1Mu matuku dikumi ne asatu a ngondu wa dikumi ne muibidi, nanku mu ngondu wa Adare, mikenji ivua mukalenga muele, bantu kutuadija kukuata nayi mudimu.
2Kubutulabu baluishi bonsu ba bena Yuda amu dituku dimue. Bantu bavule bavua batshina bikole bena Yuda, muntu nansha umue kavua mua kubafuila nkanana.
3Bamienampala ba mukalenga ba mu bitupa bia buloba, baludiki ne balombodi ba mu bukalenga, bavua banemeka bena Yuda bimpe, bualu bavua batshina Mordekayi.
4Mukenji uvua mukalenga muele uvua mumanyishishe bantu dina dia Mordekayi mu bukalenga bujima.
6Mu tshimenga tshia Suze, bena Yuda bavua bashipe bantu balume nkama itanu.
7“Bavua bashipe kabidi bana ba balume dikumi ba Amane, muena ditambisha. Amane uvua muana wa Amedata, uvua mu luishi wa bena Yuda. Mena a bana bende ke: Farsanestayine, Delfone, Fasga, Fardata, Bareya, Sarbake, Marmasime, Arufayi, Arsayi ne Zabutayi. Pashishe kupawulabu ne bintu biabu.
11Amu dituku adi, kumanyishabu mukalenga bungi bua bantu bavuabu bashipe mu tshimenga tshia Suze.
12Ke mukalenga kuebeja Estere ne:
— Amu mu tshimenga tshia Suze, bena Yuda mbashipe bantu balume nkama itanu. Udi wela meji ne badi mua kuikala bashipe bantu bungi bishi mu miaba mikuabu? Mpindiewu wewe mundombe kabidi tshintu tshikuabu, ndi amu nkupeshatshi.
13Estere kuandamuna mukalenga ne:
— Anyisha bua bena Yuda benze bia momumue maloba, mushindu udibu benza lelu ewu, kabidi bua bowe bitalu bia bana ba balume ba Amane.
14Mukalenga kuanyisha, kulamikabu mukanda bua bena Yuda bavua mu tshimenga tshia Suze bamone mua kuowa bitalu bia bana ba Amane.
15Mu matuku dikumi ne anayi a ngondu wa Adare, bena Yuda ba mu tshimenga tshia Suze kusangila pamue, kushipabu bantu balume nkama isatu. Kadi kabavua bapawula bintu biabu to.
16Kadi bena Yuda bakuabu, bavua mu bitupa bikuabu bia ditunga bivua mu bukalenga, kudikungijabu bua kumona mua kudipandisha. Mu matuku dikumi ne asatu a ngondu wa Adare, bobu kupita bantu bavua babaluisha bukole, kushipabu bantu binunu dikumi ne bitanu, kadi kabatua bapawula tshintu tshiabu nansha tshimue.
17Mu matuku dikumi ne anayi a ngondu awu, bobu kulekela kushipa bantu, kuikishabu batua tshianga basanka.
18Kadi bena Yuda ba mu tshimenga tshia Suze bavua kabidi badikungija mu matuku dikumi ne anayi, kabatua bikisha nansha, bakasanka bobu mu matuku dikumi ne atanu.
19Nenku, bena Yuda badi batangalake mitantshi mile, mu bitupa bia buloba bua mu bukalenga, batua basanka mu matuku dikumi ne anayi a ngondu wa Adare, batua batua tshianga bikole, batuminangana bintu bia masanka. Kadi bavua basombe mu bimenga binene batua basanka bobu mu matuku dikumi ne atanu a ngondu wa Adare, batua basanka batuminangana bintu bia masanka.
Tshibilu tshia mufikilu20Mordekayi kufunda malu onsu aa mu mukanda utuaye mutumine bena Yuda bavua mu bukalenga bua Artashasta bonsu, bavua kule ne batua pabuipi.
21Uvua ubalomba bua benze tshibilu tshinene mu dituku dia dikumi ne dinayi ne mu dituku dia dikumi ne ditanu dia ngondu wa Adare.
22Bualu matuku awu ke avua bena Yuda batshimuna baluishi babu. Bena Yuda bavua ne bua kutuluka muvuabu bapatuke mu dikenga mu ngondu mujima wa Adare, bualu anu ngondu awu, dikenga diabu kuandamuka disanka, madilu abu kuandamuka dituku dia kutua tshianga, kusempela. Batua bakudimune ngondu awu mushala wa masanka matule, ditshionkomoka. Kudi balunda ne kudi bapele kabidi, bavua batuminangana bintu bia masanka.
23Bena Yuda kumanyishangana bitua Mordekayi mufunde.
24Uvua mufunde mu mukanda amu mutua muena Masedoniya, muana wa Amedata, muye kubabunda, muvuaye mutume mukenji, mutshinke dituku dia kubutula bena Yuda.
25Ne mutuaye muye kabidi kudi mukalenga bua kulomba ne bowe Mordekayi. Kadi makenga onsu avua Amane ukebela bena Yuda, kumupinganyinawu. Kumuowabu, kuowabu kabidi ne bana bende.
26Ke padibu babikila matuku a tshibilu awu ne: Purime, bualu batua batshinke dituku didibu mua kubutula bena Yuda. Mu muakulu wa bena Yuda, purime, udi umvuija “ditshinka.” Mu matuku awu, batua batuluka malu onsu atua Mordekayi mufunde mu mukanda kabidi ne makenga onsu avua bena Yuda bapete.
27Mordekayi kuelaye diyi bua matuku awu bena Yuda bikale basanka. Bena Yuda kuanyisha, tshibilu atshi kushalatshi kudibu, kudi ndelanganyi yabu ne kudi bonsu badi basue kushala bena Yuda. Kuditshipabu mudibu kabayi mua kulengulula mua kuenza bibilu ebi. Mu ndelanganyi yonsu idi ilonda, diku dionsu dia muena Yuda didi mu tshitupa tshionsu tshia tshimenga tshionsu tshivua mu bukalenga, tshivua ne bua kuvuluka matuku a bibilu aa.
28Mu matuku a Purime aa kabatua mua kupua muoyi bua kusanka nansha. Bualu malu atua mamane kuenzeka adi atuvuluija malu adi atukuata matuku aa.
29Mukalenga mukaji Estere, muana wa Aminadabe ne Mordekayi muena Yuda, kufunda mukanda wa bionsu bivuabu benza, bua kushindika malu avua atangila mukanda wa Purime.
31Estere ne Mordekayi batua benza tshibilu etshi kabidi mu dina diabu. Kabidi batua batshienza bua kuambuluisha bena kuabu.
32Mikenji ivua Estere muele ivua miangatshishe bibilu ne mushinga mu bikondu bionsu. Batua bafunda mikenji mu mukanda bua kumona mua kuyituluka.
Who We AreWhat We EelieveWhat We Do
2025 by iamachristian.org,Inc All rights reserved.
