2 Kulondolola Diumvuija - MUKANDA WA MYIDI MUKULU（TSH96）

Diumvuija— (Tangila diumvuija mu 1 Kulondolola).Mukanda muibidi wa Kulondolola udi ne bitupa bibidi: bukalenga bua Shelomu, muana wa Davide (tshit. 1 too ne ku tshit. 9), ne bukalenga bua ndelanganyi yende mu ditunga dia bena Yuda, too ne ku tshidimu tshidi Nebukadnesare ukuata tshimenga tshia Yerushalayime, uya ne bantu mu bupika ku Babilone (tshit. 9 too ne ku tshit. 36).Tunungu tubidi tua ndekelu tua mukanda ewu, tudi tuusuikakaja ne mikanda ibidi mikuabu: wa Ezra ne wa Nehemya. Nanku tunungu atu tudi tutusaka bua tutungunuke amu ne dibala mianda ya kale ya bena Izrayele mu mikanda mikuabu eyi. Bualu mu tunungu atu tudi tusangana ntuadijilu wa mukanda uvua Koreshe, mukalenga wa bena Persa, muanyishe nawu bena Yuda bua bapingane kuabu, bua kuasulula nzubu wa Mvidi Mukulu mu Yerushalayime. Mukanda wa Koreshe ewu mbaufunde kabidi mujima mu ntuadijilu wa mukanda wa Ezra.