Obadya Diumvuija - MUKANDA WA MYIDI MUKULU（TSH96）

Diumvuija— Kakanda aka kadi ne malongesha a muambi utudi bamanye anu ku dina. Muambi udi udiwula Bena Edome (ndelanganyi ya Esawu,) bualu bavua bakengesha bikole bena Izrayele (ndelanganyi ya Yakobe, muanabu ne Esawu.) Bena Edome bavua basombe kuinshi kua Mayi manene a luepu, ku luseke ludi diba dipatukila luawu. Bikondu bionsu, bayua amu baluisha bena Izrayele, kadi nangananga tshikondu tshivua bena Babilone bakuate Yerushalayime. Ke tshikondu tshiwa bukalenga bua Yuda bujimina kabidi. Diba adi pa mutu pa kuambuluisha bana babu, bena mutumba, bena Edome bavua babanyenga tshitupa tshia buloba buabu, badisanga ne bantu bayua bapawula bintu mu Yerushalayime.Bidi bimueneka ne: mbafunde kakanda aka mu 587 bgbg ne Y.K., matuku makese kunyima kua dikuata dia Yerushalayime kudi bena Babilone. Obadya udi umanyisha bena Edome ne: nebanubutule pamue ne bisamba bikuabu bidi biluisha bena Izrayele. Ke mudiye ukolesha bena Izrayele ku muoyi, ujadika ne: Mvidi Mukulu ke udi wamba muaku wa ndekelu, ke wakosa nsambu ya bisamba bionsu!