bipangishisha ne bipeta bionsu bia ku midimu yabu.
16Muntu udi uteleja biambamba kena upeta dikisha,
kena mua kusomba ne ditalala.
17Lukodi lutuuta muntu ludi lutapa mputa,
kadi muntu mukuamba diyi dibi mmukubutule.
18Mbashipe bantu ba bungi ku miele ya mvita,
kadi bapite bungi mbafile amu ku biambamba bia bantu.
19Muena diakalenga mmuntu udi umuka ku malu a biakulakula,
tshimvundu tshijula kudi ludimi katshiyi tshimulenga.
Muena diakalenga mmuntu udi kayi ubuela mu bupika bua ludimi,
kabayi bamusuika ne nkanu yalu.
20Bualu ludimi ludi ne bujitu bua tshiamu,
nkanu idilu lusuika bantu idi ya tshiamu tshikunze!
21Biambamba bidi bifikisha bantu ku lufu, lufu amu lubi,
bidi bimpe kufua pa mutu pa kuenda ne biambamba!
22Kadi biambamba kabiena mua kutshimuna bantu badi banemeka Mvidi Mukulu,
kabiena mua kubosha mu kapia.
23Bantu badi ne biakulakula mbadi babenga Maweja-Nangila,
biakulakula biabu bidi bilundula kapia kadi kakayi kajima;
bidi bu nyama wa ntambue, bidi bu tshisumpa ntambue, nebibabutuishe!
24-25Bu muudi wela lupangu lua meba ku budimi buebe,
ukanga kabidi mukana muebe ne nsapi.
Bu muudi ulama tshiamu tshiebe tshitoke mushinga mukole ne mpawungi yebe,
ke muudi mua kupima biudi wakula.
26Udimuke bua kuakudi meyi mabi ne ludimi luebe,
bua kuponyi mu bianza bia baluishi bebe badi bakukeba.
Who We AreWhat We EelieveWhat We Do
2025 by iamachristian.org,Inc All rights reserved.
